يا شباب أمريكا تكفووون أبي قبول ؟؟؟؟؟
السلام عليكم ورحمة الله وبركاته
يا شباب أنا خريج من معهد الجبيل التقني بتخصص كهرباء صناعية وحاصل على معدل ممتاز وحاليا أعمل بشركة سابك فأود تكملة دراسة البكاليوريوس بتخصص الهندسة الكهربائية بأمريكا فأتمنى أجد جامعة تعادل لي ساعات علشان استطيع التكملة
فأرجوا من يستطيع مساعدتي في ايجاد معادلة لي بأحد الجامعات الامريكية وصراحة سمعت واحد من زملائنا عادل ساعات في جامعة بوردو فأتمنى أحد يخدمني تكفوووووووووووون
اللي يقدر يخدمني أنا مستعد ارسلة اوراقي ويحاول لي بايجاد معادلة وقبول
رد: يا شباب أمريكا تكفووون أبي قبول ؟؟؟؟؟
وعليكم السلام ورحمة الله وبركاته ,
اول شي للتوضيح انا ماني متواجد في أمريكا انا عندك بالجبيل الصناعية , لكن يالغالي لي تجربة سابقة في موضوع المعادلة فيه اكثر من شركة امريكية تعادلك درجاتك , ومقبولة من جامعات كثيرة , اهم هذي الشركات شركة Wes.com
وهذا شرح راح يفيدك كثير للتسجيل في موقع الشركة ..
شرح التسجيل في موقع wes.org لمعادلة الشهادات
وهذا شرح للتسجيل في موقع الجامعة , وحاول انك تسجل في اكثر من جامعة بعد ماتحصل على المعادلة من شركة ويز , أو حتى قبلها لأن هالموضوع ماهو إجباري فقط يفتح لك المجال ويأكد معادلتك للساعات الدراسية , وكلية الجبيل شباب كثير عادلوا منها وتيسرت أمورهم ..
احصل على قبولك بنفسك في الجامعات الأمريكية .. الخطوات
إذا ماكان موجود عندك التوفل اخوي ابو يوسف أو احد المتطلبات , تفرض عليك الجامعة دراسة اللغة وبعض الجامعات تدرسك اللغة في معاهدها وبعد كذا تقبلك بالجامعة بدون التوفل , وبعضها يطلب منك تدرس بمعهدها او بأي معهد وتحضر التوفل وبعد كذا يتم قبولك , في حال كان ودك بالقبول المشروط بدراستك في المعهد وبدون التوفل هذي صيغة خطاب القبول الي ترسله للجامعة ..
خطاب قبول مشروط
أنصحك اخوي انك تسجل بنفسك وتعرف كل الخطوات ..
لك كل الود وبالتوفيق إن شاء الله ..