November 22nd, 2007, 09:30 AM
طيب يا شباب انا متاكد انكم قريتوا قصتي في الحلقة الاولى تحت عنوان (ايه باللعنة واختها جينا فيلادلفيا. المهم اللي ما قراها يقرا الاولى ثم يقرا هذا الموضوع.
طبعا اكيد تذكروني وتذكرون سالفتي . في الحلقة هذي تعليمات هامة جدا جدا في الطيارة والمطار بامريكا لكن اسمعوا سالفتي ولاترتكبون اخطاءي . يالله نبدا
لكن قبل مانبدا حط في بالك اني انا ماعمري سافرت برا السعودية وتوي ماكملت 18 سنة . يعني وش تقول عني (جاي بقر اطيسي) احلى مافي اني اعرف اتكلم انجلش.
المهم ركبت الطيارة وقبل البوابة حصلت المضيفة الالمانيةعلى البوابة (اول مرة بحياتي اشوف وحدةة لابسة تنورة نص) قالت بالانجلش هلا ومرحبا عطيتها التذكرة قالت انت محظوظ قلت ليش قالت مقعدك جنب الدريشة راح تستمع بمنظر الاقلاع . عاد انا كنت فرحان ابي اروح امريكا واقوم وارفع يديني واقول ياااااا يا يا (طبعا ابين للمضيفة اني فرحان بالمقعد) والحقيقة اني مادريت بس ودي ابين اني ماهو اول مرة اشوف بنت وانا بداخلي شوي واطيح على وجهي من الحيا . بتسالون ليش بطيح على وجهي (ماهو لان المضيفة حلوة ولكن لاني ماتعودت اتواصل مع النساء فكان ودي انهي المحادثة بسرعة وبثقل واتيكيت يعني اسوي نفسي عادي) المهم دخلت وجلست بالمقعد
ايه وبعد ماجلست ربطت الحزام (نصيحة قبل ماتجلس رجع كرسيك ورا اذا مافيه احد) اقلعت الطيارة و انا مستانس شوي واتشقق من الفرحة (رايح امريكا لا لا لا ماني مصدق فرحااان من جد وفي حياتي كلها مافرحت مثل هالفرحة.) المهم وحنا في الطيارة قاموا يجيبون العصيرات والحركات
وقمت اشرب (طبعا ماقصروا الالمان عندهم علوم عرب ههههه) طبعا اول خطا ارتكبته اني جيت الطيارة جوعان وهذا خطا كبير ليش انا قولك ليش.(لان الرحلة مدتها طويلة والاكل اللي في الطيارة غالبا ماهو زين. طبعا انا ما اكلت .ماعجبني. ولا تلومني لانه مو حلو. انا مدري عن الخطوط السعودية يمكن حلو اكلهم .لكن خذ حذرك وتعال مفلل .
المهم في الطيارة كان فيه ويسكي وفيه واحد قريب جنبي يشرب . والله لا يوريك عليه ريحة . (مدري كيف يشربونه) طبعا انا قاعد في الطيارة واطالع بقوارير الشراب عاجبني شكلها من برا (اول مرة اشوف شراب) فانتبه اذا انت رجال تتقزز من هالروائح مثلي لا تحجز على خطوط اجنبية(الخطوط السعودية وتخب عليك)
بعد ساعة هبطنا بالكويت وانا مدري وش جابنا في الكويت .(نصيحة خل رحلتك مباشرة لامريكا مافيه وقفات اذا تقدر.
تقولي ليش اقولك اسمع باقي قصتي وتعرف .اقلعنا من الكويت وسيدة على فرانكفورت في المانيا.(تقولي وش وداك المانيا .اقولك سابك هم اللي سووا كذا لان مافيه رحلات مباشرة الى امريكا بها اليوم وانا باقي لي يومين وبعدين لايحق لي دخول امريكا لان مكتوب في الاي تونتي اني اخر يوم لي الاربعاء واليوم الاثنين بالليل)
المهم الله لايوريك ملل ملل غير طبيعي في الطيارة والمشكلة اذا ماجاك النوم مثلي . يعرضون فيلم بايخ مثل وجيهم - انا مدري وش اسوي الناس نايمه كلها الا انا . ياالله طفش غيرطبيعي يقتل
. المهم باللعنة واختها وصلنا المانيا (فرانكفورت) طبعا الان خمس الصباح بتوقيت المانيا لكن المشكلة اني مصبح (يعني كنها 10 الصبح بالسعودية وانت مانمت)
المهم قلت ماهي مشكلة انام اذا وصلت امريكا وادخل المطار حق فرانكفورت والقى عسكري دقق اوراقي وطالع في وجهي وشاف عيوني غسل يده( ذابحني النوم قاعد اطالع في وجهه اتخيله سرير ابي انام ) فقلت ماهي مشكلة انام بالطيارة من فرانكفورت لفيلادلفيا عندي ثمان ساعات
بعد ما عديت مدري وين اروح(لو اني صاحي مدري وين اروح فكيف وانا مضيع) فهنا مشكلة ودي انبه عليها حنا يالسعوديين مسوين فاهمين مانحب نسال ندور الشي لين نلقاه(طبعا متعودين على مطار الملك خالد وحافظين بوابته (لكن حط في بالك مطاراتهم غير تختلف مرة)
المهم طالعت بالتذكرة قريت اسم البوابة b 40 واطلع على البركة والقى لوحة مكتوب عليها الى بوابات b واروح هناك يوم وصلت لو الناس يحترون حاجة زي القطار (طلع المطار كبير والبوابات من كثرها تروح لها في باص زي القطار ) اي باص اركب مدري . يالليل الليل المهم من اسال وادخل في باص مدري وين بوديني ولله الحمد وداني للبوابات بي صدفة كذا فضل من ربك. لكن هذا اكبر خطا لاني قبل مادخل شفت موظفة بالمطار استحيت اسالها لانها بنت وحلوة وانا ماني متعود. (تقولي ليش هالحيا .افولك اذا ماتعودت تبي تصير تستحي تكلم بنت . تقولي عادي . اقولك انا كنت اقول عادي لكن يوم جاء الجد ماقدرت . استحيت.
المهم جابني ربي للبوابة اربعين وهناك انصدمت صدمة قوية جدا جدا جدا . تسالون وش لقيت
اقولكم وش لقيت.
لقيت ان الحبايب سابك منظمين رحلتي الساعة وحدة ونص . تقولي وش يعيني وحدة ونص الظهر .
اقولك يعني الله لايهينك رحلتي بعد ثمان ساعات يعني لازم انتظر ثمان ساعات(ياليل الليل انا النوم ذبحني وين انام ولو نمت ممكن تروح على الر حلة لاني من جد يبيلي عللى لااقل عشر ساعات لاني تعبان من جد ) وهذي هي المشكلة وين اروح. المهم واتذكر اني ماصليت الفجر . وين اصلي . الجواب مدري وادور وانا تعبان واخيرا القى مكان قريب عند دورات المياة صاد عن الناس واتوضى واجي اصلي . واتذكر وين القبلة . طبعا مدري.
المهم هذي لازم اسال لها (صلاة ماهي لعبة) واروح انا وخوي ونلقى ذاك الالماني الطويل (حسيت نفسي قزم عنده) فسالناه وين اتجاه الشرق(طبعا خوي فاهم بالخرايط فقال نسال وين الشرق ونصلي) المهم الالماني طلع ذيب فقال تبي تصلي مدري كيف درا انا نبي نصلي: فقلت ايه فقال كذا الاتجاه وصلينا.
المهم انا بديت اضيع معاد اشوف . قال خوي خلنا ناكل شي . ونروح ونلقى ماكدونالدز وناكل فيه طبعا انتبه ترا حتى همبورجر الدجاج غالبا يحطون فيه شرايح خنزير فقله بدون بيكن اللي هو خنزير( ياحليل السعودية اكل ولا تسال)
المهم اكلنا بعد شوي طلعت جوالى وقمت اصور بالجوال . طبعا هذا خطا تصور في مطار (وطبعا تعرفون الاحداث الاخيرة ومشاكلها ولا من زين وجهك سعودي وانتم تعرفون سمعةى السعودي بها الامور يعني لو شافوني رحت فيها) المهم لا تلومني لاني كنت مسطل والدين ابوها ماعاد اشوف . الخطا الثاني ان المطار كبير وانا بغيت اضيع فيه فانتبه لاتروح بعيد عن بوابتك لكن مثل ماقلت لكم انا مسطل(ابي انام)
ونركب الطيارة ويوم ركبنا (النوم عيا يجيني مع اني تعبان ) مدري ليش
هنا بديت اشوف كل شي اثنين خلاص ضيعت بس ماني قادر انا م
فصرت زي الللى فاتح عيونه ومتشنق بس نوم ماقدرت .
وثمان ساعات الى فيلادلفيا (الله لا يوريكم ملل ملل ملل يخليك تهون عن البعثة ) المهم بالطيارة عطونا اوراق بالانجلش لازم نعبيها علشان اذا وصلت تسلمهاللموظف بالمطار . وهنا ارتكبت خطا ماجبت القاموس الناطق حقي نسيته ( لانه يساعدك تفهم النموذج)
بس اذا مافهمت عب اللي تعرفه والباقي اسال المضيفة واذا ماعرفت اتركه فاضي الموظف بالمطار بيعلمك لكن لا تتوقع انك بتفهم عليهم لذلك خذ قاموسك معك وترجم.
عبيت النموذج وانا مسطل ابو والدينها واعبي فيه معلومات خاطئة (كله من النوم ذبحني وماني قادر انام) المهم خربت نموذجين والثالث عبيته صح(اشوا ان خوي معي هو اللي علمني بالاخطاء اللى ارتكبتها بالنموذج حتى اسمي كاتبه غلط بالانجلش )
المهم يوم باقي ساعة ونوصل فيلي طار النوم من عيوني صرت نشيط (مدري من وين جاني النشاط) شكله من الخوف من الاميجريشن
وش هو الامجريشن وش صار بالمطار حق فيلادلفيا هذا يبيله حلقة منفصلة
لان فيه معلومات هامة جدا جدا اهم من موضوع الطيارة اللى تكلمت عنه بها الحلقة
ترقبو االحلقة الثالثة من رحلة فيلادلفيا بها الاسبوع ان شاء الله
باي
عبدالله المطيري(بعثة سابك)
هندسة كهربائية
LinkBack URL
About LinkBacks
...
.. انا من الملل مافي شي ما اشتريته في المطار والله انها احسن طريقه عشان الوقت يروح بس لا تسألني كم صرفت 
November 22nd, 2007, 09:30 AM
طيب يا شباب انا متاكد انكم قريتوا قصتي في الحلقة الاولى تحت عنوان (ايه باللعنة واختها جينا فيلادلفيا. المهم اللي ما قراها يقرا الاولى ثم يقرا هذا الموضوع.طبعا اكيد تذكروني وتذكرون سالفتي . في الحلقة هذي تعليمات هامة جدا جدا في الطيارة والمطار بامريكا لكن اسمعوا سالفتي ولاترتكبون اخطاءي . يالله نبدا
لكن قبل مانبدا حط في بالك اني انا ماعمري سافرت برا السعودية وتوي ماكملت 18 سنة . يعني وش تقول عني (جاي بقر اطيسي) احلى مافي اني اعرف اتكلم انجلش.
المهم ركبت الطيارة وقبل البوابة حصلت المضيفة الالمانيةعلى البوابة (اول مرة بحياتي اشوف وحدةة لابسة تنورة نص) قالت بالانجلش هلا ومرحبا عطيتها التذكرة قالت انت محظوظ قلت ليش قالت مقعدك جنب الدريشة راح تستمع بمنظر الاقلاع . عاد انا كنت فرحان ابي اروح امريكا واقوم وارفع يديني واقول ياااااا يا يا (طبعا ابين للمضيفة اني فرحان بالمقعد) والحقيقة اني مادريت بس ودي ابين اني ماهو اول مرة اشوف بنت وانا بداخلي شوي واطيح على وجهي من الحيا . بتسالون ليش بطيح على وجهي (ماهو لان المضيفة حلوة ولكن لاني ماتعودت اتواصل مع النساء فكان ودي انهي المحادثة بسرعة وبثقل واتيكيت يعني اسوي نفسي عادي) المهم دخلت وجلست بالمقعد
ايه وبعد ماجلست ربطت الحزام (نصيحة قبل ماتجلس رجع كرسيك ورا اذا مافيه احد) اقلعت الطيارة و انا مستانس شوي واتشقق من الفرحة (رايح امريكا لا لا لا ماني مصدق فرحااان من جد وفي حياتي كلها مافرحت مثل هالفرحة.) المهم وحنا في الطيارة قاموا يجيبون العصيرات والحركات
وقمت اشرب (طبعا ماقصروا الالمان عندهم علوم عرب ههههه) طبعا اول خطا ارتكبته اني جيت الطيارة جوعان وهذا خطا كبير ليش انا قولك ليش.(لان الرحلة مدتها طويلة والاكل اللي في الطيارة غالبا ماهو زين. طبعا انا ما اكلت .ماعجبني. ولا تلومني لانه مو حلو. انا مدري عن الخطوط السعودية يمكن حلو اكلهم .لكن خذ حذرك وتعال مفلل .
المهم في الطيارة كان فيه ويسكي وفيه واحد قريب جنبي يشرب . والله لا يوريك عليه ريحة . (مدري كيف يشربونه) طبعا انا قاعد في الطيارة واطالع بقوارير الشراب عاجبني شكلها من برا (اول مرة اشوف شراب) فانتبه اذا انت رجال تتقزز من هالروائح مثلي لا تحجز على خطوط اجنبية(الخطوط السعودية وتخب عليك)
بعد ساعة هبطنا بالكويت وانا مدري وش جابنا في الكويت .(نصيحة خل رحلتك مباشرة لامريكا مافيه وقفات اذا تقدر.
تقولي ليش اقولك اسمع باقي قصتي وتعرف .اقلعنا من الكويت وسيدة على فرانكفورت في المانيا.(تقولي وش وداك المانيا .اقولك سابك هم اللي سووا كذا لان مافيه رحلات مباشرة الى امريكا بها اليوم وانا باقي لي يومين وبعدين لايحق لي دخول امريكا لان مكتوب في الاي تونتي اني اخر يوم لي الاربعاء واليوم الاثنين بالليل)
المهم الله لايوريك ملل ملل غير طبيعي في الطيارة والمشكلة اذا ماجاك النوم مثلي . يعرضون فيلم بايخ مثل وجيهم - انا مدري وش اسوي الناس نايمه كلها الا انا . ياالله طفش غيرطبيعي يقتل
. المهم باللعنة واختها وصلنا المانيا (فرانكفورت) طبعا الان خمس الصباح بتوقيت المانيا لكن المشكلة اني مصبح (يعني كنها 10 الصبح بالسعودية وانت مانمت)
المهم قلت ماهي مشكلة انام اذا وصلت امريكا وادخل المطار حق فرانكفورت والقى عسكري دقق اوراقي وطالع في وجهي وشاف عيوني غسل يده( ذابحني النوم قاعد اطالع في وجهه اتخيله سرير ابي انام ) فقلت ماهي مشكلة انام بالطيارة من فرانكفورت لفيلادلفيا عندي ثمان ساعات
بعد ما عديت مدري وين اروح(لو اني صاحي مدري وين اروح فكيف وانا مضيع) فهنا مشكلة ودي انبه عليها حنا يالسعوديين مسوين فاهمين مانحب نسال ندور الشي لين نلقاه(طبعا متعودين على مطار الملك خالد وحافظين بوابته (لكن حط في بالك مطاراتهم غير تختلف مرة)
المهم طالعت بالتذكرة قريت اسم البوابة b 40 واطلع على البركة والقى لوحة مكتوب عليها الى بوابات b واروح هناك يوم وصلت لو الناس يحترون حاجة زي القطار (طلع المطار كبير والبوابات من كثرها تروح لها في باص زي القطار ) اي باص اركب مدري . يالليل الليل المهم من اسال وادخل في باص مدري وين بوديني ولله الحمد وداني للبوابات بي صدفة كذا فضل من ربك. لكن هذا اكبر خطا لاني قبل مادخل شفت موظفة بالمطار استحيت اسالها لانها بنت وحلوة وانا ماني متعود. (تقولي ليش هالحيا .افولك اذا ماتعودت تبي تصير تستحي تكلم بنت . تقولي عادي . اقولك انا كنت اقول عادي لكن يوم جاء الجد ماقدرت . استحيت.
المهم جابني ربي للبوابة اربعين وهناك انصدمت صدمة قوية جدا جدا جدا . تسالون وش لقيت
اقولكم وش لقيت.
لقيت ان الحبايب سابك منظمين رحلتي الساعة وحدة ونص . تقولي وش يعيني وحدة ونص الظهر .
اقولك يعني الله لايهينك رحلتي بعد ثمان ساعات يعني لازم انتظر ثمان ساعات(ياليل الليل انا النوم ذبحني وين انام ولو نمت ممكن تروح على الر حلة لاني من جد يبيلي عللى لااقل عشر ساعات لاني تعبان من جد ) وهذي هي المشكلة وين اروح. المهم واتذكر اني ماصليت الفجر . وين اصلي . الجواب مدري وادور وانا تعبان واخيرا القى مكان قريب عند دورات المياة صاد عن الناس واتوضى واجي اصلي . واتذكر وين القبلة . طبعا مدري.
المهم هذي لازم اسال لها (صلاة ماهي لعبة) واروح انا وخوي ونلقى ذاك الالماني الطويل (حسيت نفسي قزم عنده) فسالناه وين اتجاه الشرق(طبعا خوي فاهم بالخرايط فقال نسال وين الشرق ونصلي) المهم الالماني طلع ذيب فقال تبي تصلي مدري كيف درا انا نبي نصلي: فقلت ايه فقال كذا الاتجاه وصلينا.
المهم انا بديت اضيع معاد اشوف . قال خوي خلنا ناكل شي . ونروح ونلقى ماكدونالدز وناكل فيه طبعا انتبه ترا حتى همبورجر الدجاج غالبا يحطون فيه شرايح خنزير فقله بدون بيكن اللي هو خنزير( ياحليل السعودية اكل ولا تسال)
المهم اكلنا بعد شوي طلعت جوالى وقمت اصور بالجوال . طبعا هذا خطا تصور في مطار (وطبعا تعرفون الاحداث الاخيرة ومشاكلها ولا من زين وجهك سعودي وانتم تعرفون سمعةى السعودي بها الامور يعني لو شافوني رحت فيها) المهم لا تلومني لاني كنت مسطل والدين ابوها ماعاد اشوف . الخطا الثاني ان المطار كبير وانا بغيت اضيع فيه فانتبه لاتروح بعيد عن بوابتك لكن مثل ماقلت لكم انا مسطل(ابي انام)
ونركب الطيارة ويوم ركبنا (النوم عيا يجيني مع اني تعبان ) مدري ليش
هنا بديت اشوف كل شي اثنين خلاص ضيعت بس ماني قادر انا م
فصرت زي الللى فاتح عيونه ومتشنق بس نوم ماقدرت .
وثمان ساعات الى فيلادلفيا (الله لا يوريكم ملل ملل ملل يخليك تهون عن البعثة ) المهم بالطيارة عطونا اوراق بالانجلش لازم نعبيها علشان اذا وصلت تسلمهاللموظف بالمطار . وهنا ارتكبت خطا ماجبت القاموس الناطق حقي نسيته ( لانه يساعدك تفهم النموذج)
بس اذا مافهمت عب اللي تعرفه والباقي اسال المضيفة واذا ماعرفت اتركه فاضي الموظف بالمطار بيعلمك لكن لا تتوقع انك بتفهم عليهم لذلك خذ قاموسك معك وترجم.
عبيت النموذج وانا مسطل ابو والدينها واعبي فيه معلومات خاطئة (كله من النوم ذبحني وماني قادر انام) المهم خربت نموذجين والثالث عبيته صح(اشوا ان خوي معي هو اللي علمني بالاخطاء اللى ارتكبتها بالنموذج حتى اسمي كاتبه غلط بالانجلش )
المهم يوم باقي ساعة ونوصل فيلي طار النوم من عيوني صرت نشيط (مدري من وين جاني النشاط) شكله من الخوف من الاميجريشن
وش هو الامجريشن وش صار بالمطار حق فيلادلفيا هذا يبيله حلقة منفصلة
لان فيه معلومات هامة جدا جدا اهم من موضوع الطيارة اللى تكلمت عنه بها الحلقة
ترقبو االحلقة الثالثة من رحلة فيلادلفيا بها الاسبوع ان شاء الله
باي
عبدالله المطيري(بعثة سابك)
هندسة كهربائية