والله تايهه يااخوان :( < الي يجاوبني راح ادعي له من كل قلبي

السلام عليكم ..


كيف حالكم ان شاء الله بخييييييييييييييييييييير ..

اول شئ يااخوان حاب اقولكم شئ بداخلي ودي اطلعه كله هنا وبرتااح .. والله الضيقه كتمتني حيييل من هالمعهدد

اقولكم وش قصتي ..

انا ادرس في معهد اسمه سنترال واشنطن يونفيرستي في مدينه صغيره اسمها الينسبيرغ ولافيه عوائل امريكيه اسكن معهم علشان يعلموني اللغه صح وتأسس صح والمعهد فاشل لدرجة يااخوان يعطونا برقراف اول ماوصلنا يالله اكتبو برقراف كيف نكتب برقراف وحنى مانا عارفين شلون طريقته ويوم اكلم الدكتور اقول شلون تبيني اكتب برقراف يقول لي براكتس براكتس براكتس < كرهت هالكلمه يوم يقولها .. صحيح ان الكتابه مع البرقراف تحفظ فيها كلمات معاك بذي بس مانعرف متى نحط [,] وو الخ .. هي الاساس في البرقراف .. وثاني شئ المعهد يبدى في تأسيسك من المستوى الثالث يعني ماباقي الا مستوايين وراح تدخل الجامعه .. راح من عمري 8 اشهور من دون ذيك الفايده الي استفيدها مثل المعاهد الثانيه القويه مثل اليوبن و دركسل لاني اعرف لي كذا واحد جاي قبلي ودرس فيها ولغته تمام التمااام واموره ماشيه ومحتار يااخوان احول مااحول والي مصبرني على هالمعهد انهم قابليني قبول مشروط يعني مجرد ماخلص المعهد ادخل الجامعه .. وخوفي ادخل الجامعه واتعب فيها ..

يااخوان بهالحاله ذي وش اسوي انقل ولا ماانقل بس خوفي انقل لمعهد ثاني قوي ومجرد ماخلص المعهد غصب علي اختبر توفل :( والتوفل على كلام الشباب انه شوي فيه صعوبه وهذا الي مخوفني :(

وكل مااكلم احد بموضوعي يقول خليك احسن لك قبول مشروط وتخش الجامعه وانت مرتاح والثاني يقول لي لا ياخي انقل لمعهد يأسسك صح علشان ترتاح في الجامعه بهالحاله ذي شسوي مو يقفل مخك :(

ياليت ياخوان تنقلون لي صوره صح امشي عليها لاني صراحه تعبت وتقفل مخي مدري وش الي علي والي ماهوب علي وش تنصحوني فيه انقل وروح مدينه كبيره ومعهد قوي وتأسسيسه زين لان فيه كذا معهد عارفه في امريكا قوي بس عيبو جامعته ماتعطي قبول مشروط ..

وعليك السلام ورحمة الله وبركاته
الحمد لله انا بخير , جعلك بخير .

والله يا اخي موقف صعب ولو انا بمكانك فعلا راح احتاار , لكن انا من رأيي دام إن راح من عمرك 8 شهور و هم قالي بيعطونك قبول مشروط , يعني ارتحت من قبول الجامعة
بالنسبة إنك بتتعب بالدراسة او ما تتبع ما أدري وش اقولك والله , احتمال تتعب لأن على حسب كلامك بعد هذي الفترة و مو محصل الفايدة التامة , لكن هم ادرى بمستوى تعليمهم

آخر نصيحة مني لك و من دون ما تعتبر الكلام اللي كتبته لك فوق
ارجع لربك و استخيره ثق ثق تماما بالله , انه راح يدلك للخير , ووربي راح ترتااااح
بعد اذن الإدارة ~> http://www.saaid.net/bahoth/41.htm

اسأل الله أن يشرح قلبك و يدلك على الخير و يرزقك من حيث لا يحتسب
الله يوفقك و يسدد خطاك ..^^

جزاك الله خير يالغالي ..

يكفيني مرورك الكريم والله يسهل امورك ويوفقك

عزيزي في مواقع في الانترنت تعلمك كيفية الكتابه (assay) ارجو انها تفيدك

Try the TOEFL then decide
It's not too difficult
just try

انا نصيحتى انقل لان حتى لو كملت معاهم كيف راح تدخل الجامعه ، هم نظامهم قبول مشروط يعني تجلس في المعهد حتى تتعلم لغة وانت عارف اللغة لها وقت معين لدى الملحقيه بعدها خلاص