أي تساؤلات عن جامعة ويست فرجينيا في مورقان تاون؟؟!! ان شاء الله اقدر افيدك

يعطيك العافيه اخوي مشعل والجميع ان شاء الله

حياك الله يااختي,,

والله بالنسبه للبنوك اشهر بنكين بوست فرجينيا وخصوصا مورقن تاون هم بي بي اند تي (BB&T) وبنك بي ان سي (PNC) ,,, تقريبا هم الاشهر بالمدينه واكثر الصرافات موجوده لهم (لانه اذا سحبتي من غير صرافة بنكك عليها عموله من 2 الى 4 دولار في كل عمليه)


ونورتي

حياك الله اخوي Goooo,,,, ايه نعم التخصص اللي ذكرته موجود في الجامعه وتقدر تكمل عليه بكلوريوس اذا عندك دبلوم عالي,,,


معادلة الساعات مقدر افيدك فيها واجد لانها تعتمد على درجاتك وعلى تناسب كورسات الجامعه مع كورسات الجامعه او المعهد اللي انت اخذت في شهادتك,, الجامعه ساينس (علميه) كورساتها في الغالب
مايحتاج ترسل شهاداتك لـ ويس او اي شي لان الجامعه عندها نظام معادله خاص فيها وتقدر تراسلهم وتشوف كم المعادلة (لازم تقدم عليها اول)

والله يوفقك ان شاء الله واي استفسارات اخرى حاضر لك اخوي

بشر يالغالي عساك لقيت علم والا خبر

حياك الله اخوي مشعل,, انا سألت لك بس والله نسيت ارد عليك,,, العذر والسموحه يالغالي,,,

عالعموم دخول المعهد لا يعني اسقاط اختبار الجي ار اي عنك ,, لكن عالعموم انا اختبرت الجي ار اي اول مادخلت الجامعه (مطلوب حتى لطلاب البكلوريوس ),,, والجي ار اي هذا خاص بالجامعه وسهل جدا,,,

اتمنى لك التوفيق اخوي مشعل واكرر اسفي عالتأخير,,

اخوك حسام

السلام عليكم ..
ايش افضل شبكة جوال بمورقان تاون ؟

حياك الله اخوي,,, الشركتين الموجوده بمورقان تاون هم AT&T و U.S CELLULAR واثنينهم تغطيتهم اكثر من ممتازه ولكن انت تشوف العروض اللي تناسبك من الشركتين وتختار,,, انا عن نفسي مشترك مع AT&T

مشكووووور بصراحه معلوماتك جدا مفيده
انا دراستي تبدا 21\5 ومحتاره احجز اي يوم ناس يقولو روحي قبل باسبوعين وناس يقولو مايحتاج اسبوع تكفي
وبالنسبه للسكن لو سمحت ممكن تقول عن اقرب الفنادق للمعهد
و حابه اسال عن احسن خطوط طيران واذا ممكن اسم المطار الي في مورقن تاون وكم تستغرق الرحله
ولازم اروح الملحقيه في واشنطن ولا ماله داعي وشكرا

اخوي بغيت اسالك اول شيء انا دراستي بالمعهد تبدأ 21 \5 وموعد رحلتي 17\5 اول حاجه بغيت اسألك الفندق اذا بحجزه متى احجز ووش افضل الفنادق من حيث الاجار وقرب المكان؟
وبسال عن الجامعه نفسها طبعا انا جبت قبول من المعهد التابع لها في حال بغيت قبول بالجامعه هل انتظر لمااوصل هناك ولى في اساسا اقدم الان واشوف وش بيقولون لي ولى انتظر لمااوصل المعهد وكلمهم بعدين واراسلهم؟
وممم وبمااني كلها اسبوعين وبوصل فبسالك بالنسبه للملابس تنصحنا ناخذها من هناك يعني سالت قبل وناس يقولوا لاتاخذون من السعوديه هنا ارخص وافضل فبشو تنصحنا؟
ومشكور مقدما خيو

الأخ CROCO
الله يجزاك الجنه و يعطيك الف عافيه على مساعدة أخوانك الطلاب
عندي استفسار مستعجل أمس كان في جامعتكم اختبار توفل سمعت انه خاص بالجامعه و يوهلك للدخول لها بدون ايلتس
تحسفت اني مارحت انا ماادري وش النظام عادي ادخل و ادفع ولا لازم اعبي ابلكيشن خفت تصير روحتي لويست فيرجينا عالفاضي
ياليت تزودني بمعلومات عن هذا الاختبار و خصوصا متى بيبدأ ثانيه و لك خالصه شكري