معلومات عن موري في ولايه كنتاكي (Murray,KY) الولايه الغنية بالمزارع

السلام عليكم و رحمه الله و بركاته

اسعد الله صباحكم بالخير و السرور

نيابة عن النادي السعودي في موري اتشرف بطرح لكم ملف يتحوي على جميع المعلومات عن مدينة موري

على الرابط التالي


ملف PDF


http://saudimurray.net/sso/Murray.pdf


نسخه الايفون


http://saudimurray.net/sso/Murray.epub
اتمنى تثبيت الموضوع لكي يستفيد الجميع

ملاحظة تم تحديث الملف و شكرا

جزاكم الله خير

بس حبيت اسال هل يوجد سكن غيرمشترك قريب نسبيا من الجامعة؟
انا single وابغى 1 bedroom 1 bath لكن مالقيت..
كلها مشترك.
ومشكور اخوي

وياك يالغالي

بالنسبة الى السكن اذا ماخاب ظني موجود شقه وحده بغرف و دوره مياه وانت الكرامه

زي منت عارف ياتحجز السكن اول باول ياصعب تحصل وقت الدراسه

ارسل لي رقمك وان شاء الله الشباب في النادي ماراح يقصرون

احب انوه بالنسبة الى الطلاب الجدد القاديمون للمدينة

ان الجامعه توفر توصيل لهم من المطار الى المدينة

لكن يجب التواصل مع الجامعهعلى الاقل قبل السفر باسبوع او مع النادي السعودي

ليتم استقبالكم في المطار سواء مطار ناشفل او بادوكا

و بالتوفيق

مشكور اخوي

المشكلة اني دورت في Craigslist وغيره بس زي ماقلت لك مشترك.
فودي احجز لكن ماحصلت..
ممكن الله لايهينك تعطيني عنوان السكن اللي قلتلي عليه او اسمه على الاقل؟

والله يعطيكم العافية

مو الكل يعرض في Craigslist

ولا الكل يعرضها على النت

لازم انت بنفسك توقف عليها و تشوفها

اذا انت حاب يشوفون لك الشباب و يرسلونها لك

ارسل لي ايميلك و رقم جوالك

و الشباب راح يدورن و اول مايحصلون راح يخبرونك

بالنسة الى السكن عن المالك و الى الان ماادري وين بالضبط مكانه لكن ان شاء الله راح نشوفه هذي اليومين

بالتوفيق

ماقصرت يالغالي
ماودي اكلف على احد الصراحة.
وبعدين انا حجزت hotel اسبوع اقل شي، وزي ماقلت لازم اشوفها بنفسي.
بس اذا ودك تسولف لي عن Murray وعن جوها اليومين هذي يكون حلو ;)

السلام عليكم
اخوي انا جاي يوم 4 جانيوري .. وارسلت للجامعة اني بجي بس ماردوا علي الى الان ..ولهم تقريبا اسبوعين.
هل النادي السعودي يوصل من المطار الى المدينه ..علما باني جزت فندق best western في مدينة موري .. بس الى الان ماحصلت من يجيبني من المطار الى المدينه .. ياليت احصل مساعده من النادي السعودي في هذا الشيء
وجزاكم الله الف خير

اقتباس:

---

المشاركة الأصلية كتبت بواسطة K. S. A

السلام عليكم
اخوي انا جاي يوم 4 جانيوري .. وارسلت للجامعة اني بجي بس ماردوا علي الى الان ..ولهم تقريبا اسبوعين.
هل النادي السعودي يوصل من المطار الى المدينه ..علما باني جزت فندق best western في مدينة موري .. بس الى الان ماحصلت من يجيبني من المطار الى المدينه .. ياليت احصل مساعده من النادي السعودي في هذا الشيء
وجزاكم الله الف خير

---

اخوي انت معهد ولاجامعة؟

لان انا جاني email منهم قبل شهر بخصوص الshuttle من المطار الى الجامعة.
وقالوا اذا ابغى الخدمة هذي ب50 دولار ولازم احجز قبل يوم Jan 6..
والخدمة متوفرة من 9 Jan الى 13 فقط.

هل وصلك نفس الemail؟

اقتباس:

---

المشاركة الأصلية كتبت بواسطة K. S. A

السلام عليكم
اخوي انا جاي يوم 4 جانيوري .. وارسلت للجامعة اني بجي بس ماردوا علي الى الان ..ولهم تقريبا اسبوعين.
هل النادي السعودي يوصل من المطار الى المدينه ..علما باني جزت فندق best western في مدينة موري .. بس الى الان ماحصلت من يجيبني من المطار الى المدينه .. ياليت احصل مساعده من النادي السعودي في هذا الشيء
وجزاكم الله الف خير

---

حياك اخوي و تم الرد على الايميل

و توصل بالسلامه ان شاء الله