حوار اللي في جامعة seacred heart university يدخل ضروري

الخيال حبيبي ما تقصر على المعلومات الصراحة كفيت ووفيت
وعلى طاري دراستي باقيلها ١٥ يوم حسب الجدول اللي هم راسلينه لي مدري كانها شطحه منهم من زود ألبياخه اللي فيه ههههه

الاخت ساره انا رايح واشنطن لان البوابة ما تفتح عندي حاولت من كذا كمبيوتر و سالت ناس كثير كثير بس محد أفادني في شي كالعادة بس واحد قال رح و عندهم كمبيوترات وكذا وترا قابلت كثير مثل حالتي بنات و عيال و ماستر و دكتوراه كلهم رايحين الملحقية !! مع العلم أني طالب مبتعث على حسابي ..

على فكره رحلتي بكرا ان شاء الله لجون كندي نيويورك وبتواصل معكم ان شاء الله

بالتوفيق اجل 15 يوم حلوه ودور سكن ع راحتك

ما سويت شي واذا اي استفسار بحاول افيدكم بالي اقدر علية
وبالتوفيق

اشكرررررررررررك جزيل الشكر
طيب بسألك عن الافضل من ناحية المعيشه وجمال المدينه والخدمات ستامفورد ام فيرفلد ؟
وكم المسافه بين المدينتين؟ وايهم اقرب لنيويورك؟
واتمنى اني ماأكون تعبتك بكثر اسألتي واذا ماعندك مانع رجعت بكومة اسأله ثانيه هع
واييه بسألك بالنسبه للجو , في عز الصيف كم توصل درجة الحراره ؟ وفي عز الشتاء كم توصل ؟

انا الحين في فيرفيلد بلاك روك

طبعا ما شاء من كثر القطارات اللي عندنا في السعودية إحنا خبرة و ما يحتاج نظيع و نسال و نحوس هههه
امس وصلت مطار جون كندي اللي في نيويورك الصراحة نزلت من الطيارة مدري وين اروح !! طبعا نزلت طيارتي عند تيرمنال ٦ ..
رقيت فوق عشان اركب الايرترين وأروح لتيرمنال ٤ اتذكر ان فيه مصرية تشتغل في مكتب الخطوط الكويتية هناك
طبعا عصامها تتكلم عربي يمديني اتفاهم معها زي الناس الزبدة شرحت لي ٣ طرق قالت فيه قطار و سواق و تكسي

طبعا السواق غالي جداً و التكسي غالي
والقطار بعشرة دولار

ركبت تكسي من المطار للجراند سنترال طبعا اول مره !! مدري وش السالفة دخلت مع الباب انا و شناطي
وأحووس واجيب العيد لين لقيت شرطي قال لي رح سيدا و اطلع مع الباب اللي هناك .. اسأل اللي عند الساعه اللي في النص
وأروح و ادور الساعه لقيت كشك في نص الزحمة فوقه ساعه
رحت قلت لهم ابي اروح فيرفيلد وشلون ؟ قالو لي قطار رقم كذا في الوقت كذا رح قص التذكرة من هناك واروح أخذ التذكرة و ادور القطار رقم ٢١ و ادخل و اللي جوا القطار يناظروني خفت أني راكب قطار ابوهم ولا انهم ما يأخذون معهم شناط سفر زيي هههه أني جلست
ورحنا طبعا وقف عند كذا مدينة قبل لين وصلنا فيرفيلد و نزلت و فيه تكاسي قلت له يوديني فندق اللي انا حاجز فيه

بس المشكلة ان الباصات اليوم ما تشتغل لانه عطله ..
وللحين ادور سكن و كذا

(( اخوي الخيال السعودي سؤال لك وش تفضل السكن مع عائلة ولا روميت ؟؟ + موقع الكرجزليست إعلاناته حقيقية ؟؟ ))

إيه صح وانت يوم كنت هنا وين سكنت و كذا ؟؟

انا كنت ساكن في ستامفورد في موتيل خلها ع الله جلست فيه شهر كامل انواع الجرية هناك
بس موتيل محترم >>> افلقني
موتيل فيه بار
اصحى بالليل بعض الايام احصل مهاوشات وطق عصي بين الاسبان
تعرف ابو سعودلازم يقز مع الدريشه ويشوف وش المشكلة
خخخ بس احسن مافية النظافه والفطور كل صبح خخخخخخ
كنت اشوف بعض الايام عجايز الصبح افرح لما اشوفهم على كيفك العجز يفكون سوالف وانا طفشان
الله ذكرتني بذيك الايام

اممم ليه والقطارات والبهذله يعني مافيه مطار من نيويورك الى فيرفيلد او اي مدينة قريبه ؟
وبكم التكاسي تقريبا ؟؟ القطارات تخوف تعرفون حن شعب ماعمرنا ركبنا قطارات خخخخ وعاد اللغه مييييح مستحيل اعرف اي قطار اركب وكيف ومتى ومدري ايش

اممم الي عايش في الشرقية يعرف للقطارات
خخخخ عايشين التطور <<< من جنبها
الولاية فيها مطار وفية تكاسي
لاكن الاسعار ما ادري
بس اخبر من من مطار جون كندي الى ستامفورد الي اقرب من فيرفلد 260 دولار
وعلى الشتل 80 دولار
لاكن من مطار ولايه كنتكت ما قد جربت صراحه بس احسن انه الا اكيد انه قريب لفيرفلد
لاكن انصحك تستخدمين تكسي وتنزلين في مطار الولايه
اتركيك من هجوله الشباب
احسن لك
انتي متا تبدا دراستك
مو بعد 15 يوم
ما بعد حجزتي الى الحين