تأجيل دراستي وموعدي بالسفاره بعد اسبوعين انقذوني
:roll2:السلام عليكم ورحمة الله وبركاته
كيفكم جميعا ان شاء الله تكونون بخير
بصراحة انا من زمان اتابعكم من 6 شهور وحافظتكم عضو عضو وموضوع موضوع :1eye:
بس توني اسجل معكم :sleeping:
انا بصراحه مدري اذا يصلح احط موضوعي هنا والا لا
بس انا ضايق صدري ياأعضاء عندي مشكله ويمكن تكون سهله للبعض بس انا
خايفه منها
انا بعد طول انتظار جاني قبول امس من مكتب تجسير الفكر
وكان قبولي بولاية بتسبرج فرحت لاني ابي ذي الولايه بس وين المشكله؟
المشكله ان التاريخ اليوم 3-2
وانا قبولي بـ ب 7-3 يعني بعد شهر من الان ومايمدي ابد اسوي شي
لان موعد مقابلتي بالسفاره بعد اسبوعين
يعني ابي أأجل دراستي وانا اخاف اعتمد على تجسير بالتأجيل ويلطعوني زي قبل
سؤالي الي يطرح نفسه
وش اسوي اروح لموعدي بالسفاره بالاي تونتي الي معاي وخلاص ؟؟وبعدين ااجل الدراسه واكلم المعهد؟؟
ولو طلع الاي تونتي الجديد بعد موعدي بالسفاره وش يصير بالاي تونتي القديم؟؟ هل ينحذف والا وش السوات؟؟؟
مالي غيركم ياخواتي واخواني اعطوني خبرتكم ومشورتكم بالحيل خايفه وضايق صدري
انا بأجل دراستي ع الاقل لنهايه شهر 4 او بدايه شهر 5 لو انتم مكاني وش بتسوون؟
مع العلم ان رقم السيفس مرح يتغير هو نفسه لاني مرح اغير المعهد بس وقت الدراسه يعني اسدد السيفس؟
انقذووووووووووووووووووووووووووووووووني اني اغرق اغرق اغرق:happy_crying:
رد: تأجيل دراستي وموعدي بالسفاره بعد اسبوعين انقذوني
:happy_crying: يارب يرد احد علي ويريح قلبي
رد: تأجيل دراستي وموعدي بالسفاره بعد اسبوعين انقذوني
مو مشكلة اطلبي من المعهد اي توني بنفس رقم السيفس وراح يرسلون لك اياه خلال اسبوع بالكثير بالتاريخ اللي بتدرسين فيه بتكون اسهل لان الردي معك قبول ...بالتوفيق
رد: تأجيل دراستي وموعدي بالسفاره بعد اسبوعين انقذوني
اقتباس:
المشاركة الأصلية كتبت بواسطة no problem
مو مشكلة اطلبي من المعهد اي توني بنفس رقم السيفس وراح يرسلون لك اياه خلال اسبوع بالكثير بالتاريخ اللي بتدرسين فيه بتكون اسهل لان الردي معك قبول ...بالتوفيق
المشكله اني تواصلت مع المعهد وقالولي لا تدفعين السيفس لاننا بنغيرلكـ رقم السيفس بموعد الدراسه الجديد:wallbash:
تتوقعون يمديه يجي قبل موعد السفاره؟وانا اذا ماوصل قبل موعدي اقول للسفاره اني معي اي تونتي بس لاتعتمدونه لاني بغيره والا اقولهم ماعندي اصلا؟؟
رد: تأجيل دراستي وموعدي بالسفاره بعد اسبوعين انقذوني
السلام عليكم ورحمة الله وبركاته
موضوعك بسيط جداً انا أجلت موعد الدراسه اكثر من 4 مرات من مكتب تجسير الفكر حتى حفظوني المصاريه عبد الفتاح وحسام والربع كلهم وانا اصلاً من المجموعه الخامسة وتوني بطلع موعد دراستنا في 7 مارس التأجيل عادي يمكن يقولون جيب لنا ورقه من التعليم العالي با المواقفه انك تأجلين بس با العربي عطيهم 375 ريال حق اتعابهم وقولي رحت لتعليم العالي وقالو ما يحتاج ورقه مثل ما اسوي دايم واتمنى لك التوفيق
رد: تأجيل دراستي وموعدي بالسفاره بعد اسبوعين انقذوني
روحي للسفارة على موعدك وبتطلع الفيزا مبكر واتوقع خلال 4 أيام مثل ولد خالي وزوجته راحو يوم الثلاثاء للسفارة وطلع تأشيرة زوجته يوم السبت وهو يوم الاربعاء
لكن اذا انتي ماتبين تروحي عادي يمديك تأجلين بس اهم شي اذا طلعتي قرار الابتعاث لاتتاخرين عن شهرين
تحياتي
رد: تأجيل دراستي وموعدي بالسفاره بعد اسبوعين انقذوني
على فكرة أختي ترى السفارة تقول اذا طلعتوا التأشيرة وحبيتو تغيرون وقت الدراسة مو مشكلة ومو لازم ترجعون للسفارة الا اذا غيرتو المعهد
الشي الثاني خليك في السيف سايد يعني افرضي انك رحتي للسفارة وتأخروا في اصدار التأشيرة تواصلي مع المعهد مباشرة قبل الدراسة بأسبوع ونص دون الرجوع الى المكتب سيء الذكر تجسير الفكر وترى لي تجربة جداً سيئة مع المكتب ( لانه يقول لي لاتحلم يجيك قبول قبل شهر وعشر ايام ) ولما تواصلت مع المعهد مباشرة علطول استجابوا لي وارسلوا لي القبول عن طريق فيدكس في خلال أربعة أيام فقط )
تحياتي
رد: تأجيل دراستي وموعدي بالسفاره بعد اسبوعين انقذوني
وعلى فكرة خلي المعهد يرسل الاي توني على بريدك الالكتروني وبعدها يرسلونه لك عن طريق شركة ارسال مثل فيدكس او غيرها لان موعد السفارة مو لازم الاتوني الاصلي يكفيك الصورة
رد: تأجيل دراستي وموعدي بالسفاره بعد اسبوعين انقذوني
اقتباس:
المشاركة الأصلية كتبت بواسطة KHALID FAHAD
وعلى فكرة خلي المعهد يرسل الاي توني على بريدك الالكتروني وبعدها يرسلونه لك عن طريق شركة ارسال مثل فيدكس او غيرها لان موعد السفارة مو لازم الاتوني الاصلي يكفيك الصورة
مشكور اخوي
تم التواصل مع المعهد وتأجيل الدراسه وبإنتظار القبول هاليومين
رد: تأجيل دراستي وموعدي بالسفاره بعد اسبوعين انقذوني
ما أقول إلا الله يعيننا جميعا الطلبة والطالبات على هالإجراءات وهالحوسة ..