مساعدة ماهي أفضل معاهد اللغة في واشنطن أو فيرجينيا ؟

اللي حاب أقوله لاتضيعي حالك بالمعاهد التجاريه ادخلي معهد جامعه افضل لك وعندك خيارين مثل ما قلت لك ترى التنقل بين المعاهد يضيع عليك الوقت .

خلي مسارك واحد حتى لو كانت فترة المعهد طويله بس اهم شي الفائدة .

واذا عندك استفسار راح ارد عليك بأقرب فرصه .. ؟

من ٩:٠٠ الى ٢:١٠
عندهم ١٢ مستوى ،، كل مستوى ٤ اسابيع
برنامج التوفل ماهو اجباري تاخذينه عشان يعطونك الشهاده انك كملتي جميع المستويات
بس ماتاخذين برنامج التوفل الا بعد ماتخلصين جميع المستويات

ايه أنا عارفة أنه أفضل المعاهد معاهد الجامعات و أفضلهم معهد جامعة جورج تاون بس أنا راح أجي في آخر مارس يعني مارح ألحق على جورج تاون الا في سبتمبر لأن نظام جورج تاون أترام,, وما أبغى 5 شهور أضيعها وأنا استنى جورج تاون علشان كذا أنا مضطرة ادرس الخمس شهور هذي بمعهد تجاري واذا تسهلت لي موضوع النقل لمعهد جورج تاون راح أنقل

علشان كذا أبغى معهد تجاري يكون أفضل السيئين

طبعا مو من اول ما أجي يحطوني في المستوى الأول اجباري ؟ في اختبار تحديد مستوى و بناء عليه يحطوني في المستوى الي يناسبني صح ؟
هل لو كنت ناويه أجلس في المعهد 5 شهور وبعدها لو أنقل من المعهد هل الموضوع سهل ولا ما عندك فكرة ؟

انا هذا اللي سويته .. الحين ادرس ب ili صار لي ٥ شهور وباقيلي مستوى واحد واخلص يعني بنوفمبر ان شالله
برجع بديسمبر للسعوديه بعدين برجع امريكا بدرس بجورج تاون بالspring ٤ شهور

اول ماتجين يختبرونك اختبار تحديد مستوى ويحطونك بالمستوى المناسب لك واذا حسيتي ان المستوى ماهو مستواك عادي ممكن ينزلونك او يرفعونك لمستوى اعلى
ومتى مابغيتي تطلعين عادي مافيه اي تعقيد بس اهم شي تعطينهم خبر قبل باسبوع اقل شي

بالتوفيق اختي ..

معهد الاخت مبتعثه بامريكا ماعندي خلفيه عنه بس بعدي عن معهد خالد فل برايت بما انه قوي جداً ..

حلوو كويس لأنه أنا هذا الي ناوية أسويه أدرس فيه لحد ما تتسهل لي و اكمل في جورج تاون
مشكورة أختي الله يعطيك العافية

على فكره بالنسبه للنقل من معهد لمعهد اخر كل ماعليك هو فقط احضار قبول من المعهد الجديد وتعطينهم خبر انك تدرسين بمعهد ثاني وتقولين للمعهد الجديد ابي اسوي نقل عندكم

راح يعطونك قبول خلال اسبوع ع حسب المعهد يرسلون لك ورقة قبول على بريدك هالورقه تعطيها المعهد القديم وخلاص مالك شغل عن طريقها اوراقك كلها ترسل من المعهد القديم للمعهد الجديد

يعني شغلتها سهله وهذي سياسة كل المعاهد يعني التعقيد راح يكون لو عليك مستحقات ماديه فقط .

تسلم أخوي الله يسهلها على الجميع
مشكووور على المساعدة