السلام عليكم
انا مسجل بمعهد جامعة دريكسل وابي اسجل بالسكن حق الجامعه وماعرف كيف !
او
ابي سكن يكون قريب من الجامعه
اللى يعرف يرد الله يفرج لكم
عرض للطباعة
السلام عليكم
انا مسجل بمعهد جامعة دريكسل وابي اسجل بالسكن حق الجامعه وماعرف كيف !
او
ابي سكن يكون قريب من الجامعه
اللى يعرف يرد الله يفرج لكم
على مآ أظن إن غير مسموح لطلآب المعهد السكن في سكن الجآمعة
ولكن فيه أمآكن أخرى قريبة مثل الإنترنآشونآل هآوس ,, والأكسس وغيرهـ
وأنآ بصرآحة بحثت كثير عن الإنترنآشونآل و لقيت أن موقعه كويس وفيه خدمآت كثيرهـ قريبهـ منه
ولكن كثير من الأخوآن مآيمدحونهـ وأحد سلبيآته وأهمهآ دورة الميآهـ (أعزكم الله ) مشتركهـ
أمآ الأكسس بحثت عنه لين قلت بس ,, مآلقيت شيء ولآ لقيت له موقع ,, ويآليت أن الأخوآن يفيدوننآ عنه
أو عن أي سكن قريب من معهد دريكسل ويكون منآسب , وبآلتوفيق لك أخوي :)
افاااا ! غير مسموح
انا اليوم دقيت عليهم وعطيتهم رقمي الجامعي ولا قالوا لي انه غير مسموح
بس يوم جيت اسجل طلع فيه مشكله مدري وشهي , عشان كذا ابي اعرف الطريقه , بس جد قهر لو طلع مهوب مسموح
طيب عطني موقع الانترناشيونال هااااوس لا هنت
ابي سكن قريب منها وتكون الغرفه مفرده مهوب مشتركه
ابي الحق ادور لي على سكن
والله يعطيك العافيه اخوي زامل ماتقصر
نعم غير مسموح , وهذآ كلآم الأخوآن في النآدي السعودي في بآلجآمعة
وطيب إنت قلتلهم إنك طآلب بآلمعهد ؟ وإلآ إنكـ على إنك طآلب بآلجآمعة ؟
والإنترنآشونآل غرفتك مستقلة و لكن الصآلة والمطبخ ودورة الميآهـ مشتركه و مآمدحوهـ لي !!
ولكن حسب مآشفت على قوقل مآب بآلـ آيفون إنو قريب من المعهد وعلى مآ أظن قريب منه مطعم تشيليز وسوبر مآركت وبنكـ
وهذآ رآبطهم : International House Philadelphia
وإنت حآول تسأل وتبحث عن الأكسس ,, وإذآ لقيت له شيء لآ تبخل علينآ ^_^
موفق خير :)
ايه قلت لهم اني طالب بالELC ولا قالوا شي
انا مدري هم مافهموني والا انا مافهمتهم , وعلى كلامهم يقولون ان نهايه التسجيل بالسكن كان امس, بس قالوا مو مشكله حاول تسجل واذا ضبط بندخلك
مشكور على موقع الانترناشيونال , بحاول اشوفه واسجل اذا ماضبط سكن الجامعه
واذا لقيت سكن غيره ابشر بحطه لك هنا
ماتقصر ياخوي
اذا انت مبتعث ..لا تسكن في الاي هاوس ( انا مجربه حسبي الله عليه ) لكن موقعه حلو ..راح تشتري القرب ...لكن ماراح تشتري الراحة النفسيه ...
شف الاكسس وانا راح ازودك بالرابط حقهم في اقرب وقت ...
سكن الجامعه -الدورم - كله صينيين وكوريين - ولكن له اوقات محدده في وقت التسجيل ..لكن مع ذالك يقولون ماهو احسن من الاي هاوس اذا تبي النظافه .
حاول تراسل المعهد على السكن مع روميتات ...هذا عماره جنب المعهد وتشترط انك تكون من طلاب دركسل ..ومره حلوه ..انا صراحه لو ماكان عندي عقد كان طلعة فيها ..ولكن مع ذلك عقدها قوي .وشروطه قويه .لكن الي بيصبر الله يوفقه ..واعرف فيها ناس ليبيين ساكنين فيها وزرتهم وحلوه ...- نظامها غرفتين وصاله ...وغرف طبعا كبيره ممكن تكون الغرفه 8متر في 8 ..او اكثر مع دورة المياه خاصه لك في نفس الغرفه ...وصاله مشتركه مع مطبخ صغير انت وواحد معك ..وتتقفل على الغرفتين بباب ..تقول شقه ...والأ جار على ايام السمر كان 800 ...طبعا انكلود ...-شامل الماء والكهرب والنت_ والعماره اسمها بالظبط ...ومعلوماتها كتالي ..(
University Crossingshttp://maps.gstatic.com/intl/en_us/m...ransparent.png
3175 John F Kennedy Boulevard, Philadelphia, PA 19104
(215) 382-3432
ممكن تشوفونها على قوقل ماب ...ولهم موقع الظاهر ممكن تراسلونهم عليه ....
هذا الي عندي وحبيت ابينه ..واي استفسار انا جاهز
طيب أخ نآوي الآي هآوس خلينآهـ على جمب
بس لآهنت وإذآ عندكـ معلومآت أبي أعرف عن الأكسس يعني موقعه وطريقة توزيع الغرف والخدمآت القريبة منه وقربة وبعدهـ عن المعهد
لأني بصرآحة دخل رآسي هو والعمآرهـ اللي تقول جمب المعهد واللي فهمته بآلنسبة للعمآرهـ إني أرآسل المعهد وهم يزبطون وضعي فيهآ ,, صح ؟؟
ويعطيكـ العآفيهـ ومآقصرت :)