الأعضاء الإشتراك و التسجيل

الملتقيات
ADs

القصة (من السعودية لامريكا خطوة خطوة)

القصة (من السعودية لامريكا خطوة خطوة)


NOTICE

تنبيه: هذا الموضوع قديم. تم طرحه قبل 4212 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ramy hamzy
    ramy hamzy

    مبتعث مجتهد Senior Member

    ramy hamzy غير معرف

    ramy hamzy , تخصصى student , بجامعة لسة بدور
    • لسة بدور
    • student
    • غير معرف
    • غير معرف , FT LAUDERDALE , FL
    • غير معرف
    • Apr 2006
    المزيدl

    June 4th, 2006, 11:26 PM

    بسم الله الرحمن الرحيم
    يامقلب القلوب ثبت قلبي على دينك
    السلام عليكم ورحمة الله وبركاتة
    كيف حال الشباب ابشركم وصلت بالسلامه

    المهم القصة هذي للفائدة يعني لازم تاخذون حذركم (اسأل مجرب ولاتسأل طبيب) في حاجات سمعتها قبل مااسافر ولاصارت وفي حاجات ماسمعتها وصارت فلذلك ودي انكم تركزون
    بالنسبة للمشاعر والاحاسيس ممكن تختلف من شخص لاخر فلذلك جرى التبية
    القصة راح تكون على مراحل بسم الله نبدأ

    -----------------------------------------------------------
    المرحلة الاولى( قبل السفر بيوم او يومين) :
    تكون متلبك منت عارف ايش تبغى في راسك مليون فكرة وفكرة مليون حاجة وحاجة بس عادي فترة وتعدي انا رحت لمكة لان امي كانت ناذرة لله اذا قبلت وخلصت اجرائاتي واستلمت التذاكر توديني للعمره علشان اخر عهدي يكون بالحرم انصحكم تروووووووحون والله جدا مفيده تحسسك بالامان والراحة بعدها حاول تجهز اغراضك وتريح نفسك من بدري ولازم تاخذ ادواتك الصحية كلها معاك ورتب شنطتك كالاتي حط الملابس اللي بتلبسها لما توصل لواشنطن فوق مع بجامه نوم ومنشفة واغراضك الصحية علشان ماتتعب وتخرب ترتيب ملابس بالشنطة للمعلومية لازم تتاكد ان شنطتك ماتتعدي 32 كيلو جرام ولا حتدفع وزن زائد ويسمح بقطعتين ولا احد يقول 32+32= 64 يعني لو خذت وحده 34 ووحده 30 لا لازم كل وحده ماتتعدا 32 وفي المطارات الامريكية 50 باوند =22.67 كيلوجرام انا والله امس دافع 29 دولار في مطار دالاس بواشنطون على نص باوند زياده على فكرة هنا علشان تشحن عفشك لازم تدفع دولارين او ثلاثة على كل شنطه تحطها في العفش كمان لاتقفل الشنطة بقفل او حطها اصفار لانه يمكن يحتاجون الجمارك الامركية انهم يفتشونها ويكسرون القفل وحاول انك تجهز نفسك من بدري لازم مهم لاتسوي مثلي الساعه 10 وانا في السوق والساعه 12 حضور رحلتي
    ----------------------------------------------------------
    المرحلة الثانية(المطـــــــــــــار):
    وانت رايح للمطار تكون فرحان وزعلان كيف ماادري المهم لازم تروح بدري علشان تخلص اجرائات المطار ( توصل توريهم التذكرة والجواز يعطونك ورقة زرقاء تعبيها ولازم يكون فيها عنوان في امريكا حط عنوان المعهد بعدها ياخذون منك الجواز والتذكرة والورقة الزرقاء بعدها تروح توزن عفشك وتقص البوردنج بدون تذكرة وترجع للموظف اللي اخذ منك الجواز والاوراق وتاخذها وترجع للموظف اللي على الكاونتر يقص البوردينج وتروح تشحن عفشك بكذا انت جاهز) وتروح للجوازات مهم مهم مهم مهم للي اقل من 19 سنة تصريح سفر من ولى الامر واذا شيكت الجوازات والتفتيش تكون جاهز للاكل اقصد جاهز للسفر (( مهم *الوداع جدا صعب صعب صعب فانصح انه لا احد ياخذ امه وابوة للمطار ويروحون معاه شباب صحابه ولا اخوانه الرجال وربي امي وابويا وخالي واولاد خالي كانوا بيموتوا حتى احبطوني من كثر بكاهم خلوني ا كره البعثة وسنينها ( اذا ما حولت فلوس حول في المطار وعلى فكرة تحتاج عملات فئة صغيرة هذي اهم شئ وعملات معدنية بعدين تعرفون ليش) انصح باخذ مبلغ لا يقل عن 1500 دولار + بطاقة فيزا( هنا مايتعاملون بالفلوس الاقليل كل شئ فيزا ) مجرد نصيحة من مجرب
    -----------------------------------------------------------------------------------

    المرحلة الثالثة ( الطيارة ) :
    اذا كنت من هواه المتعه احجز مقعد بجنب النافذة لانك راح تمر من فوق مصر واروبا وتشوفها بوضوح وانصح بمقعد الطواري لانه مريح انصح انه لازم يكون لبسك خفيف جدا اقصد يعني مو جينز وجاكيت وكلام فاضي خذلك مثلا بنطلون قماش حلو خفيف وتشيرت هذي كفاية واذا لبست رياضي يكون افضل ولا تقول رايح لامريكا يعني لازم كشخة وربي هنا لو تمشي بدون ملابس مااحد يطل فيك الرحلة عموما ممتعه هي 12:30 بس ماتحس فيها لانه افلام وجلسة مع الشباب اكيد راح تتعرف عليهم وسرة على الحمام الله يكرمك ( عالم فاضية 12:30 مدة الرحلة تطفش تغير جو في الحمام على فكرة سرة الحمام في رحلتي كانت تاخذ من نص ساعه الي ساعه الاربع المهم الرحلة حلوة مرررررررررة وزي ماقلت ملابس خفيفه علشان تاخذ راحتك وماانصح انك تشيل معاك في يدك عفش كثير لان وراك بهذلة وشحططه يعني شنطة لاب توب كفاية ويارب يارب مايصير لكم مثل ماصارلي تاخرت الرحلة اول شئ ساعتين وبعدها تاخرت في الطيارة ساعتين ثانية لان المكيف كان خربان راح يعطونك نماذج تعبيها ورقتين زرقاء وبيضاء اكتب المعلومات فيها بشكل جيد وواضح وتاكد من التهجئة لان اهميتها مثل الجواز حقك ولاتخاف في ناس راح يساعدونك عليها وتنتهي رحلتكم بسلام انشاء الله
    ------------------------------------------------------------------------------------

    المرحلة الرابعه( نيويورك مطار جون اف كيندي):
    حاول تريح في الطيارة قبل الهبوط بساعه اوساعتين لان وراك كررررررررررررف المهم راح تنزل يودونك لمسار توقف في طابور ياخذ وقت من ساعه لساعتين يحتاجون جواز سفر والورقتين اللي عبيتها في الطيارة والظرف المقفل حق السفارة واذا كنت جاي امريكا لاول مررة يعطونك نموذج تعبية راح تحتاج فية اسمك واسم العائلة وعنوان بالسعودية وفي امريكا والمده اللي تتوقع تجلسها بامريكا واسم ابوك واسم امك ووين ولدوا ووين ساكنين وجنسيتهم والكارثة ( تاريخ ميلادهم ارجوا ان كل واحده يجيبة معاه ولا يتورط مثلنا اتحدى واحد الان وهو
    و يقرا يعرف تاريخ ابوة لا وامه بعد المهم وتحتاج رقم السجل المدني حق البطاقه السعودية ) بس هذا تسلمة بعدين المهم توقف في الطابور يفتح الظرف ويشيك على الجواز ويدبسلك ورقة علية ويكتب كتابة فية ويصورك بويب كام وياخذ بصماتك ويقلك روح الغرفة اللي قدام وتروح تمسك سرة فيها من 2الى 3 ساعات وتعطيه الورقة اذا كنت اول مرة تجي امريكا ويسالك جاي هنا لية وكم حتجلس وفين زي السفارة يعني المهم بعدها تروح لمكتب ثاني ياخذ من 3الي 4 ساعات ويشيك على الاوراق ويبصمك ويصورك هنا بعضنا بصمنا وبعضنا لا بعضنا اتصورنا وبعضنا لا المهم ويسالك اذا كان عندك فيزا(اقصد بطاقه ائتمان) و ياخذها ويسجلها المهم لازم لازم يكون نفس التهجئة اللي في الفيزا هي اللي في الجواز ولا يعتبر تزوير حتى (ال) تعتبر كذلك تزوير بس مو ذحين اذا لاسمح الله ماعجبهم شكلك وتخلص اذا لحقت الطيارة السعودية لواشنطن كان بها مالحقت الله يعين يمكن الخطوط يطلعوك من نفس المطار او يودوك مطار ثاني المهم لاتخاف في الخطوط السعودية والعرب يخدموك فيها نصائح مهمه ( لاتلبس ثقيل شيل معاك سندويتشات من الطيارة المطار مافي شبكة علشان كذا قلت اصرفوا عملات معدن علشان تكلمون اهلكم وكلموهم اول ماتوقف الطيارة وبلغوهم انكم راح تجلسون 6 ساعات بدون اتصال فذلك لا يخافون وخذ معاك عملات ورقه فئة صغيرة من دولار وخمس وعشرين علشان تاخذ اكل ولا عصير ولا تورط زينا كل اللي جينا معانا فئة 100 دولار وقعدنابها ولا تتلبك ولا ترتبك ولا تخاف لان ذلك بياثر عليك ويحسون انك معاك مصيبة ولا تاخذ في يدك زي ماقلت عفش كثير علشان مايتعب وانت رايح من مكتب لمكتب ( خذ معاك علبة مويا صغير فاضة حطها في شنطه الاب توب حماماتهم بدون مويا وجيب معاك ابريق وحطة في الشنطة)
    ------------------------------------------------------------------------
    المرحلة الخامسة ( واشنطن):
    في واشنطن ابدا ابدا ابدا لا تشيل هم راح يستقبلونك الملحقة ويودونك فندق بس على حسابك اسكن انت واي واحد علشان يطلع ارخص ويجونك في اليوم الثاني اول مايستقبلوك في المطار راح يودونك فندق ويفضل انه يكون عندك الاشياء التالية 3 صور شخصية اكشف الراس لاحد يرسم + صور للبطاقه الشخصية او كرت العائلة للعائلات + صورة الاي توني الاصل + صورة اخر مؤهل علمي + تعبي النماذج حقهم + صورة من الجواز وجوازك الاصل انصح انه كل واحد يصور كل ورقه ويحطها بملف قبل مايطلع من السعودية للاي توني الجواز البطاقه صور شخصية كل شئ وصورة للفيزا علشان اذا اخذوا الملحقية جوازك لازم يكون عندك نسخة علشان اثبات شخصية في اليوم الثاني راح يودونك الملحقية ويعملون اجتماعات وراح تعرفون كل شئ ماابغا اطول عن الملحقية هنا لانهم راح يكفوون ويوفوون وتروح تتشرف بالسلام على الامير تركي الفيصل في السفارة هي مررررررررررررررة قريبة من الملحقية وراح تتغدون هناك وترجعون تكملون في الملحقية الي 5 العصر على فكرة الشمس كانت بتغرب في واشنطن الساعه 9:30 وعلى فكرة كمان راح يرجعوكم للفندق اصلا موقع الفندق مو في واشنطن في فرجينيا
    وبعدها بتشوف متى رحلتك والباص حق الفندق يروح كل ساعه للمطار مجانا على فكرة لازم لازم لازم لازم لازم لازم لازم لازم لازم لازم لازم لازم كل واحد يكلم المعهد او الجامعه ويقولهم متى رحلتة ووقتها وعلى اي طيران ومن اي مطار وعلى اي مطار ضروري لايسافر الا وهو متاكد من كل ذا علشان والله امس شفت ناس يكسرون الخاطر مساكين ماعندهم لغة ولاهم دارين وين وكيف بيسكنون ولا بيروح للجامعه
    ---------------------------------------------------------------
    المرحلة السادسة ( من واشنطن لمدينتك): والله بيختلف من واحد للثاني انا مثلا طلعت لمطار دالاس بواشنطن الساعه 3 ورحلتي كانت 6 بس لازم بدري علشان المطار مررررررررة زحمة واقلعت ووصلت بحمد الله ولقيت واحد منتظري ماسك لوحة عليها اسمي لاني بلغت المعهد واخذ عفشي ووداني فندق وعملولي تخفيض لان المعهد هو اللي عملي حجز وبجلس فيه لبكرة علشان اليومين ذي اجازة والمدينة مرة حلووووووووووووووووووووووووووووووووووة
    ---------------------------------------------------------------------------
    اتمنى ان الجميع استفاد واي سؤال انا حاضر من عيوني بس اهم شئ ارجع واقول:
    * ترتيب الشنطة حط بجامه + الملابس اللي بتلبسها في واشنطن + منشفة + الادوات الصحية فوق
    *اصرف عملات فئة صغيرة وعملات معدنية الفلوس 1500 دولار كفاية + فيزا
    *البس ملابس خفيفة
    *لاتشيل في يدك شنط ثقيلة لاب توب كفاية وحط فية اوراقك
    * صور كل اوراقك من الجواز الي البطاقه الشخصية + صور شخصية
    * كلم اهلك من الطيارة في نيويورك وبلغهم ان الشبكة راح تنقطع ل7 ساعات احتياط
    * كلم المعهد قبل سفرك وابلغهم انك تحتاج سكن وشخص يستقبلك
    * انتبة على جوازك وجيب معلومات تاريخ ميلاد ابوك وامك

    جل من لا يسهو اذا في استفسار لا يردك شئ
    -----------------------------------------------------------------------------------
    التصوير في المطار وفي الطيارة ممنوع واذا بتصور في اي مكان اسأل اول شئ قبل لاتصور لان امن المطارات مسكوني
    -----------------------------------------------------------------------------------
    كل شوي اتذكر شئ اهم شي جوازك والورقة اللي راح تدبس فيها وانتبة على حالك الشعب طيب بس اكيد مو كلهم وكل شئ تمام هنا بس خليك في حالك مو يعني لا تكلم احد لا بالعكس خش فيهم عرض بس ابعد عن المشاكل وتمسك بدينك لانهم يحترمون اللي يحترم دينة
  2. مشكور على المعلومات المفيدة بصراحة ...
    بالنسبة للصور شوف أي موقع تحميل وحمل عليه الصور أو حملها على المرفقات في المنتدى

    مثلا موقع www.zshare.net موقع ممتاز للتحميل
    موقع عربي مثل www.9q9q.net لتحميل أغلب أنواع الملفات
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.