استفسار عن ولاية اركانساس وجامعة University of Arkansas at Little Rock

السلام عليكم

عندي بعض الاستفسارات وودي احد عنده علم يجاوبني
عن ولاية اركانساس بشكل عام وعن منطقة ليتل روك بشكل خاص
وعن جامعة University of Arkansas at Little Rock
بالتحديد

ياريت القى رد

كم سعر المستوى فيها لدراسة اللغة
كم مدة المستوى
هل فيه اجازة بين مستوى ومستوى بشكل اجباري
كم عدد جميع المستويات
والاهم هل التدريس جيد فيها

المنطقة هل تعتبر هادئة وامنة
كيف المعيشة فيها
هل يوجد اي شيئ في المنطقة يقدر الواحد يروحه في الويك اند

السكن هل هو متوفر وكم اسعار الشقق(غرفة وصالة ومطبخ وحمام) وويش يحتوي المطبخ وهل توجد غسالة ومنشفة ملابس

هل يدفع شيئ مع الايجار مثل فاتورة كهرباء او ماء او اي ضرائب اخرى

المواصلات كيف

الاجواء

اتمنى القي اجابة انا ودي اجيب قبول هليومين بس للحين مو محصل مكان
يعني ودي نهاية شهر رمضان او بعده بشوي اني اسافر وياريت القى من يساعدني


وادا الله تمم وقررت الذهاب لهدي الولاية
كيف اروح لها
هل يوجد بها مطار
وكيف تكون الرحلة
هل هي الى ولاية معينة مثل شيكاغو ومن ثم الى هدي الولاية عن طريق طيران داخلي

نرفع الموضوع اتمنى ان اجد تجاوب من احد الاخوة

نررررررررفع الموضوع لك ,, واتمنى تلقى واحد يساعدك

وانا مبتعث لهااا واتمنى احد يجاوب على اسألتك

ليتل روك احد مدن ولايه اركانسا انا كنت عايشه بمدينه فيتفل جنبها بينهم كم ساعه بس بالنسبه ليتل روك فيها نسبه عبيد وهي رخيصه بس معهدها مررررره خايس علي قولت ناس جو عندنا لمدينتنا
ويكثر فيها الاعاصير وغيره
بالنسبه لكم نصيحه مني حولو لمدينه جنبها اسمها مدينه فيتفل fayetteville
معهد المدنيه مرررررره قوي وشديد
المدينه رخيصه ترا حتي ليتل روك رخيصه يعني شقه غرفتين بالاثاث كنب وسراير وغساله ونشافه وميكرويف وفرن ب575 دولار بالشهر طبعا بتدفعون اول العقد 200 زياده مره وحده هذا دوبيزت تامين يعني
المهم
فيتفل امن بكثير من ليتل روك وفيها سعوديين والله كلهم مليانين سعوديين
بالنسبه مع الايجار تدفع الكهربا والمويه بس مب مره غاليه
بالنسبه للمدينتين مافيهم شي للترفيه فيهم سينما ومول بس مو ملثل باقي المدن بس احنا وش نسوي بالعطلات نطير لدلاس تكساس والا المدن القريبه بالسياره وصدقني هي مدينه دراسه لو تبي مدينه فيها ترفيه ماراح عمرك تدرس غصب عنك لان ربعك يزنون علي راسك او اهلك وحتي انت اكيد بتفضل تروح ترفيه عن انك تقعد تذاكر
كل المدنتين فيهم مساجد
بالنسبه للمواصلات كلهم فيهم باصات كثيره مجانيه
بالنسبه للرحله فيتفل فيها مطار بس مب مباشر من السعوديه لها لا لازم من السعوديه لمطار واشنطن او نيويورك وانصحك بواشنطن اقل تشدد ثم تروح لمطار ثاني بس تنزل فيه وتركب الطياره الثانيه لفيتفل الرحله مرهقه بصراحه خاصه للي معه عايله
اذا بتروح لفيتفل راسلني اساعدك ومابي شي غير الدعاءء وتقدر تجيب القبول بنفسك واذا علي ليتل روك ماعرف عنها الا اللي سمعت عنها

وعليكم السلام ورحمة الله وبركاته

اهلين وسهلين

انا احد طلاب هالجامعه

المعهد تابع للجامعه اسمه IELP
المعهد ثلاث مستويات
كل مستوي 4 شهور والصيف شهرين
بين كل مستوى ومستوي اجازة اسبوعين عدا اجازة راس السنه تقريبا شهر واسبوع
سعر المستوى 3800 دولار
سعر الكتب بالمستوى ماتتعدى 80 دولار
مدرسين ومدرسات المعهد تقريبا 10 أشخاص
بصراحة التدريس يعتمد على مجهودك
المعهد لا هو قوي ولا هو ضعيف ( المعهد متوسط )


المنطقه تعتبر هادئه ورخيصه واجواها ممتازه

السكن فيه ثلاث اماكن وكلها قريبه من الجامعه تقدر تروح مشي بالكثير بالكثير 10 دقايق

- فيه وحده تابعه للجامعه جنب الجامعه
- وحده اسمها الساوث اوكس ( غرفتين نوم وحمامين وصاله ومطبخ ) بدون غساله ( فيه بالمجمع غساله ب4 دولار غسيل وتنشيف) بدون اثاث يوجد ثلاجه بدون نت والكهرباء عليك
سعرها 650 دولار شهريا توقع 3 شهور سعرها 630 دولار
اما ( غرفه نوم وحمام وصاله ومطبخ نفس النظام نفس كل شي سعرها 550 دولار توقع 3 شهور 530 دولار
سعر النت تقريبا عليك 60 دولار والكهرباء تقريبا عليك 70 الى 80 دولار
- وحده اسمها الكولمان بليس مقابلة للجامعه ( غرفه نوم وحمام وصاله ومطبخ ) كل شي فيها اثاث وغرفة نوم غساله ونت والكهرباء عليهم سعرها 750 دولار اما ( غرفتين نوم وحمامين وصاله ومطبخ ) كل شي فيها نفس النظام سعرها 1200 دولار اما ( 4 غرف نوم و4 حمامات وصاله ومطبخ كل شي فيها نفس النظام سعرها 1600 دولار

نظام غرفتين و4 غرف مهوب شرط كلها لك تقدر تاخذ غرفه وعاد يجي يسكن معك اي احد سعودي ولا اجنبي تصير مشتركه بينكم السكن

بصررراحه عوائل مافيه عوائل لسكن معهم امكن من 100 عائلة تلقى عائله وحده

المواصلات مافيه الا تاكسي فقط تتصل عليه يجيك لين سكنك او اي مكان انت فيه

فيه مسجد جنب سكن الساوث اوكس ومطاعم عربيه فيه مول فيه سينما فيه سوبر ماركات

المدينه يوجد فيها نسبة كبيره من الطلبه السعوديين يوجد ايضا فيها نسبه كبيره من السود

يوجد فيها مطار داخلي فقط ( تكون رحلتك مثلا من مطار دولي بالسعوديه الى مطار دولي بامريكا ثم الى مطار داخلي ليتل روك )

وان شاء الله اني قدرت افيدك بشي

تحياتي

اخوي لو سمحت كم تكلف دراسة لغة 6 شهور في نفس ولاية اركانسس شاملة المعهد+السكن+الاكل+المواصلات

اقتباس:

---

المشاركة الأصلية كتبت بواسطة طالب مجتهد م

اخوي لو سمحت كم تكلف دراسة لغة 6 شهور في نفس ولاية اركانسس شاملة المعهد+السكن+الاكل+المواصلات

---

مافيه 6 شهور غير انك تدرس بداية سنة 2012 تدرس 4 شهور بعدين الصيف شهرين ( يعتبر مستويين درست ) المستوى الواحد 3800 دولار = ( 7600 دولار )
السكن 530 دولار مع النت والكهرباء قل 650 دولار = ( 3900 دولار ) مع التامين 200 دولار قل ( 4100 دولار )
الاكل والمواصلات عاد على حسب امكانياتك قل كلها ( 4000 دولار ) هاذي بصراحه صعبه اتحكم في سعرها اشوف ان 5000 او 6000 دولار تكفي بس ماراح احسبها لك انت خاصه
مع ملتزمات الدراسه ( 250 دولار )

كلها 15950 دولار قل كلها ( 16000 دولار )

يعني 16 الف دولار يعني بالسعودي تقريبا 60500 ريال قل كلها (61000 ريال سعودي ) دارس ساكن وماكل وشارب ورايح وجاي

عاد هاذي الحسبه الي حسبتها حاولت اوصلها للحساب الحقيقي ( للمعلوميه بدون حجز الرحله )

وان شاء الله اني قدرت افيدك بشي

تحياتي

يا خوي طيب مافي موقع نحجز منوو سكن العائله لانو كل المواقع ما القى فيهاا ليتل روك
وكم اسعار العوائل الله لايهينك
الله يوفقك في دراستك

(طموحي الهندسة) شكرا على ردك على مشاركتي