أي تساؤلات عن جامعة ويست فرجينيا في مورقان تاون؟؟!! ان شاء الله اقدر افيدك

أخي الفاضل حسام
شكرا لك و لك بالغ التقدير لقاء جهدك و أدعو لك بالتوفيق
وأتمنى أن أعرف عدد جامعات ولاية فرجينيا وافضلها لدراسة اللغة الإنجليزية مرحلة الدكتوراه و كذلك العلاج الطبيعي و يتبعها معهد جيد لدراسة الإنجلش للمبتدئين
شكرا لك ووفقك ربي في دراستك

السلام عليكم يالاغلي!!
انا انتظر قبول هندسه في نفس الجامعه، بس سؤالي هو هل الملحقه مازالت فاتح التسجيل لطلاب الهندسه في جامعه؟

مشكور يالغالي!!

يعطيك العافيه اخوي والله يوفقك,,,

الموضوع الله يسعدك لولاية وست فرجينيا (غرب فرجينيا) او كما يسميها البعض فرجينيا الغربيه وهي ولاية تختلف عن ولاية فرجينيا,,, اذا كان هذا سؤالك للاسف لن استطيع الاجابه عليه لعدم معرفتي,,,

شاكر لك مشاركتك اخوي
اخوك حسام

حياك الله اخوي,,, واسمك رهيب بصراحه,,, ويالبى الـ 7 لتر

الجامعه لازالت غير مغلقة لا اكاديميا بسبب التكدس ولا من الملحقيه,,, يعني اذا كان قصدك عن الإبتعاث فان شاء الله انك ممكن تبتعث عشان الجامعه لسى ماتقفلت,, ومعلومه صغيره, ترا الجامعه كبيره وصعب يغلقونها للتكدس

حياك الله ولا تحرمنا طلتك الحلوه

أخوي حسام
السلام عليكم ورحمة الله وبركاته
الله يجزاك خير على جهودك اللي تقدمها في خدمة أخوانك وخواتك
الله يجعله في ميزان حسناتك ويكثر من امثالك

أخوي أنا بقدم على ماستر تربية خاصة
مدري مطلوب مني الجي ار اي بعد المعهد حقهم أو أخلص المعهد وادخل الجامعة بدون اي اختبار

ثانيا : لو تقدر تعطيني فكرة بسيطة شلون أقدم عليهم ؟ يعني اخاطب القسم بالأول أو أعبي الابلكيشن وارسله عن طريق الموقع او DHL أو أقدم على المعهد وانتظر والا شلون ؟ وش الطريق الأسهل والأفضل من وجهة نظرك .

شكرا أخوي وبيض الله وجهك ؟

اخوي ارجوك انفذني بفندق قريب من الجامعه لاني بكرا بروح الملحقيه وبا احاول اغبر من فيرفاكس لموقن تاون تكفى ابي فندق قريب من الجامعه وامن

حياك الله اخوي سينشي,,,
الجي ار اي اختبار تسويه الجامعه مرتين كل سمستر (كل 8 اسابيع تقريبا) وانا اخذته وعديته ولله الحمد (اخذته لاني محول من جامعه لجامعه) مع اني بكالوريوس لكن عالعموم سهل وفيه دورات تحضيريه له تقدر انك تاخذها اثناء دوامك بالمعهد وبصراحه بصراحه (عالتخصص اللي انت تبيه) مدري هل مطلوب منك جي ار اي اساسا او لا.

اذا انت على حسابك الخاص,, جهز شهادات الثنوي + اخر شهادة علميه لك + ضمان مالي + صورة جوازك + كم من حاجه ثانيه ناسيها بتلقاها عالموقع

موقعهم تلقاه باحد الردود اللي قبل,,, (مو عجز اني اكتبه بس لابتوبي علق مدري شفيه مايكتب انقليزي) مايحتاج تخاطب لا قسم ولا شي اول شي مكتب الطلبات او القبولات للطلاب الاجانب يستلم طلبك ويرسله للديبارتمنت (الإداره) المعنيه وهم يشوفون كشف درجاتك وو و ويقررون ,, بعدها يرجع طلبك لمكتب القبولات حق الجامعه بيعدون يروح لمكتب الانترناشونال وبعدين للامقريشن وووو عشان كذا عشان يوصلك اي توني يبي لك من 6 الى 8 اسابيع وهذا الشي اللي مااحبه بهالجامعه لانه قبولهم يطول (بس بالعاده يقبلون لبى قلوبهم ),, بعد ماتخلص الابلكيشن علطول بيفتح لك صفحه مكتوب به عنوان وين ترسل الاوراق,, طبعا ترسل الاوراق عن طريق دي اتش ال او فيدكس (انا عن نفسي ابغا شركة تعطيني متابعة شحنه) وانت بكيفك و تستنى يرسلون لك الاي توني

اتمنى اني افدتك واذا عندك اي اسأله ثانيه لا يردك الا كيبوردك ودعواتك لي ان الله ييسر امري وامر المسلمين جميع
اخوك حسام

حياك الله يااختي,,

في فنادق كثيره جدا وعن ناحية امان كلها امان بس صعب اعددها لك لان زي ماذكرت لك كثيره,,,

الحرم كبير ولذلك فيه فنادق تعتبر قريبه من الحرم لانها طرف وفي نفس الوقت تعتبر بعيده لان الطرف الثاني للحرم في الجهه المقابله

الاشهر في القرب يورو سويتس ووتر فرونت هوتيل (الاسعار ببحر الـ 50 الى المية دولار بالليله)

اذا تبغين معلومات زياده ارسلي لي عالخاص وان شاء الله مابقصر معك


اخوك حسام

بصراحة أشكرك من أعمااااق القلب أخوي حسام على جهدك , وأسأل الله لك التوفيق في الدنيا والآخرة ,,

أخوي حسام عندي بعض الأستفسارات أنا ناوي أكمل ماجستير ودكتوراه في الهندسة الكميائية , ومعدلي عالي والحمد لله وأنا معيد في جامعة سعودية , وأبي مشورتك بكل صراااااااااااحة وعندي بعض الأتسفسارات ,

وقبل هالأستفسارات الولاية والله أني حبيتها من كلامك جدا جدا لكن عندي نقاط لزم أتأكد منها قبل ما أتخذ القرار , أولها وأهمها بالنسبة لي جدا جدا جدا هي صعوبة الدراسة ومعدى مستوى الطلاب

,لأن إذا كان الطلبة مستواهم عالي فهذا يعني أنك سوف تبذل جهد مضاعفة وكبير في الدراسة , ومدى تعاون الدكاترة خاص في البحوث والرسائل ,وصعوبة القسم ككل, وأنا قرأت لك عزيزي حسام بأنك

تقول أن قسم الهندسة الكميائية أصعب من الكهربائية بصرااااحة كلام قوي جدا جدا لأني درست أول فصل لي في البكاليريوس هنا في الرياض في بداية الجامعة قسم الكهربائية فوجت أنه صعب جدا جدا فحولت مباشرة إلى الكميائية , فإذا كان فعلا الكميائية أصعب فهذا عائق كبير ,أرجوا أن تسهم كثيرا في الموضوع ,,,لأني وبصرااااحة في الرياض قبل يومين أقيم معرض للجامعات العالمية وكانت من ظمن الجامعات المستضافة هذه الجامعة وقابلت فيها أحد الطلبة الذي تخرجوا من هذه الجامعة بقسم البترول وهو الآن يكمل الماجستير إدارة في نفس الجامعة ,وسألة عن هذه النقطة وأكدت عليها ,ويقول لي بأن الدراسة سهلة ,وهي مقاربة للدراسة هنا في السعودية ,,, فلا أدري وبما أنك أنت في القسم فستعطي المعلومة أكثر ...

وبالنسبة للقبول المشروط هل يعطونني قبول أم لا ؟ وبالنسبة لأختبار gre هل يتساهلون فيه أم لا؟

((( وجميع أسئلتي هذه أجوا أن أجب أجابة مماثلة لها بالنسبة لقسم الكمياء))))

(( ممكن أخوي رقمك عشان أكلمك لأن والله عندي بعض الأستفسارات , وخاصة في وقت توفر القنيات الجديدة ,الآيفون )))


ولك مني جزيل الشكر , وجهودك مشكورة وأسأل الله لك التوفيق

وأشكرك والله من أعماق قلبي على تفاعلك مع أستفسارات الشباب ,وتستاهل كل خير ,وربي يوفقك دنيا وآخرة