دراسة اللغة لمدة شهر في ولاية كاليفورنيا .. تكفى فزعتكم بليييز

بسم الله الرحمن الرحيم
السلام عليكم ورحمة الله وبركاته

اخبااااركم لبى قلوووبكم

ندخل فالموضوع على طووووووووول

انا ان شاء الله ناوي ادرس شهر بامريكا لغه .. وانا لغتي ولله الحمد حلوه لاكن ابي اتمشى واستفيد من رحلتي ..

ابي كم تكاليف مدة الدراسه فالمعهد (معهد مشهوود له ) مع الكتب لدراسه مكثثثفه + السكن مع عايله + مصاريف النقل + مصاريف يوميه

وكم اسعار الطيران ذهاب واياب
من السعودية الى كالييفورنيا بالتحديد لوس انجلس

وودي بعد اروح ل نيويورك كم مدة الرحله وكم ممكن تكلف لو قلنا مثلا 4 ايام من لوس انجلس

احتاج معلووووماتكم القيمه الله يجزاكم الجنه

انتظر ردووووودكم

اووووووبز
55 مشاهده ولا احد رد :(

عليكم السلام ورحمة الله وبركاته

اما بعد

اخوي العزيز اولا انا لست متاكد من كلامي ولاكن معلومات من بعض الشباب بسبه لك بتكون فيزتك سياحة يعني مو اي معهد يقبلك تدرس عنده بس المعاهد التجاريه هي الي بتدرسك مثل els وانواعه ...
ثانيا السكن مع عائله بالغالب صعب الحصول عليه و الاستفاده منه قليله لان كثرت الطلبه السعودين وعدم رقبت العوائل بهم لن تجد الا عائله مكونه اما من شايب ساكن لوحده او من عجوز طول اليوم مشغول واذا جاء نام زين اذا بيتعشاء معك ...

اذا تبي تدرس رح مدينه رخيصه مو هالمدن واما اذا تبي سياحه هالمدن حلووووه

الاسعار اذا كانت سياحه غاليه شوي لانك بس شهر بتسكن بالاغلب بفندق لان الشقق عقود وخرابيط انت غني عنها

اما اسعارالتذاكر اتوقع تتراوح من 7000 الى 10000 ريال على حسب الوقت والخطوط وكل ما تحجز قبل السفر بفتره طويل ارخص او قبل السفر بساعات يكون باقي كرسي او شي يكون مره رخيص :)

اما نيويورك اذا بتسكن بالداون تاون وهو االاغلب لانك رايح سياحه تترواح سكن الفنادق من 120 الى 250 $ لليوم والباقي مصاريفك اخاصه اما الطيران من لوس انجلوس الى نيويورك اتوقع من 300 اى 600 دولار تقريبا اما مدت الرحل تقريبا 4 ساعات والله اعلم

ارجو ان افدتك باختصار

الله يعطييييييييييييك الف عافيه يالغالي
مشكور ماقصرت ننتظر باقي الاخوه مع العلم ان الفيزه راح تكون دراسه

اذا انك رايح ونيتك بعثه ترى كالفورنيا مقفله بسبب التكدس
واذا انها سياحه اتوقع عادي

الله يوفقك

بالتأكيد معاهد ELS راح تقبلك بما أن فيزتك " سائح " .. لكن حط في الإعتبار إن كاليفورنيا غالية شوي مقارنة بباقي الولايات, من الأفضل أنك تدرس في ولاية أخرى ثم تترك آخر الأيام سياحة / كاليفورنيا : فيقاس " نيويورك " شيكاغو : )

up
up
up
up
up
up up up