وصلت امريكا وانصدمت وافكر بالعودة انصحوني بليز -

الموضوع باختصار اني وصلت الى واشنطن دي سي من فتره ومصدومه من امريكا
ومن كل شئ فيها مره ماحبيتها ولا ارتحت فيها ابدا
هذا وانا في العاصمه كيف لو كنت بولايه صغيره ؟
مصدومه من الناس الممله الي كلهم بقدرة قادر old fashioned واشكالهم تجيب الهم
والاكل كله unhealthy
واكتشفت اني مع ان واشنطن فيها مواصلات عامه
محتاجه سياره بأقرب فرصه !! لأن المواصلات العامه ابدا ماتسمى مواصلات كأني انتظر خط البلده !
بصراحه تبهذلت جدا وفكرت بالعودة بدون مبالغه يوميا تطري على ؟
انا عشت بأوروبا وكنت مرتااااااااااااااااااااااااااحه جدا مدري وش قردني وخلاني اجي امريكا غير غلا اوروبا !

ماادري لو هذا شعوري لاني باول شهر وبعد فتره بحبها او لا بس فعلا كل يوم احس اني ارتكبت غلط كبير
وورطت نفسي بمكان احس كأني بأوكرانيا مو امريكا !!

لا ولحظه بحش مطعم اسمه الجزيره كل ماافتح موضوع بمنتدى القى مدح بالهبل عليه !! واروح له!! وياليتني مارحت
اقسم بالله كلب مايرضى يدخله !! اصلا كله صوماليه ويمنييين !!

قلت اجرب مكان ثاني اسمه ماما عايشه !! يقولون ارقى واحسن !! واروح له
قرسون واحد يخدم مطعم كامل ؟
والكراسي قماش وصخ اقل شئ عشره سنوات ماتغيرت !! غير الاكل الله يكرم النعمه


والله subway انظف وارقى مليون مره عمركم ماتسمعون مدح من النت ابدا خصوصا بالاكل

بأختصار قفلت معاي من كل ناحية

يارب اشرح صدري ويسر امري

؟؟؟؟؟؟؟؟؟ علامة إستفهام ؟؟؟؟؟؟؟؟؟؟

الله يصبرك ويارب تنحل امورك وينشرح صدرك...

الا عندي رأي بسيييييييط :::

وش فيهم اليمنيين والصوماليه>>>>مو هم بشر مثلنا وخالقنا واحد....

امريكا خمسين ولايه ماهي ولايه وحده ،

غيري الولايه ، اذا مارتحتي في واشنطن

أنتي جاية تتمشين وتسبين الناس او تدرسين ؟؟؟؟؟؟؟؟؟؟؟؟
وبعدين انتي انثى شيلي نفسك يعني الله لا يهينك إطبخي إشغلى نفسك شوي وإنتي من السعودية مو من أوربا
لما تجي تقارني عيشتك تقارنيها بالسعودية علشان
ماتتأزمين
كلنا عيال حارة وحدة ندمت ومدري إيش رحي إدرسي وإرجعي والمكان انتي تقيمينة وتخلينة أحلى مكان باللأ فكار الإجابية
أو تخلينة أسوأ مكان باللأفكار السلبية

أوروبا غير وأمريكآ غير ..

خآصة بموضوع النقل / القطارات والمتروو ..

هنآ بآمريكا لو مو معك سيآرة مآترتآحين أبد ..

وأما عن المطآعم فهي تختلف بآختلاف المدن والناس والاذوآق ..

ولو بتبحثين شوي أكيد رآح تلآقين اللي يعجبك ،

أتمنى لك إقآمة سعيدة .. وإن شاءالله هي أيآم وتعدي وتحبين المكآن والنآس ..

http://www.mbt3th.us/vb/forum134/thread238743.html

تصير .. ولا احد يستغرب

انا لا رحت اوروبا ولا غيرها .. وبغض النظر عن اني جاي للدراسه ..

الدراسه يبي لها نفسيه حلوه .

انا من جد انصدمت من بعض المدن ... وصحيح مع الايام تتأقلم .. وفي بعض الاشياء لا تعليق عليها

فلا احد يلومها بشي .. مو عشان مقارنتها باوروبا .. انا حاس فيها بالرغم من اني ما رحت لاوروبا .. وبغض النظر بعد عن المطاعم

اشياء بامريكا اشوفها عاديه جدا .. وفي مدح القاه ما لقيته . وبالنسبه للامور الاخرى انا معمي عيني عنها وجاي ادرس .. حتى الاشياء الاساسيه اللي تساعد متعلم اللغه ما لقيتها بمدينتي .

فالواجب ننصحها بكلام حلو .. مو عصبيه

الاخت تبي حل تبي كلمه زينه .

انا من رأيي تغير المدينه ولا تروح لمدينه الا وهي عارفتها زين ما زين

وربي يوفق ويعين

واعجبتني الاخت اللي كتبت هالكلام .. وربي صادقه وانا مجرب هالشي ::: ( وإرجعي والمكان انتي تقيمينة وتخلينة أحلى مكان باللأ فكار الإجابية
أو تخلينة أسوأ مكان باللأفكار السلبية)

جربت بالسعوديه وكنت اقوله لاغلب الشباب هالكلام .

في ناس بترتاح بالرياض وناس لا وهالشي ينطبق على اي مكان .. الدور علينا الحين شلون نخلي انفسنا تتأقلم مع الوضع .. بكذا طريقه نقدر ندور الاشياء الحلوه ونلغي اي شي سلبي نواجهه

اي انسان يجي مكان غريب يبي يتازم اولها لانه مو عارف ايش الاماكن الزينه وماعنده خبره بالمكان الي عايش فيه وبعد ما يتاقلم على الوضع ويكتسب خبره يبدا يتعايش ويتاقلم مع المكان

عموما انتي لاتخلين المقارنه ببالك تتعبين لكن شوفي ايش الي يعجبك وابحثي عنه بتلقينه هنا

وبعدين من قال ان الجزيره حلو؟؟؟؟؟

في مطاعم راقيه وحلوة ان بغيتي عربيه ولا غيرها مليااااان روحي واشنطن في الام ستريت قريب مطاعم حلوة وفخمه وارلنجتون كرستال سيتي فيها مطاعم حلوه وكذلك في مطعم احبه اسمه بيمان افغاني نظافه واكل ورقي وترتيب وسعره بعد حلو مو غالي بالفلس شيرش ومطعم حلو اسمه لبنان ترافين في التايسن كورن وبجنب بيتي بكرستال سيتي في مطعم راقي والشخصيات الكبيره تجيه اسمه ستيك هاوس في مطعم اسمه اولايف قاردن له فروع بفيرجينيا كثير حلو كثيرررررر مطاعم حلوة ونظيفه وراقيه وبعضها بوفيه مفتوح بعد

المهم انك تدورين وتعرفين والناس واشكالهم مايهمك بشي انتي اهتمي بنفسك وبس وبالنسبه للمقارنه مع اوربا ان كانوا اووربا اكشخ فهنا الشعب اخلاقه افضل والامريكان خاصه بفيرجينيا راقين بتعاملهم واسلوبهم مو مثل البريطانيين انفسهم بخشمهم يالله يردون عليك وبعدين مادري انتي وين ساكنه عشان تشوفين اولد فاشن انا المنطقه الي ساكنتها كلهم راقين ولبسهم وتعاملهم راقي جدااا اختيار المكان مهم جدا وترا البلد حلوة والله اني باطلع منها ومقهوره لكن الشكوى لله مظطره انقل بعد كم شهر منها عشان الجامعه

وتعرفي على بنات او عوائل اذا كنتم عائله لان الصداقه تنسيك اي شي مو عاجبك وتستفيدي خبره منهم واطلاع


الله يوفقك ويهدي بالك بس لا تفكرين تتركين الدراسه ابد عشان اشياء مع الوقت تتغلبين عليها ان شاءالله


تحياتي واي شي انا حاضره بالخدمه تقدري ترسلي لي على الخاص واكون سعيده لو قدرت اخدمك باي شيء

خيتو تعوووذي من ابليس وقولي يارب
اذا بنجلس نقارن ونضيق صدورنا عز الله مادرسنا وبنجلس كل الوقت نفكر انا مثلك سبو في ام الولايه الي بروح لها من ناحية الشكل والاكل والترفيه مع ذالك ماهتميت ابي بس دراسه معهد قويه والله بيسخرلي يارب واتحمل واعيش
لاتقولي طول عمري باوربا ومدري ايش اوربا مثل اي مكان فيها الزفت وفيها الوسط وانتي ع كلامك تركتيها اوك تحملي لاجل دراستك
وش لك بلمطاعم انتي اشتري من البقلات واحسن شي بيكون
الله يوفقنا وياااك