الأعضاء الإشتراك و التسجيل

الملتقيات
ADs

مساعدة محتاج فزعتكم عندي عدة إستفسارات إذا امكن !! المكان: Rhode Island

مساعدة محتاج فزعتكم عندي عدة إستفسارات إذا امكن !! المكان: Rhode Island


NOTICE

تنبيه: هذا الموضوع قديم. تم طرحه قبل 2410 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Alrowaili
    Alrowaili

    مبتعث جديد New Member

    Alrowaili الولايات المتحدة الأمريكية

    Alrowaili , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Marketing , بجامعة king saud un
    • king saud un
    • Marketing
    • ذكر
    • no, no
    • السعودية
    • Aug 2010
    المزيدl

    June 18th, 2011, 12:26 PM

    السلام عليكم ورحمة الله وبركاته
    انا من سنوات وانا احلم إني ادرس تخصص يتعلق بالفيديو والجرافيكس ديزاين
    وحاولت اكثر من مرة وفشلت لاسباب وعقبات كثيرة نقول خيرة يارب
    الان عندي خطة السنة هذي والي تتضمن أدرس كذلك على حسابي. هالخطة تختلف لانها تتضمن عدد كبير من الجيش المرافق!!
    هالمرة معي خواتي 3 مع اخوي . وكلنا للاسف على حسابنا الخاص. !
    وعلشان نحسبها صح قلت لهم اولا كلكم في امل بس انا الي تخصصاتي صعبة من ناحية المكان الي يدرسها والمعترف فيها (الموصى بها) لاني فعلا على هالعدد الكبير نحتاج ندخل بالإبتعاث ولا بنشحذ طول عمرنا والله.
    وكلمت ناس قالو عندك واسطة قلت لا تعرف احد قلت لا بس عاد عندي ربي والله يسهلها من عنده .
    الجامعة الي انا ابيها واخطط عليها الآن :
    Rhode Island School of Design in Providence, RI


    السؤال المهم ، الحين انا ابي هالجامعة للأسف المنطقة هذي مافيها ذيك الجامعات الي ممكن ينقبلون فيها خواتي وجامعة براون قوية بس التخصصات مهي موجودة وكذلك صعوبة الدخول فيها ، لان خواتي تخصصهم : وحدة تبي (علوم طبية) ووحدة (احياء دقيقه) ووحدة (طب اسنان) واخوي (هندسة حاسب) !!
    السؤال: علشان نوفر او نضبط وضعنا في حالة عدم قبولي بهالجامعة نتورط واصير لازم اروح لمكان آخر!! وكذلك لو هم ما انقبلو لاني مالقيت لهم التخصصات الي يبونها في نفس Providence حصلتها في مدينة تبعد شوي عنها وهي الجامعة University of Rhode Island, Kingston
    الان فعلا الوضع محير بس القرب ولا الخلو
    ابي نصائحكم : اولا : كيف اضمن القبول علشان ما اتوهق.
    ثانيا: كيف ادبر الإجازة لاني موظف وما ابي اخسر وظيفتي بعدها اتوهق بعمري الواحد مايدري عن هالدنيا. طبعا في إجازة محرم بس المشكلة ولا احد منا انقبل يعني كلنا على حسابنا لين ربك ييسرها.
    ثالثا: من عنده واسطة يسهل لنا لو وحدة من خواتي لعلها تكون خيرة او شي يعني مهما كان حنا مو اثنثن ولا واحد وانتم عارفين كم يكلف الشخص وكلهم الي ماخذين قرض والي جامعة هالفلوس من جهد جهيييييد. والله اعلم بالنية فا مدري وش اقول ولكن انم ابخص اكيد عندكم تجارب ومعرفة والخ .
    التخصص الي احلم فيه طول عمري إني اكون جرافيكس ديزاين وطبعا في الفيديو والافلام المتحركة وليس التصميم الثابت فقط والتخصص الي اعتقد إنه معجبني في هالجامعة :
    Film / Animation / Video وهذا اخذ فيه البكالوريس (مع العلم إنه عندي بكالوريس تسويق) والماجستير: ابي اخذ
    Graphic Design
    فا وش رايكم؟ وكيف اضمن القبول لاني فعلا ابي هالجامعة بالذات واخاف يرفضون ولاني عارف كيف اضمن الوضع علشان ما اتوهق واروح ابحث عن غيرها تجمع نفس التخصصات .
    اتمنى احد يساعدني، وشاكر لكم.
  2. السلام عليكم اخ الرويلي

    ارحب بك بالبداية,,,وما شاء الله ع الطموح اللي عندك يا رب يحقق كل احلامك

    انا راح ارد عليك من منطلق المعرفة المتواضعة اللي عندي ويارب يكون فيها فائدة
    بالنسبة للولاية هي مقاربة تماما للولاية اللي انا فيها(كونكتكيت),,,

    *اولا هل قدمت لأخواتك على قبول والا لا في جامعات رود ايلاند؟؟؟

    *ثانيا بامكانك ما تحصر نفسك معهم بنفس الولاية,,
    اعرف ان كلامي شوي صعب لكن الولايتين تقريبا متجاورتين
    وولاية كونكتكيت فيها الكثير من الجامعات يعني ان شالله ما راح تحسوا بالبعد
    كثير

    حاول تجاوبني على اسالتي حتى اقدر اوجد لك الحل المناسب باذن الله

    تقبل مروري وتحياتي
    7 "
  3. السلام عليكم ويعطيك العافية يارب
    انا عادي بس الوالد يقول لا لازم تكونو مع بعض ولا ما اسمح لهم ، خايف عليهم وعلشان كذا مرتبطين مع بعض ولا ودي احرمهم .
    وماقدمنا على قبول للان. لا لي ولا لهم. وانا لو احصل هالتخصص في جامعة ثانية قريبه منهم ماعندي مشكلة . فا ننتظر توجيهاتك : )
    وفي جامعة فيها تخصصاتهم بمدينة ثانية يعني ماهي مشكلة اسوء إحتمال هالشي. بس إن شاء الله نحصل شي بنفس المكان برضو نوفر في السكن والخ .
    7 "
  4. ربي يخليكم لبعض ان شالله ويرزقكم جميع
    ومعه حق الوالد يتخوف عليكم

    معناها الخطوة اللي لازم تقدم عليها

    انك تقدم الان لأخواتك وتنتظر الرد من الجامعة وان كان الرد لا سمح الله سلبي
    تحاول تشوف اقرب الجامعات لكم من حيث توفر تخصصاتهم

    ويمكن ما تضطر الى سكن منفصل لكن مسالة المواصلات شوي راح تتعبكم

    امنياتي لكم بالتوفيق وتقبل الاجابة المتواضعة والبسيطة
    وان شالله تبشرنا بعلوم طيبة
    7 "
  5. يعطيك العافية، انا لفت نظري تخصصك يمكن احد خواتي مثل تخصصك.
    المنطقة الي إنتي فيها كيف وضعها؟ وأمنها ، واسعارها وجامعاتها. علشان نبحث فيها.
    ودنا نبحث عن اكثر الأماكن المناسبة لنا علشان نشوف الوضع ونبحث فيها إن شاء الله
    7 "
  6. جميل طموحاتكم جميع اخوي
    بس احب الفت نظرك انه طب ما حتقدر تدرسه اختك في امريكا
    لازم تدرس علوم طبيه او احياء ولمن تنتهي من سنوات دراستها تكمل المتبقيه عن سبع سنين اللي هي الطب

    لو فرظنا اخذت احياء حتدرس 3 سنين وبعدها تدخل اختبار وتجيب الدرجه المطلوبه تكمل اربع سنين طب
    لو علوم طبيه اربع سنين وتدخل الاختبار واذا ان شاء الله جابت الدرجه المطلوبه تكمل ثلاث سنين طب
    هذا المعروف لانه مو مسموح لنا دراسة طب بكالوريوس في امريكا وكندا مبااشره
    والأهم من كذا ادخل موقع الوزاره وشوف التخصص متاح لنفس مرحلتها في الجامعه اللي انتم فيها ولا لا

    بالتوفيق
    7 "
  7. السلام عليكم ورحمة الله
    يعطيكم العافية واشكر لكم ردودكم
    عندي سؤال :
    الأماكن التالية:
    رود آيلند
    سياتل
    كلورادو
    بوسطن


    لو خيروك بينهم وش تختار؟ ايهم تفضل؟ علشان نعرف وين نبحث ونضبط امورنا فيها ونشتغل فيها
    وشاكر لكم تفهمكم
    7 "
  8. اللي اعرفه عن رودايلاند انها اصغر ولايه بامريكا
    يعني عادي لو مالقيتو قبول بنفس بروفيدنس
    يعني لو انتي ببرودفيدنس واخواتك بكنجستون راح يكون الوضع عاادي بس يحتاج لكم مواصلات
    في جامعة بروان معروووفه بقوتها واظن فيها تخصصات طبيه
    شوف كمان روجر ويليامز و يونفيرستي اوف رودايلاند و رودايلاند كولج وفي غييرها كثيييير ترى الولايه مرره صغيره تبعد عن بوستن ساعه وحده واذا في زحمه ساعتين
    الله يوفقكم جميعآ ياااارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.