Lado International Institute أرلنجتون فيرجينيا ((الرجاء المساعدة))

السلام عليكم


انا جاني قبول من المعهد هذا والله يستر دام هذا كلامكم عنه

طبعا بتحمله غصب لين احول على حساب البعثه .. ثم اغيره

طبعا على حسابي ومن مكتب مستقبلي < دامكم جبتو طاريه
وانا والله متردد من اول ما قال لي معهد في فرجينيا والجامعة المقبول فيها في تكساس

وشكلي بغيرهم كلهم << وهذا اللي بيصير ان شاء الله

عندي كم سؤال :$

1- تذكرة السفرة من الخطوط السعودية كم ؟ ذهاب فقط او ذهاب وعوده
2- كم رسوم المعهد لمدة 3 اشهر
3- هل المعهد مقبول ومعترف به لدى وزارة التعليم العالي
4- هل تنصحوني بمعهد وجامعة معينه في اي ولاية طبعا مافي مشكلة ؟؟؟


وربي يوفقكم جميع ويستر عليكم ويحفظكم ويردكم سالمين غانمين اللهم امين

واعتذر منك يا ام زيد عن التدخل لكن محتاج معلومات عنه :$


تحياتي لكم

محسن

مرحباً أخوي محسن ... أنا آسفة تأخرت بالرد بسبب مشاغلي والرسائل الخاصة عندي غير مفعلة لأن عدد مشاركاتي قليل ..

بالنسبه لآرلنجتون هي مدينه جميلة وغالية للغاية .... كل شي فيها والمواصلات في كل مكان ،، بس عندهم أنظمة معقدة في شغل الأوراق والإجراءات .. ربما لأنها قريبة من العاصمة واشنطن .. آمنه ومريحة نفسياً ... الناس شوي رسميين وكلن في حاله ... إذا احتجت تسأل أحد إسأل ... بس لاتزود ترى نفوسهم ضيقه ..

معهد لادو جيد إلى حد ما ... منتظم والدراسه فيه مريحه ... الرسوم لمدة ثلاثة أشهر أعتقد سبع آلاف ريال سعودي ،دفعتها أنا قبل أجي لأمريكا خلال مكتب مستقبلي .. وعلى زحمة السعوديين فيه أتوقع معترف فيه من وزارة التعليم العالي .... موقعه في منطقة حلوه و راقية جداً وقريبة جداً لقلب واشنطن... وبالنسبه لي التذاكر كانت عالخطوط السعوديه دايركت ذهاب وعودة اثنين بالغين وثلاث أطفال ب 24 ألف ريال سعودي .. وعليك الحساب ..

نصيحتي لك إذا بتدرس المعهد في فرجينيا ،، لازم الجامعة تغير الولايه وتروح لولاية أرخص وأسهل ... ويقولون في أمريكا كلما اتجهت جنوب تلاقي الناس فرندلي أكثر والدنيا أرخص ..

الله يعطيك الف عافية يا ام زيد وربي يوفقك ويحفظك ويحفظ لك عيالك وابو عيالك اللهم امين


كم تبعد واشطن عن ارينتجون ؟ و المعهد في ارينتجون مو في واشطن كيف تقولين في قلب واشطنن @@



انا دراسة الجامعة مقررة الان في تكساس لكن اعتقد 80% اني بغير الجامعة والولاية


ما ادري انا افكر الحين في المعهد لين انضم للبعثه بعدها فيه الف حل وحل


والله يعطيك الف عافية ^,^


تحياتي لك
محسن

انا سجلت عن طريق مكتب في الرياض وسجلني في معهد لادو في فرجينيا ادرس فيه لغه وجاب لي قبول جامعي في ولاية اوكلاهوما تخصص هندسة وبعد ماطلعت الفيزا على المعهد اتصل عليه المكتب وقال لي فيه قرار جديد بان لازم يكون المعهد والجامعه في ولاية وحدة ..... وش رايكم بالخبر هذا ؟ وبعدها صار يدور لي قبول جامعي في فرجينيا عشان الملحقية تعطيني موافقه مبدئية ...... الي عنده خبر يفيدنا بارك الله فيه

^
^

انا سفرتي الاثنين الجآي ان شاء الله لـ ارلنجتون وبنفس معهد لادو
وتوني جاي من المكتب ولا قالي عن هالقرار .. ما اعتقد صحيح !!
ولو انه صحيح كان المكتب نفسه جاب لي قبول للجامعه بنفس المدينة !!

معلومآت ع السريع يمكن تفيدكم
طيرآن الخطوط السعودية الذهاب بدون عوده بـ 2500 ريآل حصلتها انا
يمكن رخيصة لانها ذهاب فقط ..

اللي عنده معلومآت عن الجو هل هو بارد ولا لا ؟
لاني ماخذ اغلب ملابسي شتوية .. ولا ابي انصدم بالحر هناك كخخخخخخخخ

وكل التوفيق لكم جميعا|ً

انا اسكن بالقرب من معهد لنجوا بارلنجتون - وترى حتى اللادو قريب جداً وبنفس المنطقة اللهم طلعة خفيفة لكن متعبة مشي وكلها ٢ -٣ بلوك
وردا على استفسارك يا اخ محسن ترى معهد اللنجوا بفرجينيا لكن بينك وبين دي سي مسافة ١٠ دقايق مشي وما يفصل بينكم غير نهر البوتومك وفيه جسر الكي بريدج المشهور وشارع ال م ستريت ومن معهدك تقدر تشوفها وحتى جامعة جورج تاون الشهيرة هناك لكن بالضفة الاخرى من النهر في الدي سي
نصيحة ادخل جوجل ماب وشوف المنطقة وتعرف عليها قبل تجي ومن الzip code لمعهدك ابحث عن سكن مناسب لك لكن حقيقة الأسعار جداً غالية والله يعينكم
وبالتوفيق لكم جميعا

السلام عليكم ورحمة الله وبركاته...
كيف حالكم ؟؟؟؟

يا اخوان انا باذن الله راح اقد غلى المعهد
LADO International
وراح اجلس فيه شهرين فقط ...
ف اتمنى يا الغالين تفيدو،ني
المعيشة من ناحية المعهد
هل يوفر عوائل ...!! ..~

- - - مشاركة محدثة - - -

السلام عليكم ورحمة الله وبركاته...
كيف حالكم ؟؟؟؟

يا اخوان انا باذن الله راح اقد غلى المعهد
LADO International
وراح اجلس فيه شهرين فقط ...
ف اتمنى يا الغالين تفيدو،ني
المعيشة من ناحية المعهد
هل يوفر عوائل ...!! ..~

^
^

المعهد لا باس فيه جميل من ناحية المبنى والتدريس
العيب بالمنطقة فقط غلا المعيشة .. وكلن وصرفه .. انا لي اسبوع تقريباً بنفس المعهد والمدينة
سكن العائلة تقريبا 840 دولار تقريباً 3150 ريآل سعودي ..

الناس كلن كاف خيره وشره الحياه حلوه بـ ارلنجتون
انا حجزت العائلة عن طريق مكتب " مستقبلي " بالريآض هو يوفر لك العائلة
ولو تبي تدور بتلقى لكن بعد طلعت الروح يبي لك اسبوع الى اسبوعين لين ماتلقى عائلة

عموماً موفق ( ولا تسمع لكلام الناس اللي يشوهون سمعة المعهد والمدينة )
انا عيشوني برعب لكن يوم جيت وشفت حياتهم وطبعهم عكس كلام الناس بالضبط

نظام لادو ماتقدر تنقل الا بعد 3 شهور
او تدفع لشهر قدام

المعهد يوفر لك عايله بس ياخذ حوالي 200 $ عمولة بحث للعايلة

المعيششه في فرجينيا تعتبر غاليه وجو الولاية اللحين باررد جدا

تحياتي

الخبر صحيح
المعهد والجامعه بنفس الولاية

راجع موقع الوزارة والملحقية الثقافية