ارجوا المساعده في العثور على سكن في مدينة Scranton, PA
السلام عليكم ورحمة الله ..
انا واصل Scranton لي اسبوعين ، ولي فتره ادور على سكن لكن ما حصل نصيب ولقيت شيء فاضي .
فالمطلوب من الشباب الحلوين ;) ...
** اللي يعرف ( بيت / شقه ) للإيجار ، ياليت انه يتكرم ويعطيني العنوان - لإني جالس الحين في فندق من يوم ما وصلت **
( تعرفون كيف الفنادق و اسعارها - وحالت الطلاب المبتعثين :( )
اهم شيء بالنسبه لي الحين ان السكن يكون نظيف و سعره معقول ! ... ولو كان قريب شوبتين من الجامعه، يكون احسن :p
والله يعطيكم العافيه ويفرج عنكم الهم و الغم .
رد: ارجوا المساعده في العثور على سكن في مدينة Scranton, PA
معقول مافي احد يعرف شيء عن السكن ؟؟ :confused:
على العموم مشكورين .
رد: ارجوا المساعده في العثور على سكن في مدينة Scranton, PA
السلام عليكم
معليش ردي متأخر شويتين بس فيه سكن و اسعار معقوله
كانك للحين تدور ياليت تقول انا موجود فالمدينه ,,
رد: ارجوا المساعده في العثور على سكن في مدينة Scranton, PA
السلام عليكم ورحمة الله ...
معليش اخوي والله اني كنت مرررررررره مشغول مع الملحقيه و الجامعه اللي في سكرانتون واتبهدلت معهم بس خلها على الله ^^
انا جالس في فيلادلفيا حالياً .. بس برجع اكيد لسكرانتون الثلاثاء ان شاء الله .
ياليت تفيدنا باللي عندك الله يستر عليك ..
لان شكلي راح اطلع من امريكا و ارجع على السريع قبل لا تبدأ زوجتي بالدراسه في الجامعه .
والله يعطيك ألف ألف عافيه اخوي
رد: ارجوا المساعده في العثور على سكن في مدينة Scranton, PA
كويس , دام معاك الاهل اجل روح لم كونتري فيو مانورز, عنوانهم :
university Drive
dunmore, PA 18512
طبعاً موقعهم ما يطلع عالقارمن , بس الطريق مره سهل , طريق يونيفرستي درايف يمكن طوله نص ميل يعني انتا روح لآخر الشارع اذا لفيت من عند محطة البنزين (شيتز) تلاقي الكومباوند عباره عن تاون هاوس ...
رقم الاتصال بهم :
5709419101
حط رساله بعلومات اتصالك ... و فيه قبله واحد توه فاتح مدري بدا التأجير فيه ولا لا ...
و فيه كمباوند اسمه تول تريز بس بعيد و فوق جبل خطر تطلع لك هايدي...
و فيه في منطقة كلاركس سومت بس المنطقه شوي مرتفعه كمان بس حلوه مره الحقيقه لكن بتبهذلك رايح جاي من الجامعه عشان طريقها ششوي بعيد ..
و فيه في الداون تاون اول ما تخش من شارع ال 81 داخل على السكرانتن اكسبرس واي روح دغري مع الاشاره بتلاقي عاليسار عند الاشاره الثانيه لوحه كاتبين فيها (( شقق للايجااار تكفون تعالوا )) :) بس هذي عباره عن عماره ونا صراحه ماحب العماير و خصوصاً في مدينتنا المتواظعه سكرانتن ,,, عشانك ماراح تلاقي سيرفس و حركات عشانهم مطفرين :)
و قد شفت كمان عماره ثانيه داخل الداون تاون بس ما اتذكر مكانها صراحه بس الله اكبر من كبر الداون تاون حقها ,, شارع التحليه اطول من المدينه بكبرها =)
و ترى ما يمديك تستأجر على طول الا اذا عندك سوشل سكورتي ولا العاده ياخذون اسبوع يبحرثون عن معلوماتك يعني بيدخل رمظان و انت ما سكنت , بس انت قدم اوراقك جب جوازك و رخصة السواقه حقتك او الاي دي و شوف وش يصير معاك ,,,
انا اسلم عليك من السعوديه و برجع بعد رمظان الله يتقبل صالح اعمالنا ...
بالتوفيق ,,,
رد: ارجوا المساعده في العثور على سكن في مدينة Scranton, PA
الله يعطيك ألف عافيه و يحفظك لأحبابك ^^
و مبارك عليكم الشهر اخوي ... الله يبلغنا و اياكم صبامه وقيامه
رد: ارجوا المساعده في العثور على سكن في مدينة Scranton, PA
نسيت ما اقول لك انتبه من :
The Mills
راعيها ملحوس و نصاب الله لا يواخذنا , اسعاره غاليه على غير سنع ... يقول لك شقه غرفه وحده مع الاثاث و الكهرب و المويه و الكيبل و الانترنت كلذا بالف دولار فالشهر , بس يعطيك اثاث كأنه اثاث بوفيه يا شيخ ... و لو تفكر فيها مرتبة السرير يعني موب معقول بتدوم كلذا الزمن يعني ... و الكيبل عنده يجيب لك اشتراك بيسك , والانترنت وشذا الانترنت اللي بيخدم كل المجمع يعني ؟ بتلقاه بطيء ... غير كذا يسوي يلعب عليك بيقول لك ما عندي شقه نفر واحد بس بسكنك في شقه غرفتين و تدفع لي حق نفر واحد و فيه شخص بيطلع بعد شهر , بعدين ينشّبك في غرفه خايسه بعد ما توقع العقد على سنه ولا تستقر بيبهذلك عالعموم ... انتا بس شوف راعيها و احكم نسيت وش اسمه بس هرجه واجد و هبالته كمان الله لا يواخذنا =)
و على فكره اذا جيت تأثث قول لي ادلك على احسن و ارخص محل هنا بتلاقيه في نسيت وش اسم محلهم بس راسلني انتا ولا يهمك ...
رد: ارجوا المساعده في العثور على سكن في مدينة Scranton, PA
الله يعطيك العافيه .. و يسعدك دنيا و آخره
قل آميــــــن :)