استفسار ياليت تساعدوني يااهل نيويورك..

August 27th, 2011, 01:35 AM

السلام عليكم ورحمه الله وبركاته ..

انا جاني قبول قانون معهد وجامعه من جامعه بيس في نيويورك .. والمعهد في Pleasantville, NY.861 Bedford Rd.
وراح تبدا دراستي في ٢٦ اكتوبر .. انا وزوجي ..
وماني عارفه ايش الشقق الي قريبه من الجامعه وتكون نضيفه ورخيصه .. لانو على حسب ماسمعت انو في فيررررررران في شقق نويويورك كلها وهذا الي مخوفني ومعكر مزاجي ..
انا ابغى شقه تكون سعرها حلوو وتكون قريبه من المعهد ..
حاولت ادور شقه من كل المواقع حقت الشقق ومرررره تعبت .. سعرها غالي .. وشكلها مونضيفه..

انا ابغى احد يكون ساكن هناك وعندوو خلفيه عن الموضوع .. لاني خايفه اتورط .. انا ماعندي مشكله لمن اوصل نيويروك اروح اشوفها .. بس على الاقل اعرف فين اتجه ..ويكون عندي لسته شقق اروح اشوفها

ثاني شئ ايش الافضل لمن اخرج من المطار اخذ تاكسي ولا اركب الصب ويه ..
واذا اركب تكسي ايش اللون الي اركبو لانو على حسب بحثي في انواع كثيرها منها الغالي ومنها الرخيص ..

ياليت الي عندوو خلفيه مايقصر معايا في دا الموضوووع .. واكون شاكره له ..

ويعطيكم العافيه جميعا ..

• نشر عبر تويتر
• نشر عبر فيسبوك
• نشر عبر جوجل