معلومات هامة جدا عن Sacred Heart University

السلام عليكم ورحمة الله وبركاتة
انا حبيت اعطيكم معلومات عن جامعه Sacred Heart University واخليلة موضوع لحالة
لكي يستفيد الجميع والمراحل القادمة علشان اذا بحثوا عن معلومات عن هالجامعه يحصلونها على طول
لان اكثر مواضيعنا دردشات
ندخل بالموضوع على طول
الجامعه هذي فيها ايجابيات وسلبيات نفس كل شي له ايجابياتة وسلبياتة
انا بطرح لكم ايجابياتة وسلبياتة وانتم قرروا برايكم عن الجامعه
انا في شخص اعطاني معلومات وطلب مني عدم تسجيل اسمة
وطلب مني طرح هالكلام بالمنتدى كون انه مر بتجربة اشبة ماتكون بالمؤلمة مع هذي الجامعه
من ايجابيات الجامعه قبولك بعد ماتخلص سنة اللغة في الجامعه بدون اختبار جيمات وبدون اختبار توفل وهذا صراحة شي ممتاز جدا
طبعا هذا بس لطلاب الماستر اما البكالريوس لازم توفل
من ايجابياتة فية ناس تعده ايجابيات وناس تعده سلبيات وانتم احكموا ان المعهد مايعطي واجبات كثير وهي ايجابية لما الواحد يستغل وقتة الفاضي ويطلع ويحتك مع الناس علشان يتعلم لغة ولكن اذا الواحد استغل هالوقت بشي غير فايده يعتبر سلبي
لان مثلا فيه معاهد تعطيك واجبات كثير ومايمدك تجهز عمرك لاختبار التوفل ولا اختبار الجيمات بس همك انك تخلص الواجبات من كثرها
من ايجابيات المعهد ماااافية سعودين السعوديين الموجودين تعدهم باصابع يدك الوحده
من ايجابيات المعهد وهي ايجابيات المدينة قربها من نيويورك يعني يمدك تفلها اذا طفشت
من الايجابيات بعد رخصة الي بالسعودين اقصد الرخص الجديدة المترجمة انجليزي تسمح لك بقيادة السيارة هناك
ام الحين نروووح للسلبيات
ان المعهد مايعطيك زي مانقول كشف درجات لجميع اللفلات الي درستها واذا اعطاك مهو معتمد وهذ شي عيب قوي
لان اكثر الجامعات لو ما اختبرت تطلب اثبات انك درست بمعهد وكشف الدرجات المعهد نفسة
واكثر الجامعات لو ما حصلت معك كشف درجات ماراح تعطيك قبول
من عيوب المعهد كذااااااااابين اذا قالوا لك تعال واحنا نساعدك بالسكن لانهم اذا جيتهم راحوا يسحبون عليك سحبه قوية
لين الطالب الي وصلي المعلومة يقول انه اول شهر سكن في فندق والفندق هذا كلفة خلال الشهر الاول 30000 ريال تقريبا
من عيوب الولاية السكن فيها غاااالي وصعب تحصل سكن
طبعا في جامعه نصحني فيها موجودة بهالولاية ودراسة اللغة قووووية وممتاااازة
وهي جامعه بردجبوت موجوده بنفس الولاية
يعني لو الواحد يقزرها لين يحول لمعهد بردجبوت يكون ممتاز
انا هذي الاشياء الي اتذكرها يمكن نسيت اشياء بس حتى لو نسيت هذي الي ذكرتها اهم الاشياء
واذا تذكرت شي راح انزله على نفس الموضوع
طبعا هذي المعلومات من شخص انا كنت ناوي اسجل اسمة
ولكن بناء على طلبة لن اذكر نهائيا اي معلومات عنة بسجل اسمة بالوقت المناسب
ولكن هي طلبت من كل من يقرا الموضوع اليوم بكرة بعد سنة
ان يخلي والدية يدعون لها لانها ابدت استعدادها في اي شي تبونة وهي تقدر علية
واي شي تبونة ولا سؤال اكتبوه على نفس الموضوع وانا راح اسئلها وارد على اجوبتكم جميع
ولكن ادعوا لها لانها تمر بضروف صعبة جدا
وبالتوفيق للجميع
اخوكم الخيال السعودي

ابشركم يا شباب ان مديرة المعهد تواصلت مع طالبة سعودية
والطالبة هذي وصلت صوتنا للمعهد
ولرغبة المعهد بان يكون وجهة الطلاب السعوديين لهذي الجامعه
فابدت استعدادها لاي تغيير
تم تغيير مناهج الدراسة لمعهد اللغة ليكون متناسب مع الطلاب
يعني الي انجليزيته صفر ينفع معه المعهد لان المعهد بيأسسه صح
وتعاقد المعهد مع منازل وشقق ليتم اسكان الطلاب الي يبي مع عائلة يحطونه مع عائلة
والي يبي سكن خاص يجبون له سكن خاص
وان شهاده المعهد تم تغييرها لتصبح معتمده من الجامعات دون الحاجة لاختبار التوفل
طبعا مديرة المعهد طلبت من البنت ان تساعدها في التواصل معكم لحظة وصولكم ستامفورد
طبعا البنت وافقت ومجانا وبدون مقابلة خدمه لاولاد بلدها
وجزاها الف خير البنت ورغبه منها انشأت ايميل للتواصل معكم
ولكن طلبت مني ان ارسله لكم ولكن عن طريق الجوال
وانا برسلة لكم
ولكن قبل كل هذا ابي كل واحد منكم يدعيلها مع رد حلو على نفس الموضوع
يعني الف الف مبروك لكم ياشباب