بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل شي
بالبداية السلام وعليكم ورحمة الله وبركاته
اللهم صلي وسلم على محمد عليه الصلاة والسلام
وكل عام وانتم بخير
ياجماعه انا ماحب اخربط بدخل ستريت , انا ياجماعه هذا اخر سمستر لي بالبعثه وانا دميجه في الانجليزي, ختبرت التوفل 3 مرات وعجزت اعدي 53 من 120 والتوفل وصلني الى مرحله العجز, واحس ان التوفل معجزه
وانا دبشه على اني اعدي هلمعجزه الحين باقي لي بس 3 شهور يا اكون او لا اكون يا ابدا جامعه هنا او اضف عفشي ورجع خايب للسعوديه الله لا يقوله ان شاء الله , طبعا صار لي يومين مانام كله بحث بالقوقل ابي جامعه تقبل بهلدرجه
بس مالقيت والجامعات انواع المعابط مدري هو تعجيز ولا انا الي ماعندي سالفه المهم مالكم بالطويله , اكيد فيه ناس مثل وضعي او يمكن اخيس فا ياليت الي يقدر يساعدنا يقدم لنا هلخدمات
ابي جامعه تقبل اقل درجة توفل
او اي حل تقدر تعطيني ياه غير انك تقولي اختبر مره مرتين ثلاثه لاني سبقتك وبختبر كل الي بتقوله ولعل وعسى اجيب الدرجه المناسبه بس ابي بلان اضمن نفسي فيه
خلني اعطيك مثال الكميونتي كولج وش وضعها هل يقبلون درجة التوفل حقتي وهل اقدر اسلك نفسي فيها؟ وهل الملحقيه بتخليني ادرس فيها الي هي اسمها نوفا في دي سي
انا الان ادرس في جورجيا ستيت يونفرسيتي وعليهم طلبات مدري كيف لطلاب البكلوريس زي السات والخربيط ذي
المهم ابي لستت جامعات وتقبل باقل الدرجات شي جديد
لاني بصراحه بحثت ولقيت مواضيع كثيره بس للأسف كل مادخل على الانترناشنل ركوايرمنت الاقي الطلبات اعلى من ماتوقعت
ياليت ياليت ياليت احد يساعدني
تكفون والي مثل وضعي يكتب هنا عشان اعرف كم واحد متورط (موت الجماعه عرس:D)
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
ياهووه مافي احد عنده اي علم ولا احد زيي @@
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
الله يكون فعونك ياااااااااارب و يفرج همك و يريح بالك قبل ما أدخل و ياك في عميق الموضوع بأنصحك بشيء
أولاً : كان الصحابة رضوان الله عليهم إذا مرت عليهم مشكلة كبيرة أو هم ما قدروا يزوحونه أو شيء صعب فحياتهم على طوووول يروحون يتوضؤن للصلاة و يصلون ركعتين ما يصبح الصبح إلا و الأمر الصعب أنحل بقدرة رب العالمين ...
ارمي حمولتك على اللي ما ينام و قلبه كبير يسمعنا كلنا بالرغم من بعض الأحيان نبتعد كثير عنه و في مقوله مشهوره جداً ... من منا سئل الله حاجته قبل أن يسأل الناس ؟؟؟؟...
ثانياً : بقي لك ثلاث شهور و هذي نعمة عظيمة يعني مو أسبوع و لا ثلاثة أسابيع بإذن الواحد الأحد وبقدرته وبأمره تقدر تصنع المعجزات في هذي الثلاثة شهور ...
ثالثاً : كل يوم امسك نفسك 12 ساعه غير المعهد و قسمها لـ 4 أقسام الاستماع القراءة المحادثة و الكتابة .....
الاستماع : حاول تشغل راديو على أي قناة انجليزية و أقعد استمع جيداً و ركز و حاول كل كلمة تفهمها تسجلها في نوت note و نهاية الثلاث ساعات شوف حصيلة الكلمات اللي تعرفها و فاهمها و حط كل لكة في جملة مفيدة
هذي المرة راديو المره الجاية قناة في التلفزيون يعني تغيير عشان ما تمل ..
مهارة القراءة أمسك مجلات و جرايد أو حتى قصص أطفال أبدأ قصص أطفال و كل 3 أيام كبرها شوي يعني للبالغين و هكذا ...
أما الـ المحادثة انصحك تجلس مع نفسك بالمراية وتتكلم و تسولف كأنكك مع شخص ثاني و ألعب لعبة الأودار مره انت البائع و هو المشتري و هكذا تغير الأدوار عشان تحس بمتعة أكثر ...
و غير كذا تعرف على صديق مخلص بإذن الله تلاقي و حاول تسولف وياه أو تروح مطاعم وقد ما تقدر أحشر نفسك سولف و أسأل عن أي شيء ...
أما مهارة الكتابة فهذي في دروس في اليوتيوب عن طريقة الكتابة الصحيحة اكتب في اليوتيوب اختبار الايلتس رايتنق وراح تطلع لك نصائح و طريقة الكتابة الصحيحة
يعني مثلاً تبدأ الكتابة بسؤال أو قصة أو أي شيء يشد انتباه القارئ و بحيث تتطرق للعناصر اللي راح تتكلم فيها بإختصار و هذا كله في المقطع الأول أما المقطع الثاني اللي هو صلب الموضوع تتفنن في إنك تبرز العناصر و بشرح لها و في الأخير الخاتمة تعطي الموجز و تنهيه بمعلومه بأي شيء بسيط ....
أسأل الله العظيم رب العرش العظيم أن يفرج همك و يفتح عليك ... آآآآآآآآآآآآمين
تحياتي ... و لاتنسى تطمنا عليك ...
أختك امل :)
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
جزاك الله خير
نصائح جميلة تستحق الشكر
الله يوفقك وييسر امرك .
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
طيب يالغالي ليش مبلش نفسك في التوفل
غير من المود اختبر الايلتس جرب وش خسران
الايلتس اسهل بكثير وجب على الاقل 4 ونص او خمسه خلاص يكون وضعك بالسليم ان شاء الله
اسأل الله العلي القدير ان يوفقك ويفتحها بوجهك يا اخي الكريم
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
صح حاول تجرب اختبار الايلتس كانو معي بنات بايرلندا وهم مستواهم انترميديت جابو الخمسه والخمسه والنص تدخلك الجامعه وخدلك شهر تدرب عليه كل يوم كل يوم وباذن الله تجيب الدرجه واختبر اكثر من مره بس لاتيأس ابدا
هذا رابط به الجامعات اللي تقبل بكل الدرجات تقريبا اقل شي خمسه
ط¯ط±ط¬ط§طھ IELTS
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
الحال من بعضه لا ونا ازيد
خلصت المعهد الشهر هـذا وللحين ماجبت لي اي قبول مشكله بعد اني ماستر والقبولات صعبه واحس اني ضايعه ولاادري بالنهايه :(
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
السلام عليكم و رحمه الله و بركاته
اخواني خذوا الايتلس ترى اسهل بكثير من التوفل
اغلب الجامعات للبكالوريس يطلبون 5 و 6 ماستر
و الله يوفقكم
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
نسأل الله العلي العظيم أن ييسرأمورنا و أموركم جميع ،،،
ونصائح الأخت أمل صراحة مهمة تشكر عليها .....موفقين
رد: بنسبا للتوفل وطلبات الجامعات واقل درجت توفل وايلتس والكميونتي كولج والملحقيه وكل
اذا انت متوهق وعندك 4 ونص في الايلز
كلمني اعطيك اسم جامعه ان شاء الله تتسهل امورك فيها