معاهد نيو جيرسي

اتمنى مثلك اعرف بعض المعلومات
لو تلاحظ المعلومات عن ولاية نيوجيرسي بكبرها قليله جدا فما بالك لو كنت تبحث عن مدينه معينه وهنا المشكله لاني ابغى معلومات عامه عن الولايه وخاصه عن مدينه فيها جامعة راون Rowan university فكنت ادور مالقيت
ان شاء الله احد يرد علينا ويفيدنا عن الولايه هذي
بس سؤال ليش ودك تجي نيوجيرسي ؟ هل تعرف معلومات عنها بصفه عامه مثل الامان ؟

بالتوفيق

و الله اول سبب انها ارخص من نيويورك و انا على حسابي الخاص

و ثاني شي ان المعهد اللي اني فيه مشي حالك

و ان شاء الله احد يفيدنا

upupupupupupupupupup

مساء الخير

حبايبي انا سكنت نيوجيرسي لمدة سنه و توي نقلت من شهر لولاية ثانية بسبب محكمة >> سحبو لوحة سيارتي ... عموما نيوجيرسي اتمنى ارجع لها صراحة ولاية جدا جميلة ويميزها قربها من نيويورك وكثرة المحلات العربية اذا احتجت من مطاعم و سوبر ماركت ... من ناحية السكن نيوجيرسي تعتبر غالية بعض الشي يعني انا اتكلم عن نورث نيوجرسي اللي موجود فيه معهد اي ال اس الداج نوعا ما ... السكن بالنسبة لشقة ( غرفة وصالة ) اقل القليل ١١٠٠دولار شهرياً اجار فقط يعني عليك تدفع الكهرب والغاز واحياناً الموية وطبعاً الانترنت والتلفزيون يعني هذي حط لها ميزانية ١٤٠ دولار واذا الموية داخله بالموضوع ٢٠٠ دولار ... من ناحية الامن الحمدالله ما واجهتني اي مشاكل ولا سمعت بمشاكل لكن انا اتكلم عن مدينة هاكنساك ، تينيك ، انجل وود، فورت لي ، ادج ووتر،ريفر ادج ،بارامس اللي هي نورث جيرسي ... جداً امنه . من ناحية المواصلات كثير شباب هناك بدون سيارات و كل يوم وهم رايحين لنيويورك يعني الدعوة سهالات بس تعلم على الباصات واوقاتها لان الساعة ١٢ الليل هذا اخر باص .

ما انصح اي شخص معتمد على راتب الملحقية يروح لنيوجيرسي انا عن نفسي شهرياً كنت احول ٦٠٠ دولار فوق الراتب عشان انبسط .

عشان تحسبها صح حط بالحسبان هناك تامين سيارة اذا كان عمرك اقل من ٢٥ سنه يعني تامينك راح يكون ١٥٠ الى ٢٢٠ دولار بالشهر على حسب السيارة اكبر من ٢٥ سنة يعني تقريبا ١٠٠ الى ١٣٠ وعلى حسب السيارة بعد

البنزين كنت اسبوعياً اعبي ٥٠ دولار >> سيارتي ٦ سليندر يعني ٢٠٠ دولار بنزين
فاتورة جوال ٨٠ دولار
اجارك وفواتير بيتك اللي هي ١٣٠٠
مصروفك ومقاضي لبيتك ؟؟؟ انت و صرفك !!

نصيحتي للطلاب الجدد .. شف لك ولاية رخيصة و مدينة اقرب مالها ريفية بس في فترة اللغة مثل ولاية ويست فرجينيا مدينة مورجن تاون جدا حلوة وجميع الخدمات متوفره فيها وموقعها جدا حلو قريبة من ولايات كثيرة اذا ودك تخت وتنبسط في ويك اند ... الهدف انك تسكن في مثل هالمدينة انك راح تكون في معهد في قليل من السعوديين والوناسة محدودة بحكم ان المدينة نقدر نقول صغيرة و ريفية نوعا ما بحيث انك تقدر تركز اكثر على دراستك ولغتك ... ولا منك قضيت من فترة اللغه وصرت تبي الجامعه بتصير ملم اكثر عن الحياة في امريكا وتعرف عن الولايات وش الزين منها و وش الشين وتقدر تختار اللي تبيه بحيث انها تكون رخيصة و ونيسة على سبيل المثال بيتسبيرج بنسلفانيا .

هذا والله اعلم .. اتمنى لي ولكم التوفيق

اخوي SHIFTY بالنسبة لجامعتك اسف ما عندي اي خلفية عنها واول مره اسمع فيها.

عندك جامعة ال FDU اللي فيها معهد اي ال اس في مدينة تينيك .. المعهد مو تابع لها طبعاً .

الله يعطيك العافيه اخوي

هذا موقع الجامعه Rowan University
وهي في مدينة Glassboro
فاهم شي انك اعطيت معلومات عامه تحمس الشخص انه يروح هناك ان شاء الله
اهم شي انا يجيني قبول من الجامعه
بالتوفيق للجميع

الله يعطيكم العافية شباب ما قصرتو


و الله يكتب اللي فيه الخير

السلام عليكم ..اولا ...في احد عنده فكرة عن معهد english as socend language التابع seton hall university
في منطقة south orange, new jersey
ياشباب تكفون الى عنده اي معلومة يفيدنا ........ وكيف هل المدينة امنة و لا ...

انا في ولايه نيوجرسي الان وفي معهد اي ال اس
من ناحية السكن غالي
اما سكن مع عائلة فتكون اسعار غالبا بدون فطور وعشا 600 الى 650
اما مع الوجبات 800
اما من ناحية العوائل عن طريق المعهد مع الوجبات 1150
واي معلومه عن مدينه تنك هاكنساك انقلوود الفورتلي انا حاظر