الحمد لله وصلنا أمريكا والأمور كلها طيبه

السلام عليكم ورحمة الله وبركاته

أبشركم وصلت أنا وزوجتي إلى أمريكا ولاية كنتاكي مدينة بولينغ قريين ، والحمد لله الأمور كلها بخير ، بس والله الجو حار عندهم .

كانت الرحله يوم 16 أغسطس الساعه 12,45 دقيقه ليلاً <<<صح ياللغه العربية الفصحى :110:

من مطار الملك فهد بالدمام على الخطوط الهولنديه وصلت أمسترادم الساعه 6.15 الصباح بتوقيت هولندا الساعه 7 بتوقيت السعوديه. جلسنا في المطار 7 ساعات تقريباً بس المطار مره حلو وممتع بس لفيناه كله في ساعتين وبعدها جلسنا قدام بوابة السفر إلى واشنطن نحتري الرحله يجيء وقتها .

المهم أعلن عن وقت الرحله وركبنا الطائره وتأخرت عن الاقلاع تقريباً ساعتين لكن الحمد لله وصلنا واشنطن الساعه تقريباً 6 العصر بتوقيت واشنطن . نزلنا من الطائره ورحنا على مسار الغير أمريكيين والحمد لله ما طولنا يمكن نصف ساعه وبعدها رحنا على صالة موظفي الهجره والجوازات ما كان في زحمه بس أنا وزوجتي وواحد سعودي مبتعث وكم شخص أجنبي جاء دوري عند موظفة الهجره وسألتني وين ساكن بالسعوديه وكم رقم تلفونك هناك وسلام عليكم طلعت من الصاله ولله الحمد بدون تفتيش ولا يحزنون والأمور كلها سهلات ويا زينهم الأمريكان .

بعدها استقبلنا سواق الملحقيه وعلى الفندق ويوم ثاني على الملحقيه وخلصت جميع أوراقي وما قصروا الملحقيه والله اهتمام لأبعد الحدود .

ورحت السفاره وتغديت هناك أنا وزوجتي وبعدها على الفندق ويوم ثالث الصباح على المطار ووصلت مطار ناشيفال في ولاية تنسي واستقبلنا هناك سواق المعهد وركبنا السياره وعلى بولينغ قريين تقريباً 25 دقيقه المشوار وبعدها على شقتي .
وبصراحه ما قصروا الشباب هناك الله يعطيهم العافيه لولا الله ثم هم كان ما تسهلت الأمور .

وبإذن الله الدراسه في المعهد تبدأ يوم الخميس وعسى ربي يسهل الأمور ودعواتكم لنا والله يوفقنا ويوفق جميع المبتعثين والمبتعاث .

وأي سؤال أنا حاضر .

الحمدلله على السلامه عزيزي الله يسهل لكم طريقكم و يهون عليكم الغربة و بالتوفيق...........دمت بود

اقتباس:

---

المشاركة الأصلية كتبت بواسطة دليله

الحمدلله على السلامه عزيزي الله يسهل لكم طريقكم و يهون عليكم الغربة و بالتوفيق...........دمت بود

---

الله يسلمك وبالتوفيق للجميع

ماشاء الله تبارك الله
الحمد لله على سلامتكم,,
ومشكورين على التقرير المفيد :)

الحمد لله على السلامه .................... وبالتوفيق انشاء الله

الحمد لله ع السلامه
والله يوفقك أنت وزوجتك
ويكتبلك كل اللي فيه الخير

<<<< كأنه يعرفك

اقتباس:

---

المشاركة الأصلية كتبت بواسطة مسافرهـ

ماشاء الله تبارك الله

الحمد لله على سلامتكم,,
ومشكورين على التقرير المفيد :)

---

الله يبارك فيك أختي مسافره

اقتباس:

---

المشاركة الأصلية كتبت بواسطة النادر411

الحمد لله على السلامه .................... وبالتوفيق انشاء الله

---

الله يسلمك والله يوفق الجميع

الحمدلله على السلامه والله يوفقكم ويحفظكم ....

اقتباس:

---

المشاركة الأصلية كتبت بواسطة موآآآدع

الحمد لله ع السلامه
والله يوفقك أنت وزوجتك
ويكتبلك كل اللي فيه الخير

<<<< كأنه يعرفك

---

لا ما أعرفك من أنت:D

أقول وين حساب الغداء بس :D

وبالتوفيق لك ان شاء الله