اخواني واخواتي اتمنى تساعدوني لأني مررررة محتار وخااايف

سلام عليكم
اخواني اخواتي ياليت تفيدوني انا سعودي ومتزوج وانوي ان اقدم زوجتي للأبتعاث للماجستير وان اكون معها مرافق هذي المعلومةالأولى عشان تكونو معاية في الصورة
ثاني معلومة انا فكرتي انو زوجتي وهي تدرس انجلش انا كمان ادرس واجيب درجة حلوة وعلى طول ادور قبول من اي جامعه يكون فيها قسم المحاسبة معترف بية من وزارة التعليم العالي وللمعلوميةانا شهادتي ثانوية تجارية محاسبة ونسبتي 75 وقد مضى على تخرجي 7 سنين سؤالي هل احصل قبول من الجامعات ولا حيقولو انت عدى على تخرجك سبع سنين اعرف ناس قالولي ماتنقبل بس انا جيت هنا اسأل لأنكم تفهمو وعندكم خبرة وانا لسة ماقدمت بقدم انشاء الله يوم واحد رمضان يعني ميلادي 2011 شهر 9 ياليت تفيدوني الله يسعدكم يارب وشكرا

موفق باذن الله ..
بالنسبه لكونك مرافق مافيها مشاكل وبتعامل معاملة المبتعث في الدراسه والصرف علي المعهد بس مكافتك اقل ..
اما بالنسبه للجامعه فما اتوقع انها عائق لان هنا تلقى شيبان ويدرسوا في الجامعات فمااتوقع انهم تو اخذوا البكالوريس ..

ممكن عشان تتطمن خلي احد هالمكاتب الموثوقه يجيبون لك قبول مشروط او روح لاحد هالمعاهد اللي تعطيك قبول مشروط للجامعه ..

استخير وربك بييسر لك الامور ..
موفق انت وزوجتك ..

السلام عليكم ...اخوي الله يوفقك وينجحك انت وزوجتك شوف انا قعدت ادور ولقيت موضوع شبيه لموضوعك ومن ضمن الردود انه فيه شخص تخرج من الثانويه من 14 سنه وراح امريكا ومعاه قبول بكالوريوس...ماشاء الله

هذا علشان اطمنك ...غير كذا روح مكتب كويس واسالهم عن جامعات ممكن تحصل فيها على قبول علشان تطلع هناك انت وزوجتك ...ويستحسن لو عندك شهادات خبره من عملك وكذا تجيبهم معك ...لانه بتفيدك في القبول ...وبالتوووفيق يارب

امرك سهل
لانك تقدر تاخذ قبول مشروط قبل ماتسافر
المشكلة لو كنت تبغى ماجستير هو الي فيه شوية صعوبة
اما البكالريوس ان شاء الله سهل ويتدبر وانتى في مكانك
الله يوفقكم

الف الف شكر لكم كلكم الله يوفقكم ويسعدكم يارب بس موضوع انو ليا اكثر من خمس سنوات متخرج من الثانوية مررررة مخوفني عشان كذة قلت لازم اخذ رئيكم في الموضوع دا بس ممكن افهم ايش يعني قبول مشروط وقبول غير مشروط وهل اقدر اجيب قبول للمعهد والجامعه وانا لسة هنا ياليت توضحولي الله يخليكم يارب ويوفقكم

القبولالمشروط يعني ان الجامعه تقبلك بس بشرط انك تكمل متطلبات اللغه واللي هي غالبا (التوفل) او اختبارات القياس مثل الجي ار اي وغيرها ...وبعض الجامعات الي فيها معهد تابع لها يكفي انك تتخرج من معهدهم علشان تدخل الجامعه على طول بدون اختبارات

والقبول غير المشروط (النهائي) يعني ان الجامعه قبلتك .. وتقدر تبدأ دراستك على طول بدون متطلبات أخرى

طيب كيف اختبار التوفل وايش اختبارات القياس الجي اي ار والحاجات دي وهل هيا صعبة ولا كيف مع العلم انو انجليزيتي ضعيفة