الأعضاء الإشتراك و التسجيل

الملتقيات
ADs

اللي راح فيلادلفيا و معاه اطفال او حتى ما معاه بليز

اللي راح فيلادلفيا و معاه اطفال او حتى ما معاه بليز


NOTICE

تنبيه: هذا الموضوع قديم. تم طرحه قبل 2536 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية muni-als
    muni-als

    مبتعث مستجد Freshman Member

    muni-als الولايات المتحدة الأمريكية

    muni-als , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Finance , بجامعة UCI
    • UCI
    • Finance
    • أنثى
    • irvine, CA
    • السعودية
    • Feb 2011
    المزيدl

    February 15th, 2011, 10:47 AM

    السلام عليكم و رحمة الله
    حابه اسالكم كم سؤال
    1-اول شيء انا فكرت اروح على معهد و ماني عارفه اختار الافضل من بين : دركسل و els,elp
    اية افضل و ايش الفرق بينهم ؟؟؟
    2-ايش الخطوات و الاوراق المطلوبه للتقديم قرات كذا موضوع بس ما لقيت شيء فيه خطوات بصراحه او يمكن انا ما انتبهت ما ادري؟
    3- انا معايا ولدي و زوجي ، ولدي عمره 3 سنوات و نص ما شاء الله و هنا هو في كي جي 1 و الحمد لله ماشي الحال ، بالنسبه للي راحو و عيالهم في عمر ولدي
    هل كان سهل على اولادكم يتاقلمو و لا تعبو ؟؟ كيف نظام مدارسهم هل تعليم عادي و لا في نشاطات و اشياء ثانيه ؟؟
    ايش المدارس الكويسه و القريبه من المعاهد اللي فوق و سعرها مناسب و نظيفه و مريحه ؟؟
    انا بصراحه مرررررره شايله هم ولدي لاني مقرره اكمل ان شاء الله ماستر فلمن ارجع حيكون على سنه اولى ان شاء الله ما ادري هل الموضوع صعب و لا سهل ؟؟؟
    4- كم المده اللي احتاجها عشان يجيني ال اي 20 و هل لازم اختبر توفل ولا لا عشان اقدم لمعهد الجامعه ؟

    و شكرا
  2. المشاركة الأصلية كتبت بواسطة muni-als
    السلام عليكم و رحمة الله
    حابه اسالكم كم سؤال
    1-اول شيء انا فكرت اروح على معهد و ماني عارفه اختار الافضل من بين : دركسل و els,elp
    اية افضل و ايش الفرق بينهم ؟؟؟
    2-ايش الخطوات و الاوراق المطلوبه للتقديم قرات كذا موضوع بس ما لقيت شيء فيه خطوات بصراحه او يمكن انا ما انتبهت ما ادري؟
    3- انا معايا ولدي و زوجي ، ولدي عمره 3 سنوات و نص ما شاء الله و هنا هو في كي جي 1 و الحمد لله ماشي الحال ، بالنسبه للي راحو و عيالهم في عمر ولدي
    هل كان سهل على اولادكم يتاقلمو و لا تعبو ؟؟ كيف نظام مدارسهم هل تعليم عادي و لا في نشاطات و اشياء ثانيه ؟؟
    ايش المدارس الكويسه و القريبه من المعاهد اللي فوق و سعرها مناسب و نظيفه و مريحه ؟؟
    انا بصراحه مرررررره شايله هم ولدي لاني مقرره اكمل ان شاء الله ماستر فلمن ارجع حيكون على سنه اولى ان شاء الله ما ادري هل الموضوع صعب و لا سهل ؟؟؟
    4- كم المده اللي احتاجها عشان يجيني ال اي 20 و هل لازم اختبر توفل ولا لا عشان اقدم لمعهد الجامعه ؟

    و شكرا
    و عليكم السلام و رحمة الله و بركاته ,
    عزيزتي اسمحيلي اجاوبك على اسئلتك , و اتمنى تلقي احد تاني يفيدك اكثر ,
    1- انا سكنت في فيلادلفيا و درست في ELS شهرين ,, كان جيد المعهد , بس بعض العيوب ,,
    اولا , انه مكدس سعوديين يعني غالبا مقفل من الملحقيه (تأكدي من هذه المعلومه)
    ثانيا,, فعّال بس على المدى الطويل .. مو مكثف,, يعني هو المعهد 12 مستوى ,, كل مستوى تاخديه في شهر ,, لكن حطي في بالك ما حتتخرجي في سنه ,, تاخدي اكثر منها ,, و طبعا حيختلف دا الكلام على حسب خلفيتك الانجليزيه الحاليه
    بالنسبه لدريكسل , انصحك بها ,, جاامعه قويه من ناحيه السمعه و من ناحيه الجوده ,, و كمان في الداون تاون ,, الله يعين من اسعار السكن , بس يمشي الحال,
    ELP ماعرفه ,, بس PLI في تشستر ,, بعيد عن فيلادلفيا قرابه نصف ساعه , بس المعهد جدا صغير و العدد جدا كبير و مقفل من الملحقيه لتكدس السعوديين ,

    2- الخطوات انك تراسلي المعهد و تعطيهم اسمك او صوره من الجواز , اسم زوجك و ولدك ,, و هم يرسلو الآي توني ,,, بها تاخدي الفيزا ,, و لما تراسليهم يمكن يطلبو اوراق تانيه , بس هي اول واسهل خطوة في الدارسه في امريكا,

    3- بالنسبه لولدك ,, الله يحفظه و يبارك فيه , قد ولدي تقريبا ,
    طالما عمره 3 سنوات و اكثر ,, و اتعلم على الحمام , ممتاااااااااااااااااااز . كل المراكز تقبله ,
    من عمر 4 سنوات , يقدر يدخل مدرسه حكوميه حقتهم
    بالنسبه للتاقلم , في البدايه كل شي صعب , عليك و على ولدك , اذا ولدك متعود يكون بعيد عنك ,, ما حيتعب كثير ,
    لكن برضو كوني مستعده انه يبكي اول اسبوع , بس انتي لازم تسيبيه عشان يتعود , والداي كير جدا متمكن في هذه الحالات ,, و في نهايه الدوام , تشوفيه كيف ما يبغى يخرج من الداي كير ,
    بالنسبه لك انت,, جدا حيريحك , طول اليوم مرتاحه و بالك مو مشغول عليه , تقدري تروحي المعهد و الجامعه و تدرسي و تشتغلي , من 6 صباحا الى 5 العصر , طبعا دا دوامهم ,انتي تحطيه و تاخديه متى ما تبغي , بس يبغالك تدوري كويس عشان تلاقي الاسعار المناسبه ,
    اتفضلي هذا موقع للارقام و عناوين الداي كيرات في فيلادلفيا , احفظيه عندك الين تجي ,
    Search Philadelphia Pennsylvania Preschools, Child Care, Day Care, and Schools for your child

    اسفه ما قدر ادلك على داي كير بعينه , لانه ولدي كان صغير ايام ما كنت في فيلادلفيا , ما حتجت اوديه مكان
    لكن لا تشيلي هم ولدك , الداي كير هنا ممتاز ,, و طالما عمره قرابه الاربعه , يعني حينبسط و يتعود و يلقط اللغه احسن من الكبار , من جد لا تشيلي هم , ان شاء الله ما تتعبي فيه ,
    اخت زوجي كانت هنا , ولدها خرج من السعوديه على خامس ابتدائي , جا هنا ما يعرف انجليزي , ماشاء الله صار فنان , و لما رجع السعوديه , دخل اولى ثانوي على طول , بس ماعرف كيف مستواه , لكن عرفت انه تأقلم على الحال , و كله يمشي , بس لا توقفي دعاء,,

    4- ما تحتاجي توفل للتقديم على المعهد ,, يمكن تحتاجيه للجامعه , على حسب الجامعه ,

    اسفه على الاطاله , يارب اكون اعطيتك اللي يفيدك ,
    7 "
  3. مساء الخير...

    بالنسبة للمعهد مثل ما ذكر ميمو

    معهد els في فيلادلفيا صعب تجاوز المراحل " يجب ان يكون لديك خلفية انجليزي جيدة"

    جامعة سانت جوزيف والتي بها المعهد تقدم الحاسب وتخصصاته معترف بها على حد علمي

    نصيحة من بداية وصولك ابحث عن قبول جامعي واطلب من الملحقية المساعدة في ذلك

    وغادر المعهد فورا والالتحاق بالمعهد الذي يوفر لك قبول جامعي بعد اجتيازة
    7 "
  4. هذا اللي انا بحاول اسويه ان شاء الله بس قريت في المنتدي انه معهد اليوبن ما يؤهل لدخول الجامعه !!!
    طيب و جامعة دركسل معهدها يؤهل ولا لا ؟؟!!
    بصراحه ابغى اتطمن من الببدايه ؟؟
    اخت نيمو انتي الحين وين وولدك كيف وضعه ؟؟؟
    و اذا تعرفي شيء عن مدرسة بسي بي Busy Bees Learning Center, 601 Walnut St, Philadelphia, Pa 19106
    يا ليت تقوليلي و اذا موقعها في منطقة امنه ولا لا ؟؟؟ واذا فيها نسبة african american كبيره و لا لا ؟؟؟
    انا ودي بمدرسه مجؤبه و سعرها كويس اذا تعرفي احد جرب يا ليت تقوليلي
    اسفه تعبتك معايا
    7 "
  5. المشاركة الأصلية كتبت بواسطة muni-als
    هذا اللي انا بحاول اسويه ان شاء الله بس قريت في المنتدي انه معهد اليوبن ما يؤهل لدخول الجامعه !!!
    طيب و جامعة دركسل معهدها يؤهل ولا لا ؟؟!!
    بصراحه ابغى اتطمن من الببدايه ؟؟
    اخت نيمو انتي الحين وين وولدك كيف وضعه ؟؟؟
    و اذا تعرفي شيء عن مدرسة بسي بي Busy Bees Learning Center, 601 Walnut St, Philadelphia, Pa 19106
    يا ليت تقوليلي و اذا موقعها في منطقة امنه ولا لا ؟؟؟ واذا فيها نسبة african american كبيره و لا لا ؟؟؟
    انا ودي بمدرسه مجؤبه و سعرها كويس اذا تعرفي احد جرب يا ليت تقوليلي
    اسفه تعبتك معايا
    مو مشكله عزيزتي , تعبك راحه ,
    ماعرف عن جامعه دريكسل , انا مادرست فيها بس سمعت عنها ,
    انا نقلت ولايه تانيه ,, نقلت لـ CT ,,, , ولدي معايا,, يروح داي كيرين ,, عشان انا و زوجي ندرس في الليل ,
    ولدي يروح يومين لداي كير في الصباح ,,
    و يروح 3 لداي كير تاني في المسا , ,
    و بصراحه شايفته مره مبسوط , اليوم لما حطيته في الداي كير , يقولي مع السلامه , تعالي خديني بكره , بصراحه ماعرف اذا فاهم ايش قال و لا لآ ,, لكن قالي مع السلامه ,, يعني لي الكثير ,, انه مرتاح و يبغى يقعد و كمان عارف اني رايحه و عادي عنده ,, (الحمدلله) ,,
    شوفي عزيزتي .. انا حاولت ادور لك على التقييم حق البزي بييز , مالقيت , بس دخلت الموقع حقهم و شفت اسعارهم ,, بصراحه 200 و شويه في الاسبوع كتير ,, حدك 100 او 130 في الاسبوع ,,, (من تجربه و رأي شخصي)
    اهم شي يكون في الداي كير انه عنده رخصه رسميه للمركز ,, و انه آمن (يعني مايدخله الا اولياء الامور و بإذن ,, يعني في انتركم بره ,, عارفته ؟ )

    بصراحه صعب تختاري الداي كير من غير ما تشوفيه , مره اخترت داي كير بالنت , سعره ناسبني و يستقبل في الليل يعني يناسب ظروفي ,, و كمان اتصلنا على جهه حكوميه عشان نعرف اذا في شكاوي على هذا الداي كير ولا لآ ,, و طلع ماعليه اي شكاوي ,, لما رحنا عندها ,, لقينا انها عندها كلبين و بسه (و انت بكراامه ) ,, الاطفال نايمين على الكنبه مو مغطايين و الكلاب و البسه تطلع و تنزل على الكنب عاااااااادي ,
    طبعا ,, الكلاب ( اكيد ) ما هي مريضه , و لا البسه ,الحيوانات هنا تروح البيطري , تاخد تطعيمات , و عندهم شهاده باقتناء هذه الحيوانات ,, مدربه كويس و متعوده على الناس , يعني ما في خوف 90% ,, لكن انا و زوجي ما ارتحنا للمكان و بطلنا منه ,, مع انه صاحبه الداي كير كانت رائعه , والله رائعه ,, طيبه و حنونه و جدا ارتاح لها ولدي و رضي يقعد عندها ,, و لاحظي كانت ميزه اني اخلي ولدي في هذا الداي كير عشان لا يطلع جبان و يخاف من الحيوانات ,, كنت من جد ابغاه يطلع واحد شجاع و يعرف كيف يتعامل مع الحيوانات , (عشان كده جبت حوض سمك في البيت) ,, لكن لما شفت منظر الموكيت شعر الكلاب في كل حته ,, والله مره ما حبيت المكان ,,

    بس ,,, مع انه مالي وجه اقولك دحين باختصار ,, لأني قدي زودتها ,, لكن عشاني سبقتك في التجربه , انصحك تجمعي ارقام و عناوين الداي كير (سواء كان مراكز او فاميلي داي كير) تكون اسعارها مناسبه لميزانيتك و مكانها قريب من الجامعه او الشقه اللي اخترتيها, و بس تجي هنا ,, روحي و شوفي بنفسك ,, و استخيري طبعا و اولا , بعدها قرري , نفس الشي بالنسبه للشقق,,

    خلاص , اخر كلمتين ,, الله يوفقك و في انتظار اي استفسار ,,

    اختك ,, نيمو- روفي
    7 "
  6. انا جايه لفيلادفليا ان شاءالله واللي حببني فيها على حسب ماقريت انه هناك نسبه كبيره من المسلمين والمحجبات والمنقبات

    وناويه ادرس بمعهد ELS ومكتب تجسير هو اللي جاب لي القبول ووزارة التعليم العالي معترفه فيه وختموه !!

    لو عندهم مشاكل عليه كان ممكن ماوفقوا عليه

    ابغى اسال معي طفلي عمره 6 شهور وش افضل مكان للحضانه له ويكون قريب من معهد ELS وكم تكون الاسعار تبعه

    وكيف المعيشه هناك من حيث السكن والاكل انا وزوجي وطفلي هل تكفي مكافات الابتعاث او لا وهل السكن موثث او لا

    وايش اكثر شي تشوفوه اجيبه من ا لسعوديه هل اغراض الاكل متوفره واغراض المطبخ هههههههههه

    ياليت من يعرف يجاوب على استفسارتي يقول لي والله يجزاه ا لف خير
    7 "
  7. نيمو و الله مررررررره حبيتك و كلامك يريح البال بس حاسه اني حتعبك معايا شويه
    ما شاء الله على ولدك الله يحميه انا ابغى اوصل لهذه النتيجه ما ابغاه يكره المكان عرفتي
    الحين كيف اعرف اسعارالمكان و تقييمه ؟؟
    مررررره و الله شايله هم
    كمان السكن يا ريت ترشحيلي شيء يكون غرفه و صاله مطبخ و حمام في منطقه امنه و سعره مناسب
    اسفه و الله بتعبك
    7 "
  8. اهلا عزيزتي ,
    حأوريكم كيف تختارو الداي كير ,, و حأوريكم كيف تعرفو العنوان و تعرفو اذا قريب و لا لآ ,,



    اللي في المربع الاصفر ,, اسم الداي كير
    الزهري ,, نوع الداي كير (عائله و لا مركز) و هنا كله كويس طالما التقييم (الرايتنج) حقه 5 او قريب منها , و طالما في رخصه له (لاينسس)
    الاخضر ,, متى كان اخر تقييم تمت اضافته
    العودي ,, عدد الاشخاص اللي اضافو التقييم , يعني الناس اللي اتعاملو مع هذا الداي كير من اول ,
    الموف,, مستوى التقييم ,, اعلى شي 5 و اقل شي 1
    الدائره الحمراء ,, لون الوجه يقولك انه تقييم ضعيف , انه مايسّر
    الدائره الزرقاء ,, لون الوجه والابتسامه تقول انه ممتاز و انه شي يسّر

    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,وووو


    [IMG][/IMG]

    هنا بعد ما تضغطي على اسم الداي كير اللي تبغي تعرفي تفاصيله ,,
    الخط الاحمر,,, اسم المدينه ,, و فوقها اللي تحته خط اسود هو اختصار الولايه ,
    الخط الفستقي ,, عدد الاطفال في الداي كير , هنا يقولك انه 30 طفل او اكثر ,
    الخط الفيروزي .. هو الزيب كود ,, اللي في العنوان ,, مهم جدا و يسهل لك عمليه البحث في كل شي ,, كل منطقه لها رقم ,, ودائما تلاقيه في نهايه كل عنوان ,, طبعا العناوين لها ترتيب معين زي ما حتشوفي دحين ,,
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
    [IMG][/IMG]

    تقدري تدخلي هنا بعد ما تضغطي على كلمه map & info ,,فووووق جنب السهم الاحمر ,,
    دحين حأشرحلك كيف تعرفي تقري العناوين , في امريكا يتبعو نفس الترتيب دا ,
    الخط الاصفر ,,, هو رقم المبنى ,,
    الخط الاخضر ,, اسم الشارع ,, و بعده يجي رقم الشقه Apt.
    بس هنا عشانه مو شقه ,, ما في سطر حق Apt. <<<<< اوكي ؟؟
    الخط الزهري ,,, اسم المدينه
    الازرق ,, اختصار الولايه و دائما بعدها يجي الزيب كود (مكون من 5 ارقام ,, بس للأسف هنا مو موجود)
    اللي تحت دا , هو رقم التليفون ,,
    اللي تحته خط احمر اسمه (area code ) كل فيلادلفيا يبدا بهذا الرقم ,, و بعدها الرقم عادي ,,
    يعني في بعض الاحيان ,, الناس يبدأو يعطوكي الرقم ابتداءا من الخط الرمادي ,, اعتبارا انك عرفه ال3 ارقام الي في البدايه و انه رقم اساسي ,, (يختلف من ولايه لولايه)

    اتمنى اني اكون وفيت معاكم ,, و مازلت انتظر اي استفسار تاني ,,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.