الأعضاء الإشتراك و التسجيل

الملتقيات
ADs

طلاب نيويورك الله لايهينكم

طلاب نيويورك الله لايهينكم


NOTICE

تنبيه: هذا الموضوع قديم. تم طرحه قبل 2042 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية "عبدالعزيز"
    "عبدالعزيز"

    مبتعث مميز Characteristical Member

    "عبدالعزيز" الولايات المتحدة الأمريكية

    "عبدالعزيز" , ذكر. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى طالب , بجامعة الكليه التقنية
    • الكليه التقنية
    • طالب
    • ذكر
    • الخبر, الخبر
    • السعودية
    • Dec 2007
    المزيدl

    May 12th, 2012, 11:39 PM

    السلام عليكم..

    انا احتاج اتراسل مع شخص فاهم في نيويورك الله يخليكم

    لان الاهل راح يجون الى منهاتن بعد شهرين وانا ماعندي خلفيه عن نيويورك بصراحه وحبيت مساعده

    اتمنى اللي من نيويورك التواصل معي

    واكون شاكر لك
  2. المشاركة الأصلية كتبت بواسطة "عبدالعزيز"
    اذا حصلت احد اقدر اراسله عنه ...

    اذا في موتيل مناسب لشخصين قريب من منهاتن ؟
    وش الاماكن السياحيه اللي يقدرون الاهل يرحون لها؟
    كيف الاجواء بتكون في في شهر جون وجولي؟

    حتى الموتيلات في نيويورك سيتي غاليه .. يعني في موتيل في كوينز مرا خايس وسعره 130 بدون التاكس ..
    أحسن الفنادق يعني لو بتلاقي فندق رخيص شوي بيكون في كوينز او بروكلين مو منهاتن ... قلما لو شفت فندق رخيص في منهاتن ..
    ادخل موقع اسمه booking وشوف اسعار الفنادق وشوف اللي يناسبك ..

    واذا على الجو من الحين اقولك احنا ميتين حررر هههه .. مو حر حر حرررررر بس الجو ككتمه شوي ..

    الاماكن السياحية فيه 1- الامباير ستيت بلدينق < اطول مبنى تروح اعلاه وتشوف منهااتن كلها .. في 35 او 34 ستريت ما اتذكر بس انه من اكثر الاشياء السياحية هنا..
    2- ستيت اوف ليبرتي " تمثال الحرية " < تروح له بالباخره .. من داون تاون منهاتن ..
    3- وطبعا اشهر الاماكن هي " التايم سكوير " .. اللي حتى لمن جا الاعصار السنه الماضية لسه كان فيه ناس تتمشى .. مكان مررراا ازدحام وحتى في الليل تحس انه نهار من كثر الاضاءهـ .. في 42 ستريت .. اغلب الصياح يقضون نص وقتهم في هالشارع ..
    4- سنترال بارك < اكبر حديقه في نيويورك .. تقدر تروح هناك وتركب بايك او تركب قارب وانت تجدف لنفسك وزي كذا وماخده نص منهاتن مالها مكان معين بس تقريبا في اب تاون منهاتن ..
    5- فيه المتاحف والخرابيط هذي اغلبها قريبه من السنترال بارك .. فيه متحف الفن الحديث اللي جدن سخيف ويوم الجمعه يكون مجاني اسمه " MOMA " وفيه حقون الهيستوري اللي فيه الدينصورات وزي كذا ما ادري عاد متى يكون مجاني .. وفيه متحف المتروبلشن .. هذا حلو اهلي يحبون التراث وحبوه بس لمن تروح هناك قول لهم انك من سكان نيويورك و عطيهم دولار واحد بس ويدخلوك .. او عطيهم دولار واحد وانت ساكت وهما بيفهمون ..
    5- فيه الفيفث افينيو .. وهذا شارع بس فيه محلات الماركات من لويس فيوتن و زارا و شانيل وكل هالخرابيط موجوده في الفيفث افينيو وهناك تلاقي احيان مشاهير يتسوقوا ..
    6- فيه السكس فلاقز في نيوجرسي " ملاهي " .. الكل يمدح العابها بـ انها مرا حلوة وخطيرهـ
    7- فيه الامباير سفنتين وهو بس بحر وقعده كذا قدام البحر في الداون تاون منهاتن ..
    8- اذا تبي العرب والاماكن العربية .. تشوفها في كوينز وبالتحديد في مكان اسمه استوريا وبالتحديد في شارع اسمه ستانواي .. هنااااك كل شي عربي حتى اللوحات عربية ..وفي في بروكلين وبرونكس بس ماعندي خبره ..
    9- في اكبر مركز تجاري في العالم للتسوق " ميسز " في 34 ستريت مع 7 افينيو ..
    10- فيه ماديسون سكوير قاردن للمباريات وهالخرابيط .. الموهم انه مكان مرا مشهور لشنو ما ادري .. المهم انه قريب من ميسز مرا ..
    11- فيه شارع سوهو للتسوق كمان حلو كأنو اوروبي وفيه ماركات عادية وعالمية .. تقريبا في داون تاون منهاتن ..
    12- اذا تبغى ماركات مخفضه للتسوق .. تقدر تروح اي فرع لـ " السنتشري 21 " او تروح جيرسي قاردن في نيوجرسي < مرا اليم كبير كبر مجمع الظهران بالسعوودية بس طابقين فـ حتى مستحيل يتخلص في يوم واحد .. كل الماركات تشوفها هناك في المحل الاساسي وسعر مخفض ..
    13- فيه الابل ستور في الفيفث افينيو مرا شكله حلو زجاجي من برا بس ماهو هذيك الاهميه < مو عارفه وش تكتب خلصو الاماكن خخخخ
    14- فيه السبواي طبعا عالم ثاني وافلقني اذا ماضعت فيه خخخخخخخخ " القطار اللي تحت الارض " .. اغلب الشعب هنا يستخدموه للتنقل ..
    15- فيه بروكلين بريدج .. جسر على البحر للناس تتمشى عليه .. مش بطال
    16- وطبعا البرجين اللي طاحو من سنة جدي الحين مسويينهم مكان سياحي للي يبي يشوف خخخخخخخخخ تشوفهم في الداون تاون منهاتن ..
    اكثر شي ممكن تلاحظة في نيويورك .. مابين شارع وثاني تلاقي عربية يبيع فيها واجد مصري ولا مدري تونسي ولا مدري وش يطلع مكتوب عليها حلال .. يسوون شاورما ورز مع دجاج وزي كذا
    17 - فيه كولومبس سيركل في 59 افينيو مدري ستريت الموهيم انو اسمه كولوميس سيركل وهناك في دائرة وش قدها مدري وش موقعها من الحياة وفيه مول هناكا للتسوق بس حق اذا عندك فلوس لانو بس ماركات عالمية وفيه طبعا السنترال بارك
    18- فيه البراينت بارك في الـ 42 ستريت .. حديقه عادية وصغيره بس مرتبه والقعده فيها حلوة ..
    19- فيه الـ 14 ستريت يونيون سكوير .. هذا مكان حلو وفيه حديقه وفيه اماكن تسوق وفي اشياء كثيره حلوة
    20 - فيه الهيرالد سكوير فيه منهاتن مول < سخيف جدن .. فيه الامباير ستيت اللي قلته قبل شوي وفيه ميسز وفيه ماديسون سكوير قارردن اللي قلتهم قبل شوي ..
    21- قيه التلفريك في لكسينتون افينيو ياخدك من ليكسينتون افينيو ويوديك لـ جزيرة صغيره غبية ماعندها ماعند جدتي والتلفريك بقده غبي الموهيم انو ركوبه بنفس بطاقة السبواي..
    22- فيه ناس سمعت ياخذون هاليكوبتر ويشوفون منهاتن من فوق عن نفسي لا ركبت ولا لي خلق اركب خخخخ
    23 - فيه ملاهي وبحر بنفس الوقت في بروكلين " كوني ايلاند "
    24- فيه بحر قريب مرا كمانا من بحر كوني ايلاند اسمه لونق بيش مش بطال كمانا

    وبس صراحة ما اعرف اشياء سياحية كثيره في نيويورك واغلب اللي قلتها فوق سمعت فيها مارحتلها لانو صراحة مافي وقت وهذي من جد اماكن سياحية ..
    7 "
  3. بيض الله وجهك ووفقك يارب ياكريم..

    وبصراحه كلامك كله جميله .. لكن انا بحثت بالانترنت كذلك وشاهدت اسعار موتيلات رخيصه لكن الاشكاليه بالموضوع اني ماعرف في
    نيويورك وبودي لو يكون الموتيل على الاقل قريب من منهاتن على الاقل 10 كيلو او اقل لان حسب ماعرف انهم يقولون كل التمشيه في منهاتن.
    والله يسعدك على الاماكن اللي قدمتيها لان الوالد والوالده يحبون المتاحف والاشياء التعليميه

    ربي يحفظك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.