حوار بلييييييييييييييز رايكم كلكم بنسلفانيا ولا فلوريدا ولا غيرهم ؟؟

وعليكم السلام

طيب حددي المدن من ولاية بنسلفينيا أو فلوريدا اللي انمدحت لك , لأنه هالولايتين فيهم أكثر من 15 مدينه


مووفق ...,

طبعا في البداية الناس أذواق .. وشخصيات ..

أنا زرت بنسلفينيا "فلادليفيا" .. والولايات الي جنبها خاصة المدن الكبيرة فيها" بوسطن / نيويورك / واشنطن "

بنسلفينا مختلفة بشكل كلي عن فلوريدا .. إلى حد الضد !

غالباً فلادليفيا .. أغلى / أبرد "ثلج في الشتاء" / دراسية أكثر / قريبة من نيويورك "ساعتين بالسيارة" ومن واشنطن " ساعتين ونص " / الأمريكان من جذور أفريقيا "أكثر من 60% تقريبا" / فيها تجمع لأكثر من جامعة قوية " من أفضل 100 جامعة في أمريكا "

تامبا " ساكن فيها الآن " ... أرخص / حر في الصيف ورطوبة " بس الشتاء ممتاز " / قريبة من أولاندو "ساعة - طبعا أكبر مدينة ترفيهية في أمريكا " /; ليس فيها جامعات بقوة جامعات فلاديلفيا ";جامعة تامبا وجامعة ساوث فلوريدا الأولى ليست فيها سوى كلية علوم وكلية إدارة واقتصاد وبعض أقسام الفنون .. والثانية قد تجدين فيها تخصصك وقوية ولكن ;ليست ككقوة جامعات بنسلفينيا " / بالقرب منها أشهر شواطئ أمريكا والمدن الساحلية " ميامي وغيرها"

إذا كان خيار الترفيه خيار لا يمكن التنازل عنه .. فأفضل الخيارات .. فلوريدا (أولارندو / تامبا / ميامي ) وكاليفورنيا -;مع الإشارة لغلاء الإيجار فيها "سكنت فيها سنة" -( لوس انجلوس / سان دييغو / سان فرانسسيكو "إلى حد ما")

أما إذا كان خيار قوة الجامعة هو الأولى .. فالأفضل النظر إلى الجامعة قبل الولاية .. ثم النظر إلى مقومات الحياة في المدينة; واتخاذ قرار هل يمكنك التعايش معها وكانت جودة الدراسة فيها تعوضك عن تنازلك عن الترفيه

والله الأخ ياسر ما قصر معاك

أنا من فلادلفيا , هي وبيتسبيرغ نفس الحال تقريباً ,, صحيح إن المدينه فيها سود لكن فيها امان في الأماكن العامه بالأوقات اللي العالم يكونون صاحين فيها ,, أما أطلع مكان ما هو آمن ومثلاً الساعه 12 الليل فالله يعيني إيش راح يصير لي
فيلادلفيا مدينه دراسيه وقليل الترفيه فيها ,, لكن بصراحه الأسعار متوسطه تميل للغلاء ,, التاكس فيها 8% وهذا غالي شويتين ,, لو أكلك من المطاعم كل شوي هذا راح يكلفك الكثير والكثير ,, سكن غرفتين وصاله ودورة مياه الله يكرمك ومطبخ راح تجدينها في الغاااااالب بـ 1400$ شامله النت والكهرباء , سواء عند جامعة سينت جوزيف او عند جامعتي دريكسل وبنسلفينيا ويكون يعني بعدها عن المعهد شيء معقول مو بعيد

مووفقه إن شاء الله ...,

Yasser@Binsalman و Knight Dandy
اشكركم ماقصرتوا ابد الله يسعدكم ويوفقكم

انا حسيت فلوريدا انسب لي اذا كان فيها تخصصي المهم ان الجامعه معترف فيها كذلك الجو افضل والترفيه مو شي اساسي بالنسبه لي لكن شي لابد منه في الاجازات
واللي خلاني ابعد عن بنسيلفانيا مو تفريط بجامعاتها كثر اني مااحب الجو البارد كثير

جو بنسلفانيا فعلا بارد والحين بدأ الجو يبرد رغم إنا لازلنا في الخريف.
لكن هي أفضل من ناحية موقعها أقلها إن بينها وبين الملحقية ٣ ساعات ونصف خاصة مع البوابة اللطيفة اللي صارت تلخبط كل شيء