قرار صعب صراحة ،،ربما كلمتك تنور طرق الغير!!!

السلام عليكم ورحمة الله وبركاته
ندخل في الزبدة مباشرة موضوعي أخواتي وإخواني الطلاب " لي الأن خمسة أشهر أدرس اللغة في معهد لا أحسد عليه والجامعة اللي ناوي أدرس فيها إن شاء الله
شروطهم (توفل 79- أو 6 في IELTS - أو أخلص 12 مستوى في ELS ) وناوي أغير المعهد مع العلم أنه باقي لي سنة وشهر فقط لدراسة اللغة
ومحتااااار في القرار فهل أنا أروح لمعهد تابع جامعة مثل معهد ELP اللي في جامعة بنسلفانيا ولا معهد ELI اللي في جامعة بتسبيرغ وأحاول أجيب التوفل أو الأيلتس؟
أو أروح لمعهد ELS وأخلص ؟
لكن المشكلة مثل ماتعرفون أغلب معاهد ELS يرسبون طلابهم حتى يأخون كل المدة عندهم !! ، وأخاف أروح لمعهد جامعة وما يمديني أخلص خلال سنة وبالأخر أطلع بدون نتيجة ،
فأرجوا منكم المشورة مع العلم بأن مستواي مابين المبتدئ والمتوسط " ،،،


أسأل الله التوفيق لنا ولكم ولجميع المسلمين

وعليكم السلام أخوي...رأيي وأنا أخوي أقرأ إستشارات الأخوان ثم أستخير...
أنا من وجهة نظري روح ELS لعدة أسباب أولها المعهد لا بأس فيه وثق ثقة تامة أن نسبة الإجتهاد الكبيرة يتحملها الطالب مو المعهد.....
ثانيا أعرف ناس كثير فضلوا معاهد ثانية على ELS والأن أنتهت فترة اللغة ومتورطين ماعندهم قبول ولو دخلوا ELS كان قبلتهم جامعات كثيرة...
ثالثاً مو صحيح إن المعهد يرسب عشان الفلوس....يحقلك تراجعهم ودرجاتك أنت أصلا مطلع عليها أول بأول....
رابعاً تراني ما أحب ELS :) بس من وجه نطري هو الأمان هنا في أمريكا...لان أغلب الجامعات تعترف بشهادتة وانك تجيب في IELTS 6 ولو ما كانت صعبة بس يبيلها وقت وبنفس الوقت هم...

مشكور أخوي على المشورة ، وطيب وش أفضل معهد ELS ؟

أرجوا من الإخوان اللي يمرون يعطونا رأيهم وينورون علينا ،،، الله ينور علينا وعليكم

IElTS 6
ماشوف انها صعبه كثير وقدامك وقت باذن الله سنه وشهر موب شويه
انا نفس حالتك تقريبا ادرس بمعهد els - الجامعه اللي ابيها طالبه ٧ بلايلس
ناويه اسجل بمعهد بتسبرغ اي ال اي على جانوري
صحيح دراسه معهد الس مهيب سيئه بس طاقم التدريس مو كله جيد ، في بعض المستويات يجيك تيتشرز
ممتازين وبعضها تاكل هوا
-
في كل الحالات نصيحه اخويه حتى لو استمريت في معهد الس اشتغل على نفسك بالايلس
واختبر ممكن تجيب الدرجه وانت توك ماخلصت ١٢ لانهم ماهم مقياس بصراحه ابد ابد ابد ، مناهجهم اللي درستها مو بهالزود..

شاكر مرورك "هايو" طيب كيف المعهد اللي في جامعة بيتسبيرغ ؟ وإذا عندك خلفية عن معاهد قوية تابعة لجامعة في ولاية بنسلفانيا أتمنى الإفادة ،،،وشكراً

أخوي العزيز أستخير لله عز وجل والله يكتب الي فيه .

أسأل الله التوفيق لنا ولكم ولجميع المسلمين لما يحب ويرضا ،،

اخوي سمعت ان معهد els اللي بفيلآدلفيآ أرحم فروعهم واشوى من فروعهم البقايه
وهو تآبع لجآمعة سآنت جوزيف وبمجرد إنك تخلص آخر مستوى تدخل الجآمعه بدون توفل ولآ آيلتس
وأظن بمآ إنك تدرس لغة 5 شهور إنشآء الله بتبدأ من المستوى الثآلث أقل شيء وإنشآء الله يمديك تخلص اللغه
والله يوفقك إنشآء الله :)

وعليكم السلام ورحمة الله وبركاته
أخوي استخير وربي يوفقك للي تريده
وعلى فكره 6 أو 79 ترى والله مو بواجد , معاي شباب إماراتيين يقولون والله ما لنا بالانجليزي قبل لا نطلع وهالحين في المستوى الخامس ومعاهم كلهم آيلتس اللي 6 واللي 5.5 واختبروا اليوم التوفل
المسأله سهله جداً بس حنا لو نحط بروسنا نجيب الدرجه نجيبها , ولكن نجلس نحطم انفسنا أكيد ما راح نجيبها وأنا أخوك

اقتباس:

---

المشاركة الأصلية كتبت بواسطة zamil badr

اخوي سمعت ان معهد els اللي بفيلآدلفيآ أرحم فروعهم واشوى من فروعهم البقايه
وهو تآبع لجآمعة سآنت جوزيف وبمجرد إنك تخلص آخر مستوى تدخل الجآمعه بدون توفل ولآ آيلتس
وأظن بمآ إنك تدرس لغة 5 شهور إنشآء الله بتبدأ من المستوى الثآلث أقل شيء وإنشآء الله يمديك تخلص اللغه
والله يوفقك إنشآء الله :)

---

لا تصدق كل ما يقال لك , وصدق نصف ما ترى
إذا فرع فلادلفيا أحسنها وأنا سمعت قبل هالكلام من ناس وهو خايس حرام تدفع فيه سنت واحد , أجل الله يستر على فروعه الباقيه نيوهرايزن أقوى منها

ومن ناحية المعهد , فهو ما يتبغ لأي جامعه , المعهد هذا مجرد ما تخلص لفل 9 للبكالوريا يوفر لك قبول في 400 جامعه أمريكيه تقريباً ومن ضمنها سينت جوزيف

موووفق ...,

أشكركم ياشباب على تفاعلكم مع موضوعي .... لكن المشكلة يوم تسأل عن معهد وتلقى في نفس الوقت واحد يمدحه لك !! وواحد يذمه!!
الله يوفقنا وياكم للي فيه الخير،،، آمين