انا مبتعثة ادرس في معهد جامعة fau واريد التغير كيف..... وش الحل ؟؟
بعد التحية
انا مبتعثة ادرس اللغة في معهد جامعة fau مدينة بوكا راتون واريد التغير( كيف) الى معهد جامعة ديلاوير.. وش الحل ؟؟ ماهي البصيرة.؟؟؟
طبعا التغير لعدة اسباب
1. الطلاب اللي في الكلاس كلهم سعودين حوالي 20 ماعدا 2 من جنوب امريكا مو ب ها اليفيل كل الليفلات سعودين وكويتين ومعاهم من شرق اسيا و جنوب امريكا عدد ضيئل مقارنه بهم...
2. المدينة ما تشجع لدراسة اللغة العرب محوطينك من جميع الجهات .. وغير كذا غالية غالية وكئيبة حقت عمل ومتقاعدين عشان كذا امان وهادئة ونظيفة...
- طبعا عندي احساس بل متاكدة ان المعهد جامعة ديلاوير فيه سعودين بس ان شالله نسبتهم ماهي كبيرة؟؟؟؟
- انا اخترت هذا المعهد بس عشان الجامعة عندهم قبول مشروط في تخصصي...
الرجاء من عنده خليفية يساعدني... باي شي يعرفة من ناحية...
أ. المعهد
ب. المدينة
جـ. وهي الاهم.: ماهي طريقة التغير أول شي اراسل المعهد ولا اكلم المشرف؟
عطوني الطريقة الصحيحة حقت التغير.................. انا في انتظار فزعتكم
ولكم جزيل الشكر مقدما...
رد: انا مبتعثة ادرس في معهد جامعة fau واريد التغير كيف..... وش الحل ؟؟
هلا اختي
انا كنت نفس حالتك والحمدلله توفقت الحمدلله في اختيار المعهد انا بقولك نقاط حطيها في بالك .
1) كل امريكا سعوديين ووين ماتروحين ولاية تلاقين سعوديين يعني شي طبيعي بس الفرق في المدينة
في مدينة تكون كبيره شوي وخيارات السكن كثيره فلذالك السعوديين منتشرين في ارجاء المناطق فلذالك برا المعهد يالله تلاقين سعوديين كثار والمعهد عادي مافي مشكله
مدام المعهد تدريسه قوي وصارم مع الكل .
2) اهتمي في المدينة اللي تكون خيارات السكن كثيره يعني حول الجامعة او المعهد ماتقل عن 6 خيارات سكن عشان السعوديين يقلون شوفتهم .
3) يقولك ( أسألي المجرب ولا تسأل طبيب ) حاولي تلاقين معهد تعرفين احد فيه ويمدحة ويقولك وش النظام اللي فيه بالضبط عشان اذا رحتي ماتفكرين تغيرين
لان في مثل لاتنسينه ( أمسك قردك لا يجيك الاقرد منه ) يمكن تنقلين لمكان ثاني وتتفاجئين انه ابيخ من اللي قبل وتقولين ياليتني مارحت .
----
الشي الثاني وحطيه في بالك ( في فرق بين موافقة المشرف وموافقة الملحقية في القبول ) وراح تعرفينها بالتفصيل .
اول شي / تختارين المعهد اللي تبين تروحين له بعدين تخاطبينهم بالرسايل وتقولين ( انا ادرس حاليه في معهد كذا وابي اسوي ترانسفير لكم هل في امكانية اذا قالو اوكى قولي متى راح تكون دراستي اذا سويت طلب )
اتفقتو بالرسايل تقولين لهم راح ارسل اوراقي بعد كم يوم .
ثاني شي / تكلمين المشرف وتقولين انا ابي انقل إلى معهد كذا التابع لجامعة كذا هل فيه امكانية واذا قال اوكى قولي له ابي ضمان مالي بغرض القبول .
ثالث شي / اذا ارسل لك الضمان المالي بغرض القبول ( أرسليها للمعهد ومع الاوراق المطلوبة يمكن تعبين ابليكيشن او كذا وترسلينه وعلى حسب وش يبون
يبون ترسلينه بريد او عن طريق البريد الالكتروني اللي يبون .
رابع شي / اذا جاك القبول وارسلوه لك تكلمين المشرف وتقولين وصلني القبول راح يقولك سوي طلب عن طريق الحكومة الالكترونية وترفقين ورقة القبول .
خامس شي / راح تطلع النتيجة بعد يومين يمكن او ثلاث اذا وافقو خلاص عطي المعهد الحالي ورقة القبول والترانسفير وخلاص واذا خلصتي الاوراق من عندهم روحي لمدينتك الجديدة .
بس ^_^
بس نصيحة مني لك لاتروحين لي اي معهد وبس أسألي أسألي أسألي عن المعهد وخيارات السكن هناك واذا بغيتي شي ارسلي خاص لاني ما اهتم لدخول موضوع انا رديت عليه
شكرا
رد: انا مبتعثة ادرس في معهد جامعة fau واريد التغير كيف..... وش الحل ؟؟
,
أحصلي على قبول في المعهد المطلوب ثم كلمي المشرف بهذا الخصوص
وفقك الله
رد: انا مبتعثة ادرس في معهد جامعة fau واريد التغير كيف..... وش الحل ؟؟
يعطيكم العافية وما قصرتووووووووووووووووووووووو
رد: انا مبتعثة ادرس في معهد جامعة fau واريد التغير كيف..... وش الحل ؟؟
ما قصروا الشبآب ومثل ما قآلوآ ,, اول ما تجيبين القبول , ترفعين Request في Egov
طبعا بيطلب منك بيانات واوراق وما الى ذلك وسبب النقل
اكتبي لهم اي شيء بسيط والله يسهل لك