الحين اي سؤال عن واست فرجينيا محد يرد عليه !؟ ... عناد الموضوع ولا كيف !؟

يا ناس انا رجال اموري والحمد لله تمام
1_ جبت قبول المعهد والجامعة
2_ طلعت فيزاء والحمد لله

ما بقاء لي الى اني احجز وانتظر موعد رحلتي

عندي استفسارات

الان باقي على رحلتي بالضبط 71 يوم , واقدر اغير الجامعة اذا بغيت
انا بحثت بحث شامل عن الجامعة , ولقيتها تناسبني , بس انا ما جربت السكن فيها والناس اللي فيها والاجواء

ابغى واحد من الملتحقين في الجامعة او الزائرين لها يقولي
هل السكن مريح ولا هناك مشاكل !؟
هل الناس فرندلي ولا متعصبين ضد الاسلام والعرب !؟
هل الاجواء جميلة ولا بشعة !؟

والسؤال الاخير تنصحوني اجي للجامعة ولا اغير لجامعة غيرها !؟

يا ناس حطو نفسكم مكاني , ابي احد يجاوبني طلبتكم

يامرحبا .. طول بالك
لك احقيه في التغيير مرة واحدة حسب ما اعرف
بالنسبة للسكن الجامعي ما في احد يفضله تقريبا سيء مشترك غير نظيف
بالنسبة للمدينة و الجامعة ما عندي فكرة عنها
لاكن شوف مافي احد راح يفيدك كثير
قد ما إنك تروح وتجرب بنفسك و تشوف الوضع ممكن يناسبك و ما ناسب غيرك ( هادي دائما نظريتي )
إلا اذا عندك شخص بنفس المدينة او بأمريكا تثق فيه خد رأيه ، لاكن هنا في الملتقى راح تضيع ناس تأيد وناس تعارض

تشكرعزيزتي , والله العالم بتوكل على الله وبروح للجامعة , واذا ما عجبتني فيه حلول

شكرآ لك

توكل على الحي القيوم
انظر للفيزا مسجل المعهد والجامعة؟ لك الحق بالتغيير بعد مضي مثلاً شهر اذا المعهد لة فروع؟ هذا حسب علمي المتواضع . ولابد الخبر عند دائرة الهجرة؟

طريقة اختيار افضل الجامعات والولايات في امريكا - الطلاب المسافرون للسفر و الدراسة في الخارج

انا ادرس في ويست فرجينيا في مارقنتاون
المدينه هااادئه جدا جدا وتعتبر مدينه درااسيه !!
المدينه جووها حلوووو ويجنن والحين كله امطار لان فصل الخريف
المدينه تملئها الاشجار والغابات جميله من كثر الاخضر الي تشووفه
المعهد في عررب كثير وانا اتوقع معظم معاهد امريكا كله عرب بس تدخل الجامعه ماتشوف العرب الا قليل
الجامعه بالنسبه للهندسه ممتازة جداا
السكن: السكن في الجامعه ماعندي خبره فيه بس تحصل لك شقه مع روميت 400 دولار الى 550 مع رميت لكن ادا حصلت غرفه وحده لحالك ممكن 550 دولار او 600
المدينه ماهي غاليه تعتبر بالنسبه لباقي الولايات
والناس في هالولايه فرندلي مافي اي عنصريه ابدا وماشفت شي عنصري بالعكس ادا احتجت شي يحاولو يساعدونك
واخيرا الا اقوله ان مافي شي حق تمشيه بس قريب بتكون من الملحقيه في واشنطن 4 ساعات بالسياره او باص وقريب من بنسلفينيا فرق ساعه وحده فقط بالسياره
والمدينه زي ماقلت لك هاادئه وجوها دراسي والجامعه ممتازة في الهندسه جداا والكل يمدحها
وتحياتي لك واتمنى منك الدعاء

جامعة ويست فيرجينيا من افضل جامعات العالم ومن اقواها في مجال الهندسة
انا طالب فيها ومحول من جامعة في السعودية.
المدينة بشكل عاام :
1- من ناحية الجو, الجو متقلب يعني طبيعي الصباح برد , الظهر يدفى الجو , العصر مطر , الليل يرجع برد. بس بالمعظم الجو الفترة هذي معتدل مائل للبرودة. في وقت الشتاء اللي يصادف وقت وصولك الى هنا بيكون الجو بارد فجهز نفسك بملابس شتوية.
2- من ناحية الناس, انا بقولك قاعدة وحطها في بالك , الشعب في امريكا بمجمله شعب بشوش وبسيط ويحبون المساعدة , واللي يدورون المشاكل ويكونون عنصريين هم الاقلية, المدينة هذي السكان ينقسمون الى قسمين : 1- طلاب واغلبهم جايين من مناطق بعيدةعن المنطقة حتى لو كانوا امريكيين وهم مرة ودودين. 2- القسم الثاني سكان المدينة اللي هم متعودين على الطلاب وعايشين ومتعايشين معهم من فترات طويلة.
3- المدينة فيها مسجدين وتقام فيهما صلاة الجمعة.
4- فيها اماكن للتسوق ومطاعم كثيرة.
بشكل عاام المدينة امان وما فيها اي مشاكل تقارن بمعظم مناطق امريكا.
بالنسبة للسكن يوجد لديك خيارات كثيرة والاسعار جدا متفاوتة. تبدأ من 400 دولار وتصل الى 950 دولار على حسب الحجم والمميزات.
يوجد نظام يتعلق بالسكن في المناطق الجامعية وهو ان تقوم بترتيب سكن لك قبل وصولك بفترة لضمان حصولك على سكن مناسب لان النظام هنا بالحجز. هذا لايعني انك لن تجد سكن عند وصولك ولكن لحجز الاماكن الافضل يفضل ان يكون حجزك لها مسبق.
اتمنى اني افدتك والتوفيق من نصيبك يا رب