اي واحد عندة معلومات عن معهد harriite fulbrght بولاية فرجينيا ارلنجتون يدخل

يارب احد يكون عندة معلومات عن هذا المعهد ماابي اطلع قبول منة الا لما اتاكد من مستواة وهل هو معتمد وهل راح استفيد منة ؟؟؟؟؟؟؟؟؟؟؟؟؟؟؟؟

أحاول أفيدك بالشي اللي أقدر عليه بالنسبه للمعهد معترف فيه بس ما أدري اذا هو باقي معترف فيه ولا لأن فيه نسبة طلاب سعوديين المعهد لطلاب الدارسين على حسابهم الخاص يعني مقبول

بحيث ان سعره على ما اذكر 750 بالشهر وهو طبعاً على محطة ميترو يعني الموصلات وضعها منتهي طيعاَ محطة المترو أسمها كورت هاوس لكن كطالب على حسابك الخاص أنا أقول لك مقبول

هذا والله أعلم أتمنى لك التوفيق أخوي

اشكرك كثير لابتخل علينا بااي معلومة عن ارلنقتون

ارلنقتـــــــــون هذي المنطقة اللي فيها المعهد طبعاً لو تسكن فيها راح تروح للمعهد بالباص يعني ما تحتاج ميتـرو اللي هو القطار لان الباص أرخص منه

طبعاً أرلنقتون والاكسندريا وغيرها من المناطق هذي مثل الاحياء بس لها مسميات ومناطق أكبر من الحي عندنا على حسب السكن اللي راح تسكن فيه وهي منطقة بين فرجينيا واشنطن دي سي

وأسعار السكن مقبوله فيه بس كنصيحة أخ لا تخلي المعهد هو اللي يختار لك السكن حاول تبحث عن طريق موقع washington, DC rooms & shares classifieds - craigslist

هذا الموقع تحصل فيه غرف سواء مع عوائل ولا مع قروب طلاب اجانب على شكل اعلان وكل اعلان جنبه المنطقة اللي فيه أنت أبحث عن منقطة أرلنقتون راح تحصل غرف بـ 600 الى 550

افضل لك من المعهد والافضل انك تحجز لك فندق أبو أسبوع بس وتحاول تشوف أحد يساعدك وقت ما تبدا الدراسه بالمعهد لان الموقع فيه رقم الشخص تقدر تقابله وتشوف الغرفه بنفسك وتقرر

احتفظ فيه صدقني ساعدني الموقع هذا كثير واكثر الطلاب يستخدمونه اتمنى اني افدتك ودعواتك لنا بالتوفيق اخوي ولا تشيل هم ان شاء الله امورك تيسر

يسلموو قصة كفاح كثر الله من امثالك

اذا فيه احد سجل في هذا المعهد لا يبخل علينا بالمعلومات انا احاول اسجل في للحضور في اكتوبر تكفى لا تبخلون علينا بمعلومات المعهد والسكن