معهد esl بمدينة أتلانتا لمن لديه أي معلومه فليدلي بدلوه هنا ^_^

السلام عليكم ورحمة الله وبركاته

صباح الخير للي موجودين بأمريكا ومساء الخير لأحبائنا في السعودية

يا أخوان انا كنت بمعهد ces بميرماك ورحت الملحقية عشان أحول وحولوني على مدينة أتلانتا معهد esl instruction & consulting أبغى لو معلومات بسيطة عن هذا المعهد وعن طريقة دراسته

تصدقون حولوني وماهو مكتوب في الورقة حقت التحويل متى الدراسة طيب أنا أعترف أن فيه خطأ مني أني ما سألت عن التاريخ بس حتى هم غلطوا ما قالوا لي أو حتى ما كتبوا لي في الورقة
فوق هذا نقول عادي نستنى لحد يوم الأثنين وأروح المعهد بنفسي وأسألهم

في النهاية لمن يقطن<أرحم يا شيخ>بهذه المدينة الرجاء مراسلتي لكي أتطمن فقط أن فيه سعوووديين


والسلام خير الختام
أخوكم فهد

يا هووووووه مافي ولا أحد في هاذي المدينة


حتى في قوقل بحثت لين قفل قوقل ما لقيت ألا هذا الموضوع إلي هو موضوعي

مرحبا اخوي انا حولت من الملحقية على هدا المعهد esl لكن انا في مدينة هيوستن ولاية تكساس..
لي الان في المعهد 3اسابيع المعهد مرة حلوة ونظام الدراسة مرة كويس واحس اني بديت اتطور.. وترى انا زيك دورت لين انحولت ومالقيت اي شي عن هدا المعهد وتوقعت انو مافي سعوديين ابدا ولكن لقيت نسبة سعوديين في المعهد يعني تقريبا 20%
انشالله امورك تكون تمام..
على فكرة الملحقية اعطوني ضمان مالي مؤقت وانا جبت القبول بنفسي من المعهد وارسلتة للمشرف عن طريق الايميل وارسلولي هم الضمان المالي الجديد وكمان عيونو لي مشرف جديد..
اتمنى اني افدتك لو شوي.. اتمنى لك التوفيق والله يكتب لك الي فية الخير..

ممتاز مثلي في كل شي

20% نسبة ممتازة حلو لو كانت زي كذا في معهدي

ونفس الشي أعطوني ضمان مالي بس ما أدري هل هو مؤقت ولا لا

شكرا لك والله يوفقك على هالمعلومات الرائعة الله يجزاك خير دخلت في قلبي الكثير من الإطمئنان عن هذا المعهد

اخوي الضمان المالي ادا فية اسم المشرف ورقمة فهو تمام لكن ادا ماكان فية اسم المشرف ورقمة معناتو هدا مؤقت عشان تجيب الI20 بعدين ترسلوا للملحقية بعد كدا يرسلوا لك الضمان المالي الي فيها بيانات المشرف ويعنوا المشرف لك.. هدا الي حصل معاي بالضبط
بس انا اتأخر الI20 مدة اسبوع و4ايام تقريبا عشان المعهد الي كنت فية اتأخروا بأرسال اخلاء طرف.. ولما جاء اخلاء الطرف من المعهد القديم سوا لي I20 وعادي فترة الاسبوع و4ايام كنت ادرس وكل شي تمام..
الله يسعدك واتمنى لك التوفيق والنجاح..

الورقة مافيها لا أسم المشرف ولا رقمه ممكن نفس إلي حصل لك

اللهم آمين وياك يارب

انا جاي ان شاء الله في مايو ...

وما اعرف شيء عن المعهد والمدينه ...

يا ليت يفيدونا الاعضاء عن المدينه ... وهل صحيح نسبة السود كبيره ؟؟؟؟
وكيف اسعار السكن ؟؟