الأعضاء الإشتراك و التسجيل

الملتقيات
ADs

انا قبلت في جامعة جورج تاون وادور سكن لي ولزوجتي هل احد يعرف ؟؟

انا قبلت في جامعة جورج تاون وادور سكن لي ولزوجتي هل احد يعرف ؟؟


NOTICE

تنبيه: هذا الموضوع قديم. تم طرحه قبل 2328 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية vdhk1406
    vdhk1406

    مبتعث جديد New Member

    vdhk1406 الولايات المتحدة الأمريكية

    vdhk1406 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى لادري , بجامعة university
    • university
    • لادري
    • ذكر
    • فيرجينيا, VA
    • السعودية
    • Jul 2011
    المزيدl

    July 31st, 2011, 02:54 AM

    السلام عليكم

    انا باختصار شديد قبلت في جامعة جورج تاون ماستر قانون وجاي على اغسطس وزوجتي معاي وطفل وابي اشوف وش السكن الجيد المناسب لنا او المنطقة الآمنة والقريبة من جامعة جورج تاون ومعهدها اللغة واذا احد يعرف سعودي بينقل ويبي يبيع عفشه راح يخدمنا خدمة كبيرة . اتمنى اذا ماكان فيها الاجابة على الاقل فكرة عامة فقط .
  2. المشكلة اخي لم اجد اي معلومات عن السكن المناسب حول هذه المنطقة مو معقولة مافي احد ماعنده ولو خلفية بسيطة للي ساكن في دي سي او يدرس في الجامعة كثير من مواقع الانترنت لم اجد فيها اجابات عن هذه الجامعة او السكن المناسب فيها
    7 "
  3. وعليكم السلام ورحمة الله وبركاته
    اولا حياكم الله في بلاد العم سام تجون وتوصلون بالسلامة ان شاء الله
    وكل عام وانتو بخير ورمضان كريم ر علينا وعليكم
    ثانيا انا ساكن جدا قريب من جامعة جورج تاون فبأعطيك بعض المعلومات اللي توصلت لها عسى تنفعك رغم اني ادرس في مكان اخر غير جامعة الجورج تاون
    الجامعة تقع بال دي سي وجدا روعة وستايلها يشبه قصر مدرسة هاري بوتر -هكذا وصفها لي شخص سالته عن موقعها-
    لايوجد اي محطة مترو ملاصقة لها فالناس تاتي لاقرب محطة مترو لها -محطة روسلين- في الضفة الاخرى من نهر البوتوميك في ولاية فرجينيا -ترى هذا النهر ليس بالعريض ويفصل ولاية واشنطن عن فرجينيا والمسافة جدا قريبة مابين الجامعة ومحطة روسلين -كثير من الطلبة يقطعوها مشي من المحطة عبر جسر الكي بريدج لاول شارع ال م ستريت في الدي سي ومسافة بسيط ليصلوا لحرم الجامعة او يخرجوا عند المحطة تاتي باصات جامعة جورج تاون تباعا وباستمرار-واعتقد انها مجانا-
    عموما انا اسكن في ارلينجنتون الشمالية قريبا جدا من محطة روسلين-اقل من 10 دقائق مشي للمحطة واخذ باص لمكان دراستي ترى المحطة رئيسية مترو على خطين الازرق والبرتقالي وعلى الشارع كثير من خطوط الباصات تخدم مناطق واسعة جدا في فرجينيا وال دي سي شخصيا ما احتاج سيارة المواصلات جدا متوفر ومتنوعة
    السكن تكلمت عنه كثير في مواضيعي السابقة تقدر تتطلع عليها لكن بنبهك اني مثلك معي زوجة وطفلة لكن ساكن باستديو -بس حقيقة واسع وقلبت الوالك ان كلوست مكتب دراسة فمشي معي تمام والحمدلله -لانه الون بدروم جدا غالية لانها في موقع استراتيجي لكن المكان اعجبني فضحيت ببعض المميزات لاحصل على هذا السكن
    المشكلة الثانية بالموقع لانه موقع مكاتب شركات وعمائر ضخمة فالحضانات المنزلية غير موجودة فتضطر تروح لارلينغتون الاحياء السكنية بالباصات وتاخذ وقت ومجهود غير يسيرين والحضانات المتوفرة بالمنطقة جدا غالية او في قائمة انتظار -سنة الى ثلاثة سنوات!! او لاتقبل اقل من سنتين ونصف-مثل حضانة رسمية برعاية كنسية بنفس عمائر سكني وهناك حضانة بنفس جامعة جورج تاون لكن بها شرط العمر ايضا وعموما الحضانات هنا جدا غالية وتاخذ معظم الراتب -فالله يسامح اللي يعرفون معاناتنا وماساعدوننا في هذا الموضوع وان شاء الله الوضع يتغير ويتحسن-
    فاعتقد افضل مكان لسكن عائلة على الخط البرتقالي للمتر او الازرق بها كثير من العرب ومحلات الحلال ونحوها -شخصيا افضل منطقة بنتاجون سيتي على الخط الازرق-افكر لو انتهى عقد الايجار انتقل لها فخمة وحية وبها اسواق ومطاعم كثير وقريبة من محطة المترو فانت جمع معلومات عن كل منطقة وشوف مميزات وعيوب كل واحدة ولمن تجي شوفها بنفسك وقرر الافضل لك ولعائلتك
    عموما لو عندك استفسار فانا موجود وحارد عليك ان شاء الله باقرب وقت ممكن
    لكن ودي اعرف هل زوجتك حتدرس -ترى معهد لينجوا العمارة اللي قدام محطة روسلين تقريبا وفي معهد لادو برضو قريب جدا-
    وكم عمر الطفل وقد ايش مستعد تدفع في سكن ترى تفرق كثير في اختيارك لسكن
    ولعلمك انا غطيت جزء من موضوع الجامعة من ناحية فرجينيا وما عندي فكرة عنها من جهة دي سي -وترى كثير ماينصحوا بها سكن لعائلة واتفق معهم من ناحية الامان والاسعار والضرائب و.و.و.الخ
    وبالتوفيق
    7 "
  4. يعطيك العافيه جداً موضوعك عطاني فكرة عامة ، لكن بيني وبينك انا احتمال في الفترة الآولى انا وزوجتي فقط بنسافر دي سي وولدي سيكون بالسعودية. تخطيطي اني اجي في البداية لوحدي لكن العالم يقولون لي اسعار الشقق تبدآ من 1700 دولار صراحه رقم خرافي جداً للسكن. انا ادور سكن يكون في منطقة جيدة وليست غالية والشي الآهم لا تبعد كثيراً بالباص انا ماعندي مشكلة انا اروح للجامعة بالباص على الآقل ٤٠-٤٥ دقيقة بحكم اني دارس في سياتل وكنت وسيلتي للذهاب للمدرسة عن طريق الباص فمتعود الى حد ما.ا هل ممكن تنصحيني بمنطقة آمنة وقريبة من جورج تاون حيث زوجتي ستدرس في معهد جورج تاون باذن الله. وبخصوص السكن الي ساكنة فيه كيف اسعاره اذا ماكان فيه احراج ؟وانا راح ارجع لموضوعك الي ذكرته. ومشكورة اختي مرة ثانية.
    7 "
  5. في الرفل بليس ٣دقايق وانت بجورج تاون وباص مجااني

    الرفل بليس قريبه من روزلن انا كنت ساكن فيها وتصلح لك ومفرووشه الشقق من كل شي والكهرب والمويه وكل شي عليهم
    واذا انت وزجتك لحالك خذ استديو علي ١٤٠٠
    عماير لونها احمر خمس عماير بجنب بعض كباار مررره كل الي هناك يعرفونها بس انت اسال

    ورح لاي عماره فيها مكتب رسبشن وخذ منه كروت لاصحاب الغرف
    انصحك تستاجر عمد حشمت علي اول شي مسلم ثاني شي رخيص ثالث شي غرفه نضيفه رابع شي يرجع لك التامين كامل بدون لعب ودوران

    بالتوفيق
    7 "
  6. السلام عليكم ورحمة الله وبركاته
    بخصوص التأثيث يختلف من الغالي للرخيص حسب ماتشتري منه -ايكيا تارجت كي مارت امازون - او حتى محلات المستعمل فصعبة احدد لك عني لمن استاجرت كان في الاستديو كنبة كبيرة ومراية ولوحة ولمبة كبيرة والمطبخ مؤثث كامل وفي ناس يقولون في محلات تاجر الاثاث بس ماعندي فكرة عنها
    ومثل ما قال الخ روك تقدر تاخذ استديو موثث بالكامل على حدود 1300-1500 بس يعتمد هل يكون موجود ولا لا وقت ماتجون
    وعلى فكرة يا اخ روك لخبطتني هي اربع ولا خمس عمائر؟
    وهذه بعض العروض المتوفرة حاليا على الكريغ لست علما انه في ارقام اشخاص وضعتهم في موضوع سابق يملكون مجموعة طيبة من الشقق لازم تتواصل معهم مباشرة تشوف اسعارهم وايش الموجود عندهم

    Beautiful Studio/Efficiency at River Place South

    Furnished Studio/bills pd/gym/pool/metro 1 blk

    Studio - Riverplace South

    Furnished Studio at River Place

    washington, DC apts/housing for rent classifieds "river place" - craigslist

    عموما انصحك تجي وتشوف بنفسك بس حط في بالك الاجراءات تاخذ وقت ويعتمد على المتوفر في الوقت اللي بتجي فيه وحقيقة الاسعار تتفاوت وتتغير صعودا ونزولا وتجي احيانا صيدات مرة حلوة شقة مؤئئة من والى وماتعدي اللي 1400 وحط في بالك الموية والكهرباء وكل اليتيليتي عدا التي في وانت عليهم يعني بس تدفع ايجار ولخدمة لنت فمرة حلوة من هذه النقطة وترى اقلك مرة ثانية موقعها حلو والجو حقها برضو حلو و امان باذن الله -رغم انه في عيوب ذكرتها في مواضيع اخرى لكن احس المميزات غطت على العيوب وبمراحل بالنسبة لي والحمدلله اولا واخيرا-
    وبالتوفيق
    الشئ الثاني لاتتورط وتاخذ استديو هنا مثلا وبعدين لم تجيب ولدك الله يحفظه لك تتورط بالمساحة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.