LinkBack URL
About LinkBacks موضوع فيه سعوديين ولا مافيه اصبح شي قديم لأن ٩٩٪ من المعاهد متروسه سعوديين و ١٪ فيه سعوديين بنسبه لا بأس فيها ف التفكير ف التأقلم على هذا الوضع افضل اختصارآ للجهد والوقت واذا الشخص مصمم ما يبي يشوف خشة سعودي يقص له تذكرة على الاسكا ويتمتع بجوها هههه
7 " 
تجمع لخليجيات بوسطن
تجمع لخليجيات بوسطن
تنبيه: هذا الموضوع قديم. تم طرحه قبل 4465 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- ^7 "
كلام سليم
لكن مو كل المعاهد فيها بنات !!
والموضوع دا .. تجمع للبنات ^^
وشكرا .. - 7 "ايوه أنا مصممة على رأيي والحمدلله لقيت الشي اللي أبغاه ، اللي يدور يلقى
ماني مضطرة أدرس مع ناس يضايقوني بنظراتهم وهمزاتهم ومعاكساتهم
صح في ناس منهم محترمين لكن الشر يعم والخير يخص ، وكل واحد حر في اختياره .. - 7 "
مو كل مثل ممكن تطبيقة وانا اخوك على كل حال .....
وانا اخوك والله ماعمري ناظرت لبنت في السعودية غير انها اختي .. ولما اشوف بنت في السعودية كاشفة وتستهبل مع شباب اغار من قلللللللب اغار كما لو كانت اختي ...
وشلون لو اني شفت اخت لي بامريكا كيف اناظرها بنظرة سوء ..!!!! هذي جاية ترفع راس البلد والأمة مو للعب اطفال ... ..
حبيت اطمنك وانا اخوك انها مو نظرتي لحالي ... هذي نظرة اغلب الشباب السعودي اللي بأمريكا .. وصدقيني الشر اللي بيجيك من برا اقوا من الشر اللي بيجيك من بلدك ...
اتمنى تكبرين عقلك شوي وتتعاملي معهم بحدود الاحترام والفاصل الديني اللي بينكم ... اللي هو الحجاب والتحدث بما تقتضيه الضرورة .. وامهات المؤمنين كانوا يتحدثون مع الصحابة .. لاتنسي هالشي
لما تواجهي سعودي عامليه باحترام كما لو كان اخوك .. أو ابوك .. وافترضي فيه حسن الاخلاق والطيبة .. ولما تصدر منه تصرفات سيئة اعتزليه ذيك اللحظة لأنه بان على حقيقته ..
ولا الأصل في السعوديين حبهم لك ولاهلك وتمنيهم للخير لك مو أكثر .. ممكن لما ابتعث اخلي اختي تبتعث معي ليش لا ... وحتى لو كانت بمعهد مختلف .. ماعندي مشكلة انها مع سعوديين وتتعامل معهم على مبدأ الفاصل الديني اللي سبق وأن ذكرته ...
الله يوفقك وانا اخوك ... ترا من زوود الحرة لما احس انك تثقين بالاجنبي اكثر من السعودي قلت اللي بقلبي كله *_* - أخي الكريم shy heart7 "
هي وجهات نظر والمحترمين على الراس والله ، وأكيد لهم الإحترام والتقدير،
بس للأسف كل اللي قلته من تجارب مرت قدامي
ياليت تجي وتشوف معاهد بوستن كيف بعض السعوديين فيها
وكيف حالتهم ببنطلون طيحني والكدوش والبعض يدخن حشيش
والنظرات المرعبة لأي سعودية تعدي قدامهم ، إذا جاك البلا من أجنبي أهون ألف مرة على الأقل عارفين ايش دينه ومانلومه
لكن إذا جا من واحد بالإسم مسلم ومن أبناء بلدك ايش ردة فعلك
سعودية اجتمعوا عليها ٣ سعوديين في محطة المترو وصرخت والأمريكان بلغوا الشرطة وجوا شالوهم
لمتى هذي الفجعة ياناس والله عيب ،
البعد أفضل حل في نظري.. - 7 "طرح حلو ياهديل
بس انا للحين مالقيت بنات بنفس معهدي ( معهد كابلان )
ليا خمس ايام في بوسطن ودراستي 7مايو الاتنين الجاي
وبدور في المنتدى على بنات يدرسوا معاية بنفس المعهد وابدا مافي احد
وحابه اتعرف عليكم ،،، وحالياً ساكنة بفندق وبدور شقه في مولدن
وربك يسهلها ،،، بالتوفيق - الأخت هديل احترم رغبتك وماتفعليه أراه عين الصواب ..7 "
معي بنت سعودية محترمة ماتكلم أي واحد سعودي أبدا وأنا أراها على حق .
لأن الشاب السعودي للأسف لو جت عنده البنت السعودية وسلمت عليه وقالت صباح الخير كيفك ؟ على طول رح يفكر إنها خقت معه وتبغى الرقم وتبغى
أبعد من ذلك الله المستعان إلا من رحم ربي .
لذلك لاتلوموا الأخت هديل حتى تغيروا تفكيركم تجاه البنت داخل بلدنا . - 7 "
هالموضوع بالذات كنت أتكلم فيه من 5 أيام أنا وزميلي !
بأتكلم واللي بقلبي بأطلعه على الكيبورد !
المشكلة اللي نعاني منها الآن من طرفين :
الأول من الولد اللي مع الأسف وهذا واقع ولا أحد ينكر هالشيء , انه أعطى انطباع ان العلاقة بتكون سيئة وهدفها معروف ( إلا من رحم ربي ) وهذا مع الأسف أغلب الشباب يسوون كذا , ولو تعرف على بنت أو صار بينهم شيء راح عند أخوياه ومسوي نفسه البطل ( أبشركم شبكت فلانه ) ! طيب !! انت بالطريقة هذه فضحتها لما هي عطتك القفة وانت شوهت سمعتها بينما هي كانت تبغى شيء أو تسأل عن مكان أو تاخذ منك واجب أو أي شيء او حتى لو هي تبي أحد تسولف معاه .. تروح أنت تسوي نفسك البطل وتشوه السمعة ليش !
خلك معاها محترم وسولفوا ببكيفكم بس لا تسوي تصرفات المراهقين وأنا اللي خققت البنت وشبكتها وماني عارف إيش !
هالشيء يضيق الصدر ,, وماله داعي أكذب .. كثير من الطلاب في معهدنا بهالتفكير ( مثل ما أشوف وأسمع ) مع الأسف وهالشيء يرفع ضغطي وما ألوم البنت السعودية تتصرف مع الأجانب براحة أكثر من تصرفها مع السسعودي !
لأنه الشاب بنفسه هو سبب تشويه السمعة , وهذه والله من التربية الأساسية اللي تربى عليها الولد , أنت بالطريقة هذه يا تشوه سمعة أهلك بتربيتهم لك أو ترفع راسهم فوق ! تصرفاتك هي الدليل الوحيد على تربيتك ..
والثاني من البنت نفسها لما تعمم هالتصرف السيء على الجميع وهذا أكبر خطأ ! ممكن تاخذها من مبدأ ( ابعد عن الشر وغني له ) اوك هي حره ولا أحد يقدر يعاتبها على حريتها , لكن برضه لا تعممين هالشيء على الجميع !
ياخي أنا من الناس اللي يرفع ضغطي تصرفات ( البزران ) اللي يجي يهايط انا شبكت فلانة وأنا سولفت مع علانة ! والحمدلله , اللهم لك الحمد , أحمد ربي انو أنا من الناس اللي أكره اتعرف على أي واحد , لأنه مع الأسف في السفر بشكل عام صععععععععب تحصل واحد يستحق انك تحط ثقتك الكاملة معه , يعني أسقطها على أساس انك بتختار واحد تسكن معه ! والله نااااااادر
طيب نرجع لموضوعنا إيش الهدف من نشر هالشيء من الشباب ؟ أنا ما عمري سمعت أجنبي يجيني يقول أنا سولف مع فلانة ! لأنهم يحترمون العلاقات .. احنا لا ! ناخذها هيااااااااااااااط !
اللي أبي أوصله في هالنقطة .. تقدر البنت تسوي اللي تبيه .. ولو صار شيء فعلاً ممكن تمسح بوجه الولد بالبلاط إذا هو أساء التصرف .. لكن مع الأسف الكثير من الناس من يحسن التصرف ..
عموماً هي حرية ولا أحد يقدر يجبر أحد على رأي هو مو مقتنع فيه.
وبالتوفيق للجميع
