الأعضاء الإشتراك و التسجيل

الملتقيات
ADs

اييييييييييه باللعنة واختها جينا فيلادلفيا

اييييييييييه باللعنة واختها جينا فيلادلفيا


NOTICE

تنبيه: هذا الموضوع قديم. تم طرحه قبل 3715 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AAA18
    AAA18

    مبتعث جديد New Member

    AAA18 غير معرف

    AAA18 , ذكر. مبتعث جديد New Member. , تخصصى طالب , بجامعة بنسلفانيا
    • بنسلفانيا
    • طالب
    • ذكر
    • فيلاديلفيا, بنسلفانيا
    • غير معرف
    • Aug 2007
    المزيدl

    October 12th, 2007, 10:32 AM

    ايه يالربع وصلت فيلادلفيا ومر شهر وابي اقول لكم تجربتي
    انا مبتعث من سابك وكل الشباب سافروا اللي معاي مابقي الا انا لان فيزتي تاخرت والمشكلة ماقالوا ليش تاخرت علما بان ماعندي ولا ختم في جوازي وبعض الشباب راحوا سوريا ومعطينهم فيزة
    المهم بدت الدراسة في السعودية ومن زود الطفش والفضاوة يوم السبت اول من قام في البيت انا واروح لاخواني الصغار واقومهم 6 الصبح واقولهم يالله نشاط وحيوية مدرسة يلا يلا لين راحواالمساكين وهم ميتين يبون النوم ههههه ههههه عفست البيت فوق تحت واطلع في الشارع اشوف العالم رايحة مدارسها ماغير انا احس اني ضايع خاش في الحياة غلط مدري ايش اسوي وبكرة نفس الكلام هالمساكين الصغار قومتهم بدري وعلى هالحالة انتظر انتهى الاسبوع الاول وبدا الاسبوع الثاني وماطلعت الفيزا والمشكلة ان ادراستي بدت بامريكا والله يعينكم ياللي تنتظرون والله بيمر عليكم ايام تتنمنون تسمعون هالكلمتين الفيزا طلعت
    المهم دق على واحدمن سابك يوم لاحد في الاسبوع الثاني من بداية الدراسة بالسعودية والمشكلة انه ماكد الخبر فقالي بالنص في تمام الساعة الواحدة ظهرا مايلي(شوف يا عبدالله انت حنا ارسلنا واحد من سابك للسفارة وراح نخليهم يستعجلونها علشان تسافر يوم الاثنين بالليل لان اخر يوم مسموح لك بدخول امريكا الاربعاء الجاي قلت طيب وش المطلوب قال يوم الاثنين لازم تصير بالرياض علشان اذا طلعت تسافر وتقلع من الدمام واذا ماطلعت تعود لاهلك )
    المهم حجزت التذكرة للدمام ورحلتي 6 المغرب وسافرت الرياض ودقيت على موظف سابك قلت طلعت قال اصبر لين وحدة الظهر وادق وحدة قال اصبر لين ثنتين واصبر وادق قال ثلاث وادق ثلاث قال اربع
    هنا انا عصبت وارتفع ظغطي قلت فيه سفرة ولا لا
    قال الموظف : الموظف اللي بالسفارة جواله مقفل اكيد انه بالسفارة جت خمس وادق عليه قلت اسافر الدمام قال الموظف:ايه سافر وحنا اذا طلعت نرسلها لك قلت له يعني ابي اسافر الدمام واحتمال كبير اني ارجع قال ايه
    واخذ الشناط واتلها المطار الساعة خمس ونص والله اني اذكرها وماراح انساها عند مخرج خمسة دق الجوال ودق قلبي معاه طلع الموظفاللي بالسفارة قال انت عبدالله قلت ايه قال الفيزا طلعت بغيت اموت بغيت انهبل قال وينك علشان تاخذ الجواز قلت بالمطار قال جايك المشكلة الساعة قربت على ست والله وست تمام لوانها عندي ويعطيني الجوازوادخل بسرعة وانتظر عند بوابة الصعود بعد دقيقة بدا الصعود للطايرة طالعت باخوي وسلمت عليه وما قلت كلمة وحدة ورحت الدمام ويستقبلني اخوي ومعاه واحدمن سابك متاخر مثلي
    الحين الساعة 8 باقي على الرحلة ساعتين والله ياني مبسوط وفرحان ماني مصدق واروح احلق واتضبط واجي 9 واركب الطايرة بعد ما صرفت دولارات وضبطت اموري.

    وش صار بعد ماركبت الطايرة راح اقول لكم بس بموضوع ثاني لانه مهم جدا لجميع السعوديين خصوصا اللي اول مرة يجي مثلي
    فيه تعليمات مهمة ماتطري على بالكم ابي اقولها لكم بموضوع خاص
    طبعا المعلومات هذي تتعلق بالطايرة والامجريشن وحاجات حلوة زي كذا .

    تحياتي عبدالله المطيري
    بعثة سابك (هندسة كهربائية)
  2. يارجال نقول الحمد لله على سلامتك...
    الحقيقة حكاية عجيبة غريبة لكن تأكد أن فيه الي صار لهم مثل ما صارك ومنهم الي ذاق المر لمين وصلو بالسلامة...
    بنتظار تعليماتك واقتراحاتك ومره ثانية الف الحمد لله على سلامتك ولا تتأخر علينا
    7 "
  3. من جد أخوي مرمطة السفارة مرمطة غير طبيعية أسألني أنا < شوف توقيعي وراح تفهم

    لكن عشان انت يمكن على سابك عجلو في اجراءاتك والدليل ان لو حق سابك ما راح لهم كان علقوك لين تكره البعثة لكن الحمدلله ربك سهلها وانفرجت وياريت تقولنا ايش صار معاك في الطائرة وفي المطار والله يوفقك

    ومعليش عندي سؤال بالنسبة لسابك متى بداتم تسافرون لامريكا وانت متى سافرت ؟
    7 "
  4. اول شي ....الحمد الله على سلامتك
    ثاني شي..... كل عام وانت بخير وسلامه والله يعيده عليك السنة الجايه وانت عند اهلك معيد بإذن الله ومفيز عشان ترجع لامريكا
    ثالث شي قصتك ..فيها عبره وعجيبه سبحان الله..والله اللي يقدم العبد لخيره ويأخره عن شر ممكن يصيبه..عشان كذا دوم لازم اننا نذكر ان نشكر النعم ونزيد ايماننا بالله..
    رابع شي...رجاء اخلص علينا بالحلقه الثانيه لان محاكيك رحلته بعد اربع ايام ومثلك اول مره طالع لامريكا ومعه بزران بعد...فلا تقصر بالتعليمات والنصايح وبتكسب فينا ثواب ان شاء الله ...
    وحنا لك من الشاكرين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.