Florida Institute of Technology
السلام عليكم
اخواني انا من الكويت وقدمت على جامعات مختلفة في بريطانيا وامريكا وما جازتلي غير هالجامعة عقب ما تأكدت انها معتمدة لدى التعليم العالي بتخصص الهندسة المدنية وعطوني قبول مشروط
عندي استفسارات مختلفة
انا عندي 6.0 بالايلز بس ستيفاني موظفة الانترناشونال حالفة انها ما تقبلني غير مشروط وتتنازل عن شرط الايلز اللي يكون 6.5 وقالت اني اقدراخذ مواد انجليزي مكثف مع مواد التخصص عشان يتنازلون عن الشرط
ياليت تفيدوني شنو هالمواد الانجليزية المكثفة وكم مادة وهل الكلاسات تكون داخل الجامعة او داخل ELS ؟
وبسألكم عن مواد التخصص هل المواد سهلة وسلسة ؟ وهل يعادلون دبلوم كلية التكنولوجيا؟
وشلون على نظام التقويم الدراسي هل هناك اجازة للكرسمس لغاية شهر مارس؟