ابي معلومات عن تأجير سيارة - فلوريدا
السلام عليكم
شباب انا بفلوريدا منطقه fort lauderdale قريبه من Miami
بغيت اسالكم عن مكاتب تاجير سيارات واسعارهم واذا في مكاتب تاجر موستنق او كمارو الي عنده خلفيه عن الاسعار والمكاتب بهالمنطقه الي انا فيها
انا ناوي ااجر سياره لمدة 4 شهور
اتمنى تساعدوني لان محتاج لسياره لان سكني بعيد عن معهد اللغه والسكن مع هالعايله عاجبني ومرتاح حيل معاهم
مشكورين وناطر ردودكم
رد: ابي معلومات عن تأجير سيارة - فلوريدا
شباب ناطر ردودكم يرحملي والديكم
رد: ابي معلومات عن تأجير سيارة - فلوريدا
ياجماعه معقوله محد يعرف !!!!؟؟
رد: ابي معلومات عن تأجير سيارة - فلوريدا
هلا بالغالي
التاجير في ميامي ترا غالي يعني تشري سيارة ابرك واذا عمرك اقل من 21 ما ياجرونك واذا اقل من 25 تدفع فلوس زيادة على كل يوم
عالعموم اذا حاب تاجر اكتب بقوقل miami rent cars وبتطلعلك مواقع ابحث فيها وشوف اللي يعجبك خذ عنوانه وروحلهم واغلبهم تحصلهم اما بمطار ميامي او مطار fort lauderdale
ونصيحتي لك اخذ سيارة مستعمله وبيعها لا خلصت اوفرلك واريح لان التاجير يغث
رد: ابي معلومات عن تأجير سيارة - فلوريدا
في محل اسمه انتربرايس
بس ما ادري فيه بمدينتك ولا لا سعره رخيص وايجر لك اي سياره تبي
رد: ابي معلومات عن تأجير سيارة - فلوريدا
اذا الفلوس جاآهزة معاك .. حرام عليك تستأجر سياآرة لانو بنفس المبلغ تشتريلك سياآرة طيبة
لانو المبلغ اللي بتدفعوا في اربعة شهوور تقدر تحطوا في سيارة وتتملكهاآ .!
وتقدر تشتريها بالرخصة السعودية وتطلع تأمين بس لفترة معينة .. ( وحتدفع زيادة لانو ما عندك رخصة امريكية ) !
لغأآية ما امورك تمشي وتقدم على الرخصة الامريكية وتنقل التأمين .!
..
..
وبالمناآسبة .. الموظف يقدر يمشيلك المعاآملة اذا عمرك اقل من 21 ..
وبالنسبة للموستنج استاجارها اربعة ايام بـ 500 + 200 للتأمين .!
>> والموستنح الشيلبي انسى انهم يأجرولك هيا اذا عمرك اقل من 25 .. مررة مشددين عالنقطة هدي .!!
ومعلومة تفيد اللي بيستأجر ..
افضل يوم تحصل الاسعاآر نازلة فيه في شركات الايجار يوم الخميس ..!
واآلله يعينك ويوفقك يباآشا ..