عرض للطباعة
السلام عليكم
هل معهد التابع لجامعه ادلفي نيويورك من ضمن المعاهد الوزاره لو حبيت ادرس فيه لغة واسكن في مدينة الباني كم تبعد المسافه ؟؟؟
في مدينة ويذرفور اذا مو غلطانه كم تبعد عن المعهد سمعت انه 30 دقيقه بس مو متاكده
ابغى اعرف اسعار الشقق غرفة او غرفتيين ؟؟
اتمنى المساعده بشكل عاجل :(
وعليكم السلام ورحمة الله وبركاته،
جامعة أدلفي مكانها في منطقة "Garden City" بي كوينز ولونغ آيلاند في مدينة نيويورك ، ومدينة ألباني (عاصمة الولاية) موقعها تقريبا الى الشمال من ولاية نيويورك. المسافة بينهم 3 ساعات بالسيارة تقريبا.
تبغين تعرفين الأسعار وين؟ في غاردن سيتي ولا في ألباني؟
اقتباس:
المشاركة الأصلية كتبت بواسطة FaisalNY
شكرا على الرد
هل ممكن استخدام السب وي بدل السياره للوصل الى المعهد وكم يبعد بالسب وي ؟؟
ابغى اسعار الشقق في الاثنين علشان اعرف المناسب وبرايك اي افضل من ناحية الاسعار والامان ؟؟
مافي Subway بين ألباني و غاردن سيتي. ال Subway للتنقل داخل المدن (مو بين المدن). ماتشوفين 3 ساعات كثيرة؟ يعني في اليوم 6 ساعات بس على المواصلات.. شخصيا أشوفها صعبة شوي..
بالنسبة للسكن ، غاردن سيتي أغلى شوي من ألباني.. بس غاردن سيتي آمنة جدا ومنطقة راقية..
ألباني مافيها Subway ولو سكنتي هناك غالبا ضروري تشترين سيارة.. غاردن سيتي بعد مافيها Subway بس فيها نظام نقل جماعي (باصات) ممتاز..
اهااا فهمت
طيب اسعار الشقق في غاردن سيتي كيف ؟؟ مافيه سكن جامعي تبع المعهد وهل يسمح بوجود المحرم معي
من مما قرات ان بعض المبتعثين يسكنوا بروكلين هل هي قريبه ؟
راح اتعبك معاي بس اللحين اعتمادي على الله ثم عليك استحمل اسئلتي الكثيره
الصراحة مدري اذا السكن الجامعي بيسمح بوجود المحرم بس ماأتوقع تكون عندهم مشكلة. ممكن الواحد يتأكد من النقطة هذه.
هذا رابط السكن الجامعي:
Residential Life and Housing | Adelphi University
Housing Options: Residential Life: Adelphi University
وهذه الأسعار:
Costs for Housing | Adelphi University
طبعا في الاجازات بيسوون صيانة وبيطلبون منكم تروحون أماكن ثانية داخل السكن برسوم أعلى.
وعندهم اتفاق مع مجمعات سكنية قريبة من الجامعة بأسعار مخفضة. أتوقع هذه احدى الخيارات الجيدة.. هذا هو الرابط بس لازم تسجلين في الموقع علشان تقدرين تشوفين التفاصيل ، وعلشان تقدرين تسجلين لازم يكون عندك قبول..
Welcome - Adelphi University
ماأنصحك تسكنين في بروكلين اذا كنتي جديدة في أمريكا.. بروكلين خطرة شوي خصوصا للناس اللي ماعاشوا في أمريكا..
اذا عندك أي أسئلة ثانية لايردك الا الكيبورد..
مااستفدنا شيء اذا بيطردونا وقت صيانتهم $__$
يعني افضل خيار اللحين المجمعات السكنيه اللي متعاقدين مع الجامعه
اسعارهم كحد اقصى كم توصل لو اخذ شقه بغرفتين ؟؟؟
جزاك الله خير ^^
ماعندي فكرة ، لازم الواحد يكون طالب عندهم علشان يقدر يشوف المعلومات هذه.
بس هذا مجمع قريب وحلو قريب من الجامعة وايجار الشقة (غرفتين + حمامين وانتوا بكرامة + مطبخ) بحدود 1762 - 1845 دولار شهريا ، وأتوقع الأسعار اجمالا بتكون في هذه الحدود..
عجبني هالمجمع وشكله مرتب واسعاره حلوه نتوكل على الله ونثبت عليه واذا رحنا هناك ندور غيره اذا ماعجبنا
رحم الله والديك ويعطيك العافيه