نصيحة + حركة مالم امها داعي + مصيبة + خدمة

بسم الله الرحمن الرحيم

الحمدلله رب العالمين والصلاه والسلام على اشرف الناس


النصيحه :
لا لالالالالالالالالالالالالالالالالالالالالالالالالا تجي على امريكا وانت منت مأمن سكن يعني تحجز سكن قبل ماتجي تدرون لية ؟ تعرفون الان



حركة مال امها داعي :
كنت حاجز مع عائلة عن طريق المعهد قبل لا اوصل ولما وصلت رحت لمسؤلة السكن في المعهد قلتلها انا رامي اللي حجزت عائلة قالت والله زحمة لكن انا جالسة ادور قلتلها وكيف تقوليلي ان العائلة منتظرتني ومش عارف ايش وزعلت قالت اسمع تبغى الصراحة كل ما اكلم عائلة يعتذرون يقولون خايفين منك لانك مسلم وسعودي :gr_897: شفتوا النكبة وربي

جالس في فندق 80 دولار في اليوم :gr_896:

بالله هذا شكل واحد يخوف :gr_908:

تكفون تكفون تكفون ياشباب تغيرون هذي الصورة الله يستر عليكم ترى شايفينا سفاحين
---------------------------------------------------------------------------------------
المصيبة :
اول يوم في المعهد طبعا في اختبار تحديد مستوى وتعارف فكنا انا واثنين سعوديين ويابانية وكولومبية وبرازيلية وارجنتيني والمشرفه صربية وصديقتها ما ادري من اي ارض المهم
كان التعارف كالاتي

اسمك - سنك - من وين - وتتكلم عن بلدك وتتكلم شوي عن دراستك الثانوية علشان يشوفون لغتك كويسة ولا لا
المهم تكلمت الكولومبية وبعدها البرازيلية وبعدها اليابانية وبعدها محدثكم
الاسم : رامي حمزي
السن :22
الجنسية : سعودي
بلدي : بلد حلوة الطقس بيختلف من منطقه لمنطقه لان عندنا جبال وصحراء وبحر امنه جدا جدا وتقدر تروح لاي مكان في اي وقت ( لانهم كانوا بينصحوا اللي يبغى يروح بلادهم انه لا تطلع اخر الليل ولا تقول البرازيل احسن من الارجنتين لا تروح للداون تاون فحبيت ابين ان بلادنا امنه الحمدلله ) فبصراحه انذهلوا وقالوا من جد تقدر تروح لاي مكان باي وقت ومش عارف ايش وكيف وليش ووووووووو؟؟؟؟؟؟ المهم وقلت ان عندنا مناطق حلوة وعندنا اكبر مطار في العالم واكبر شركة بترول في العالم واكبر احتياطي نفط في العالم واكبر مدن صناعيه في العالم ووووووووو فبصراحه كلهم بالفم المليان قالوا ( انتم مررررررررررة اغنياء ) الله يحفظنا وعمى في عين الحسود المهم ( لانهم اتفشخروا ببلادهم اللي يقول حلوة والي يقول كرة القدم واللي تقول تكنولوجيا
ويعني حبيت اكشخ حرام يعني ولا حرام ) المهم فتكلمت عن الثانوية وقلت انه و انه و انه و انه فقالولي غريبة ماتكلمت عن (القيرل فرند) فقلت انة في بلدنا البنات في مدراس والاولاد في مدارس ماصدقوا يالله ايش اسوي وتكلمت عن الموضوع هذا وقالولي ليش الدولة شديدة ولا الدين عندكم ولا كيف قلت لا هذا الدين فقالتلي الكولومبية ايوة صح عندكم الحريم لازم يتغطون صح الكلام ذا قلت ايوة ( وبدا الهجوم الفتاك شفتوا بف باف كانوا اقوى منه) المهم وقالوا ان هذا مو عدل وهذا حرام ومش عارف ايش انت بتحتقروا المراة ووووووو فقلت لحظة لحظة انت تقولوا مو عدل ووووووووووو قالوا ايوة قلت احنا بنحترم المراة اكثر من اي مجتمع في العالم قالوا كيف قلت المراة عندنا غالية جدا وقدرها كبير وبتتغطى لانه لما بتتغطى بتسير زي الهدية اللي بتجيكم في عيد الميلاد فالمراة عندنا معززة مكرمة قالولي طيب تعبير حلو انها زي الهدية متى بتنفتح الهدية قلت يوم زواجها ( طبعا انا اقصد العباءة متى بتقدر تشيلها وتشوف المراة لااحد يفهم غلط) زي الشوكلاتة الغالية زي مايكون عندك اي شئ غالي وبتخاف عليه وبتغلفه وقلت انه ليش الحريم عندكم في الكنايس يتغطوا قالوا لانهم مقدسات قلت احنا عندنا الحريم مو مقدسات لكنهم في مرتبة عالية جدا النساء عندنا منهم معلمات وطبيبات ومهندسات وممرضات وكل شئ واكبر دليل الطالبات السعوديات اللي بالمعهد واغلبهم ماستر وكلكم تشهدون بتفوقهم واجتهادهم ولو احنا مضطهدين المراءة زي مابتقولوا ما كنا خليناهم يجوا بعثات فقالولي طيب كيف بتتزوجها وانت مابتعرف شكلها قلت الزواج عندنا بيتم انك بتكلم اهلك بالمواصفات او هم اذا شافوا بنت كويسة يكلموني بعد كذا لما اقرر اتزوج واكون جاهز وجاد اقدر اشوفها فقالوا مو معقول فقلت احنا من ابد الابدين بنتزوج بالطريقة ذي وما شيين زينا زيكم بنتعلم وناكل ونشرب وطبعيين فقالوا هذا كويس وبداؤ يقتنعون بتقاليدنا وكنت اقولهم ان الاختلاف موجود دائما في كل مكان زي ما انا بقول لاهلي ان الحريم هنا بيمشوا بدون حجاب بيستغربوا زي ما انتم مستغربين وكل مجتمع لة عادات وتقاليد قالوا صح ( وكان دور الطالب اللي بعدي سعودي ) فقام وقال انا عندي اربع (قيرل فرند) في السعودية وارفض اني اتزوج بالطريقة التقلدية اللي قال عليها رامي وانا في لية (قيرل فرند ) سبيشل ومتفقين انا وياها على الزواج بعد مااخلص من دراستي ومافي مشكله لما كنت في السعودية كنت بقابلها كل يومين مرة ( اول مره في حياتي احس بالحراج هذا وبال................ وكان نفسي .............................. و والله لو ما كنت ......................................... ) اكيد انكم فهمتوا ايش بقول وعلى طول التفتولي و طالعولي من فوق لتحت زي اللي حسوا اني متشدد او .................. المهم فقلت لحظة ممكن اوضح نقطة قالوا تفضل ( طبعا كان لازم احل الاشكال هذا بطريقة دبلوماسية علشان مايقولون المسلمين متخلفين واتضاربوا في الكلاس وكل واحد قال كلام ) فقلت شوفوا السعودية زيها زي اي بلد في العالم فيها اشياء ممنوعه ومحظورة ومع ذلك الناس بيعملوها بالخفاء الاسلام دين كبير وفيه عده مذاهب ( زي مافي المسيحية كاثوليك ارثوديكس وووووو) وبتندرج تحته عده ثقافات ففي المملكة مثلا في ثقافات متعدده (على فكرة الامريكان بيحبون تعدد الثقافات ) زي في جدة مثلا في نساء مابيغطون وجوههم مثلا في الشرقية بتلاقي نساء مابغطوا وجوههم وشعرهم ومثلا في الرياض في نساء بيلبسوا البرقع اللي هو بيبين العيون بس وفي مناطق ثانية مابتشوف اي شئ
وهكذا فقالت الصربية ايوة انا مرة شفت ناس مسلمين في البوسنة والهرسك بيتضاربوا مع بعضهم قلت شوفوا في حقيقة لازم تعرفوها وتنقلوها عني لاي واحد تعرفوه انه في ناس بيقولوا احنا مسلمين وهم مابيعرفوا الاسلام باي حال من الاحوال (قلتهم : مثلا لو الا انا اعمل مشاكل برا واذا سألوني فين تدرس اقلوهم في جامعه نوفا وانا ما ادرس فيها هذا مايشوه سمعتكم قالوا اكيد قلت احنا نفس الكلام وعلى فكرة يعني الاسلام عندنا دين سماحه ويسر يعني نادرا ماتلاقي مسلم كامل والكمال لله لان الانسان لازم يخطئ وووووووووووووووو وماصدقت على اللة وهم يذلفون عن وجهي الا وانا فاحم وكان نفسي ارووووووووح للسعودي و................................................. .................................................. ............................... اي والله زي ماقلت لا وكمان .................................................. ....... الين مايسير كانه ................................................
الله المستعان بس هذي المشكلة والله والله والله ياشباب باقي ناخذ لفه على الجامعه الا وهو هذا نفسة يقول للمشرفة حقتنا مسس :(....) تعرفين (نايت ************ كويس هنا ) فطالعت فيه من فوق لتحت وقالتلة خليك في دراستك احسن حتى سواق الباص ضحك الين ماتقطع بطنة وعلى طول قال (from saudi arabia) رد وهو فرحان (yes yes we are very rich ) لا اله الا الله محمد رسول الله اللهم طولك ياروح كنت ابغى .................................................. بس ربكم ستر

نداء ياشباب حسونا صورت بلدكم تكفون تكفون تكفون لانه شئ يفشل والله والشر يعم
الله يهديه قولوا امين والله والله في شباب في الباص واحنا راجعين من الملحقية كانوا بيسألو السواق السوداني (ابراهيم \ علاء) اظن كل المبتعثين يعرفوهم تعرفون (نايت ************ ) حلو ايش الشراب الكويس ايش مش عارف شئ شئ يخليك والله تستحي تكلمهم والناس يشوفوك لكن ربكم يسهل المهم بس ادعولهم بالهداية
---------------------------------------------------------------------------------------
خدمة :
ممكن احد يدلي على ولاية حلوة ورخيصة واهم شئ امنة علشان احول عليها بليز شباب وياريت ماتكون بارده الله يحفظكم لانة امس طلعت وماادري انه اللي تحت الفندق فية( بار ونايت ************ )محدثكم اول مرة يطلع برا السعودية يعني اول شئ لما شفته في الصباح وهو مقفل افتكرتة صالة بلياردو لانه مكتوب علية )club( :gr_895: لا حد يضحك ما اعرفها وش اسوي المهم طلعت اتعشي وانا راجع كان في تقاطع صغير للمشاه فكان في واحد يمشي سويت فيها محترم وقلت خله يمر اول انا وقفت وهو وقف قلتلة تقضل انا بس قلت تفضل من هنا وهو شب من هنا الظاهر انه وصل لجدي السادس عشر والله من كثر الخوف مادريت ايش كان يقول وكان يترنح ومشى وراية على طريق الفندق وحالتي كانت يرثى لها ربك يسير انبهوا على اعماركم

في حفظ الله

هههههههههه ... اولا الحمد لله على السلامة
ثانيا سرد الاحداث مشوق .. " مع انه السعودي الي كان معاك << اربع قيرل فريند مرة وحدة<<< too much :gr_920: <<<<< .
و ردك على الاساتذة فعلا كان دبلوماسي .. و كويس انك انقذت الموقف بالنسبة للسعوديين في امريكا ... سواء شباب او بنات ... البعض منهم الله يهديهم يقوم بافعال تتناقض مع الدين او مع كونه سعودي و مسلم :gr_907: <<<< ومايصدق انه وصل امريكا << وخلاص يفللللللها على الأخر :gr_905: ,,,,
يعني المفروض يحمد ربه على البعثة عشان ربي يوفقه في بعثته و دراسته و ويتخرج على خير <<< مو يروح يدور على كازينوهات و بنات :gr_895: << انا اشوف بعض الشباب يشتكوا انهم كملوا 7 شهور في امريكا ولسه لغتهم تعبانة وخايف ما يجيب التوفل و يرجع السعودية يخفي حنين <<< واعتقد اهم الاسباب انه باله و تفكيره في اشياء ثانية الله يهديه :gr_916:
مرة طلبت مننا التيتشر نكتب عن المشكلات في بلدنا , قلت بلاش اكتب عن الارهاب :gr_908: وخليني اكتب عن التلوث البيئي .. واحدى الطالبات من اليابان قالت لي : شكلكم ترموا البترول في البحر عشان كذا عندكم تلوث << تستخف دمها :gr_882: انا رديت عليها و قلت لها : اعتقد البترول اهم من انه يترمي في البحر .. شكلك ما تشوفي اخبار و اسعار النفط :gr_916: ... والتيتشر قالت لي تمام البترول مهم ودولتكم اكبر دولة مصدرة للنفط ... المهم الواحد ما يعطي فرصة لاحد يستخف ببلده او دينه
عموما احسن شي كل واحد يقرا اذكار الصباح و المساء دايما عشان الاشكال الغربية الي تمشي في احياء امريكا من بعد المغرب :gr_897:
واتمنى لك التوفيق في دراستك . والله يحفظ كل المبتعثين و المبتعثات يارب

ااااااااااااااااااااه وربي مو ذابحني ومقطع قلبي الا هذاك الغبي الثاني الي معاااك وربي بهيمه ..اسمحولي..

لانه مايعرف تكلم ولا يعرف بالسياسه شي ولا عنده اي مبادء خلااص المفرووض

اذا مايعرف يتكلم ينثبر انت ماقصرت فيهم عطيتهم وجهت نظر ولا اروع بس

ما اقوول الا صحيح والله فيه نااس جهلا ..

الله يهديه بس ويهدي جميع المسلمين .., والا انت بيض الله وجهك وماقصرت فيهم .

اسمحولي انقهرت:gr_895: <<<


.

أخوي رامي وفقك الله في دراستك وأبعدعنك الشرور فأنت مثال المواطن الصالح الذي يرفع راس وطنه و يشرفه في الخارج وفقك الله في دراستك و أرجعك سالم غانم لأهلك و ترفع راسه:gr_922: م مثل مارفعت راس بلدنا ........دمت عزيزي

اعجبني تصرفك ودفاعك عن بلادنا
وبالنسبة للسعودي اللي وياك
مانقول الا الله يهديه
واتوقع انك في فلوريدا الحين
واللي اعرفه عن فلوريدا
انها ولايه جميله بس عيبها الاعاصير :gr_919:
وان شاء الله مع الوقت تلقى عائله
او اسكن في شقه لحالك اذا تقدر
وعلى فكره..كم يكلف السكن معكم ؟؟

ياخي ما شاء الله عليك كل هالحكي قلته بالانجليزي..صراحه شي تشكر عليه وموقف انسان محترم وله مبادئ .. وعموماً الناس درجات .. في كل شي ..

انت ماعمرك شربت عصير طبقات !!.. مالاحظت اختلاف الطعم مع كل طبقه تشرب منها..العالم والناس كذا .. كل شي له طعم وريحه حتى لو اجتمعوا بمكان واحد .. تمياتي لك بالتوفيق والثبات

ولا يهمونك الاجانب مجرد اجرام خاويه .. تقدر تملاها بالشي اللي انت تبغاه

والله الله بعطيك العغافيه والله انا عندي مشكله في تشيلي والمانيه كل ماشافوني صالح انتم بترول رايش والله ماخذ مقلب اني غني والله المشكله اللغه ضعيفه والله ماغير اضحك في وجهه والله يغين والله السكرتي حف المعهد قال لصديقي سعودي من اي بلد رد عليه وقال من السعوديه قاله من اسامه بن لادن وساله السكرتي قاله صح انت الا بجيبك قنبله والله هذا السوال ولاكن والله صديق فهمه ان اسامه ؟؟؟؟ كلام مشفر وان السعوديه تحارب الارهاب وان وان وان والحين كل مايشوف يسلم والله ان بعض الاجانب وخاص الاوربيين والله يتمنون زياره المملكه ولاكن الكورين والله انجس خلق ربي صارلي كم موقف معهم والله فاهمين السعوديه غير ولاكن ارجو ان نغير الصوره اخوكم المطرفي بوسطن

أخوي رامي شكراً لك ..

المشكلة إن وزارة التعليم لسى بدت تفهم إنه لا بد يسوون مقابلة لأنه فعلاً واحد مثل الشخص اللي معكم بالكلاس يعتقد إنه بيكبر في نظرهم بالحركات هذي ..ما يدري إنهم يزدرون هالناس اللي متخلفة وتعتقد إن الكأس والقيرل فريند منتهى التحضر والتطور ..

أتمنى من الله لك أخوي رامي التوفيق ولجميع المبتعثين اللي لهم هدف مو شراب و Night Club ..

بصراحة يا أخوي رامي تستاهل وقفة تصفيق وإجلال لك ....

موقفك رائع ودفاعك عن الدين والمبدئ أروع ....لكني فعلا أحسست بمقدار الألم

مع هذا الــ.......؟؟ الله يهديه ..
الله يوفقك ويزيدك هدى ودين ...ويرجعك لنا مرفوع الراس بأعلى الشهادات ...

تحياتي

تكرمون يا شباب والف شكر على المرور وشكرا على الاطراء انا ماكتبت نا علشان اقول انا عرفت اتصرف ولا اتفشخر عليكم لاو والله اعلم بالنيات وهذا واجب ومفروض علينا كلنا اذا والواحد مادافع عن دينة وش باقي يدافع عنه اصلا الانسان بدون دين يعتبر بدون هوية او الله يكرمكم (بهيمة) يمكن البهيمة احسن لانها تسبح لكن حبيت (افش خلقي ) على قولة اخواننا اللبنانيين وعلى فكرة ياشباب الي ماعنده لغه ولا خلفية كافية بالدين لا يتفلسف فهمتوا ولا لا واي خدمه انا محتاج اليوم كنا نتكلم عن المباني وما المباني فقلت انا ماعمري سافرت برا السعودية بس احسن شئ احبه العمارة الاسلامية وبعدها على طوووووووول عمارة الكنائس وودي ازور كنيسة قديمة واشوف عمارتها قالتلي المدرسة دينكم يسمح لكم بزيارتها قلت دينا متسامح جدا وانا اصلا بحب الاشياء هذي انا ماعمري شفتها بس قريتها في رواية ( شيفرة دافنشي ) وحبيتها فبصراحه جلست المدرسة تتكلم معايه بعد الكلاس طول فترة البريك (الراحه) عن الاسلام وماكانت متوقعاه متاسمح للدرجة ذي حتى لو في شئ حرام في ديننا لا تقولون لا (no way ) ومش عارف ايه وكلام فاضي حاولوا تفسرون مضار هذا الشئ (لانه الاسلام والحمدلله مامنع شئ اللي وهو مضر ) وبعد مايفهموا قلهم هذا الاسلام تكفوووووووووون لا تدخلون الدين في كل صغيرة وكبيرة قلولهم العادات والتقاليد حتى يفهموا وبعدين الدين لانهم ماخذين فكرة غلط عن الاسلام وصعب انك تغيرها من اول حديث حبة حبة ياشباب الله يرحم والديكم وانا عارف انا نحن الشباب متعذبين من شوفت البنات وهم شبة عري ( الله يحفظك يالسعودية ) لكن لاتفجعوا وتسيروا مركزين نظركم خلوا الوضع طبيعي وانا تحت الخدمة بالنسبة للسكن غالي من 1800 الي 3000 تقريبا يعني