رد الملحقية العجيب الغريب >>>> تفضلو شوفو قبل ما يصيرلكم نفس الشي
السلام عليكم
آنا طالب على الحساب الخاص ، وطبعا" زي الكل ابي انضم للبعثة.
المهم الحمدلله مضبط اموري وجايب قبول ماجستير من الجامعه غير مشروط ، و مسجل بـ 9 ساعات دراسية و طالب منتظم بالجامعه.
ركزو بكلامي بالجـــــــــــــــــــــامعه ، مو بالمعهد ،
أنا اختبرت التوفل و عديته منذ مبطي
المهم ارفقت بطلب انضمامي لعضوية البعثه: خطاب قبول الجامعه + ورقه من الجامعه تفيد اني طالب ماجستير عندهم و مسجل بـ 9 ساعات زي النظام ما يبي
شوفو بالله سبب رفض الحاقي بالعثه اللي ما كان يخطر على البال :
مع التحية والتقدير... نأمل أرفاق ما يثبت إنهاء مرحلة اللغة (شهادة الحصول على الدرجة المطلوبة في التوفل أو الإلتس) وكذا أرفاق ما يثبت البدء بالدراسة الأكاديمية (السجل الأكاديمي، خطاب من مسجل الجامعة يفيد بالبدء بالدراسة الأكاديمية وتسجيل مواد في التخصص) لنتمكن من العرض على اللجنة. وفقكم الله
قال انهاء مرحلة اللغه قال ،،
تخييييييييييلو > لسه يقولون لي معهد وخطاب بدء دراسة
ودي ارد على الطلب و اقولهم معهد وشو يا ابو الشباب> وخطاب قبول الجامعه و بدء الدراسة اللي انا رسلتهم لكم هذولي وشو
انا مرسلكم يا جماعه ورقه اني بالجامعه ادرس ، وقاضي من زمان من المعهد
يا جماعه هذولي أنا أبي أسئلهم هم يقرون الملف أصلن، والا الرد هذا اتوماتيكي يصرفون العالم فيه
حسبي الله ونعم الوكيل
جد خربو مزاجي ع الويك اند
مالـهم الا دقة سلف ، الين ما اشوف لوحة "واشنطن ترحب بكم"
رد: رد الملحقية العجيب الغريب >>>> تفضلو شوفو قبل ما يصيرلكم نفس الشي
رد: رد الملحقية العجيب الغريب >>>> تفضلو شوفو قبل ما يصيرلكم نفس الشي
يا انو الرد آلى ...
او موظفين ناس ما تعرف الا صيني ...< اي رسالة تجيك نسخ ولصق وارسال
الله يعينك عليهم يا اخوي
رد: رد الملحقية العجيب الغريب >>>> تفضلو شوفو قبل ما يصيرلكم نفس الشي
المشكلة انه الاوراق رسلتها عربي / انجليزي
تتوقع يبونها بالصيني
رد: رد الملحقية العجيب الغريب >>>> تفضلو شوفو قبل ما يصيرلكم نفس الشي
الــمــلـحق الــثــقافـي على طول + ارسله الايمل السابق الي جاك فيه الكلام .. يعني لا تعطيه مجال يتكلم .. يوم كان بيصير الاعتصام كلهم صارو زي الناس بس الحين لازم ترجع للملحق .. هنا المشكله .. الي تحت ما يوصلون للي فوق .. الملحق يحسبكم انكم بخير ما يدري اهم لاعبين فيكم .. حسبي الله عليهم .. الله معاكم