وش السالفة ؟ محد في واشنطن دي سي ؟؟؟
السلام عليكم ورحمة الله وبركاته
انا بديت اخاف !!!!
ما اشوف احد من واشنطن دي سي !!!!:cry2:
لايكون انا الوحيدة السعودية اللي بروح لمّها !!!!
وش اسوي يعني ؟ يمدي اغير المعهد يا شباب و صبايا !!!
شي ثاني _ انا جاية مع اخوي _ واخوي مرافق _ رح يبدا توفل بإذن الله _
لكن _ ايش الـ process اللي اسويها عشان يلقاله قبول توفل في كابلان ؟
لانو رح يجي على فيزا اف 2 بما انه مرافق
يحتاج اسوي شي من الحين وانا هنا بأراضي الوطن ؟ ولا انتظر لين ما اوصل امريكا ؟:confused:
الله يعافيكم ردوا علي _ صدق اني جديدة !! بس والله متوهقة حيل وصاكّتني كآبة من ضآلة السعوديين !
مادري شلون بعيش !
الله يسهلها بس .
اختكم في الله .... erum
رد: وش السالفة ؟ محد في واشنطن دي سي ؟؟؟
الاخت في الله ..
لا تخافين ولا تضايقين بتحصلين السعوديين كثيرين بواشنطن دسي
وخاصه بالفندق
اتوقع ان المعهد ما تقدرين تغيرينه الا بعد ما تدخلين الاراضي الامريكيه
( تراي مو متاكد )وتكلمين المعهد اللي قبولك عليه وتاخين منهم اخلاء طرف او تنازل والله ماني متاكد
وضحي لنا هل انتي مبتعثه او على حسابك الخاص عشان نقدر نفيدك اكثر
اللي بعرفه بقوله لك انكم لازم تعبون الابليكيشن بالطيارة قبل ما تنزلون بواشنطن دسي بساعه تقريبا او ساعتين
ولما تنزلون وتخلصون تطلعون تحصلون سواق الملحقيه الله يذكرة بالخير ههههه هو ووزقارته اللي ما تطفي
( كرفني الله يستر عليه يقولي اوقف هنا بروح ادخن وبرجع لك واي سعودي يجي خله يوقف عندك هنا
عاد انا وريتك انواع اللكاعه فيهم ههههه)المبتعثين صفيتهم وحشرتهم ورا بعضهم واللي على حسابهم الخاص وقفتهم جنبي
ودقيت حنك انا وياهم سوالف
((( اصلا واضحه اني مبتعث وجوازي بيدي بس ما فهموها
محبطين وانا زودت احباطهم هههه )
المـــــــهم
تحصلينه ان شاء الله واقف قدامكم وعندة لوحه ( سفارة خادم الحرمين الشريفين الملحقيه الثقافيه بامريكا )
يسالكم عن اسماكم ويشوف هل هي موجودة من ضمن الكشف ( وصول مبتعث جديد )
المبتعث واللي على حسابه الخاص و امر الاركاب يقولكم خلوكم هنا ويجيب لكم عصيرات بعد التعب < امزح
وبعدين ياخذكم الى ؟؟؟؟؟؟؟؟؟؟؟؟؟؟؟؟؟؟؟
؟
؟
HOTEL
وهناك عاد تعلمي مابي اكمل ههههه
ويركبكم الباص حق الفندق هو وصلعته اللي تقول مطار لوس انجلوس
توقع عليها الطيارات الدوليه قبل المحليه
من قل شعرها ههههه
ويوديكم للفندق دبل تيري عااد هناك تحسوون بمشاعر غريبه الصراحه
< اسالي مجرب ياخوك
تحسين براحه تااااااامه وان هذة امريكا اللي نخاف من اسمها قبل ما نجيها
وبتعيشين وبترتاااااااااحين بس حنا ماناخذ المساله بطوله بال نبي كل شيء بسرعه بتهون ان شاء الله
ولا تنسين تراا واشنطن دسي ( فرجينيا ) ثلوووووووج وثلجها قوي وبردها يقسم الوجه قسمين
اما بالنسبه للي process بيفيدونك الشباب ان شاء الله
فلا والله اعلم عنه شيء لانني الى الان طالب لغه الله يسلهاا
هذا وان اصبت فاريد المثابه من الله وان اخطت فمن التفكير في الاختبار بكرى والتمس العذر منكم
والسلام عليكم ورحمه الله وبركاته ....
سلطان المطيري
رد: وش السالفة ؟ محد في واشنطن دي سي ؟؟؟
السلام عليكم ...
مشكووووووور اخوي سلطان على ردك ما قصرت ويكثرلنا من امثالك
مادري طمتني وخوفتني صراحة !!!
الله يهونها ان شالله علينا جميعا
بس سؤالي ( وشو الابليكيشن اللي يتعبى بالطيارة ؟؟ )
اختك .. erum
رد: وش السالفة ؟ محد في واشنطن دي سي ؟؟؟
ايه صحيح ...
وبالنسبة لل process اللي الشباب بيفيدوني فيها على كلامك ؟
قصدك اخواني اللي بالمنتدى ؟ ولا الملحقية ولا وشو ؟؟
رد: وش السالفة ؟ محد في واشنطن دي سي ؟؟؟
اقتباس:
المشاركة الأصلية كتبت بواسطة erum
ايه صحيح ...
اقتباس:
المشاركة الأصلية كتبت بواسطة erum
وبالنسبة لل process اللي الشباب بيفيدوني فيها على كلامك ؟
قصدك اخواني اللي بالمنتدى ؟ ولا الملحقية ولا وشو ؟؟
لا اقصد اخوانك اللي بالمنتدى ....
رد: وش السالفة ؟ محد في واشنطن دي سي ؟؟؟
اقتباس:
المشاركة الأصلية كتبت بواسطة erum
السلام عليكم ...
مشكووووووور اخوي سلطان على ردك ما قصرت ويكثرلنا من امثالك
مادري طمتني وخوفتني صراحة !!!
الله يهونها ان شالله علينا جميعا
بس سؤالي ( وشو الابليكيشن اللي يتعبى بالطيارة ؟؟ )
اختك .. erum
تم الارسال لك بالطريقه وعسى الله يوفقك
تم الارسال لك
رد: وش السالفة ؟ محد في واشنطن دي سي ؟؟؟
رد: وش السالفة ؟ محد في واشنطن دي سي ؟؟؟
اخوي سلطان
مشكوووور وماقصرت
رد: وش السالفة ؟ محد في واشنطن دي سي ؟؟؟
اخوي DnDory
شكرا ... يعني هو بس هذا الابليكيشن ؟ ولا فيه اشيا ثانية ؟
وهذا لما اعبيه وش اسوي بعدين ؟؟؟ اوديه للمحلقيه لما اوصل ؟
ولا ارسله لهم قبل السفر ولا شو ؟
يعطيك العافية ادري اني طولت عليك بالاسئلة
بس لو تساعدني اكون جدا شاكرة وممنونة
اختك ... erum
رد: وش السالفة ؟ محد في واشنطن دي سي ؟؟؟
لالا ،،
هذا النموذج تعبينه بالطياره
وتسلمينه لهم عند الجمارك لما تدخلين امريكا
مالهم دخل الملحقيه فيه الظاهر ،، هذا خاص بدخول امريكا