اهلين اخوي الفتى المهاجر
ارلنتون هي عباره عن مدينة داخل ولاية فرجينيا ..
ومن افضل المناطق ..على حسب اللي شفته ..
طيب اخوي .. بحاول بقول خطوه خطوه واسألني على اي شي مش واضح بس لاتشل هم بتتعلمها اكثر لما تدخل بالمترو وتمارسه
كل يوم سهل جداً بس بالبدايه بيكون نظام جديد .. وترا فيه عند كل محطه اشخاص ممكن يساعدوك مثل حقون الامن ويحاولو يفهمو عليك لو تكلمت معاهم :)
نبدأ بان مثل ماقلت واشنطن وفرجينيا .. ولايتين .. بس هم كلهم جنب بعض ! يعني يعتبرو شي واحد
اللي يربطهم جميعهم ببعض هوا لمترو ..
اول شي في بعض المحطات الرئيسيه في مكتب حق تذاكر المترو او بطايقها
طبعا افضل شي انك تشتري بطاقة .. وهي عباره عن بطاقة بلاستك مثل بطايق البنك وكذا
تمررها بالجهاز بكل مره تدخل او تطلع وفي كل محطه حاطين لك اجهزه الكترونيه تشحن فيها ببطاقتك وتقدر اول مره تنادي واحد من السكيورتي هم يعلمومك كيف الطريقه
طبعا البطاقة هذي سعرها 30 دولار .. وتبداً تشحنها اول مره ب 20 دولار .. وكل مره تفضى تشحنها لأنك لو ماشحنتها ماراح تقدر تدخل محطه او تغادر منها
خليني احط لك محطه تبدا منها
مثلاً
محطه اسمها روزلن.. تعتبر من المحطات الرئيسية في فرجينيا
ممكن اول ماتوصل تقول للتكسي يوصلك لها
تدخل تحصل وسطها مثل السوق مرررره صغير يادوب كم محل
تطلع الدور الثاني تحصل على يدك اليمين محل تبع بطايق المترو تدخل تطلب منه بطاقة مترو 30 دولار تشتريها
ترجع تطلع من هلسوق الصغير وتروح لجهة المتروو ( راح يكون قدامك )
تلاقي اجهزه كبيره حقت شحن بطايق تنادي واحد من حقون الأمن تخليه يعلمك كيف تعبيها اول مره عبيها 20 دولار
واطلب منه يعطيك خريطة المترو .. بتلاقيها معلقه بكل جدار وانتا ماشي بس احتياط خذها ورقه وحطها بجيبك
وهنا انا جبت لك صورة الخريطة
http://www.dcmetromap.net/wp-content...metro-map2.jpg
نظام المترو
خمس ألوان
أصفر
أزرق
أحمر
برتقالي
وأخضر
النقطة اللي انتا راح تكون فيها هي محطة روزلن .. لونها أزرق تحصل اسمها على يدك اليمين في اقصى اليمين في الصوره
بشكل موازي مع اللون البرتقالي واضح انها محطه رئيسية الدائره عليها كبيره
تدخل المترو
اللحين كيف اشرحلك *_* حسيت اني راح اضيعك بس صدقني تراه جداً سهل
بشكل عام ..
كل لون يوديك منطقة ..
وكل اسم محطه عليها دائره .. شوف كم لون يمر من عندها وتعرف كم مترو يمر من نفس المحطه
ونظام المترو داخل المحطه كل مترو يمر مكتوب عليه اسم اخر محطه يوصل لها
انتا اذا تبغى تروح لأي مكان اول شي طلع اسم المحطه
شوف كم لون يمر من عندها
مثلا احنا للحين واقفين بروزلن اللي على الخط الأزرق
تبغى تروح على محطة الملحقية ..! اللي قريب منها الملحقيه
اسمها FOGGY Bottom
تحصلها على الخط الأزرق
http://www.nationalrealty.biz/map/metromap.gif
لو تشوف من روزلن على محطة فوقي بوتم
يمر لونين اللون البرتقالي واللون الازرق
وهي تعتبر المحطه بعد محطة روزلن على طول
على كذا تقدر تروح على خطين تقدر تروح بالأزرق وتقدر تروح بالبرتقالي
طيب اللحين اي مترو تستخدم !
راح تحصل اربع انواع مترو يمرو من محطة روزلن
وكل واحد فيهم يوديك على الطريق اللي يوصل بالنهايه لإسم اخر محطة على الخط
يعني بالنهايه راح يكون اسم المترو اللي تركبه عشان توصل لمحطة فوقي بوتم هو ( NEW Caroltton أو ROAD (
وطبعا لما تركب المترو بتنتبه لكل محطه توقف فيها تحصل اسمها مكتوب على الجدار قبل لاتنزل ..
*_* والله ماعرف اذا شرحي كان واضح حسيت ان ناقصني صبوره *_*
ان شاء الله يكون واضح على الأقل اعطتيك نبذه وخريطة :p
وبالتوفيق بالفيزا .. تراها تتطلع بيوم وليله ^_^
أن شاء الله ربي يسهلك الخير