جامعة يهودية و كلها يهود هل تعتبر مشكلة ؟ نيورك

السلام عليكم

شباب جاني قبول من جامعة في نيورك - مانهاتن

لكن موقع الجامعة كله يهود , و كل الافلام الوائقية عن الجامعة يهود لابسين طواقي

حتى الطلاب المتحدثين في عن الجامعة يهود بطواقي سود و اشكال ...... ما ودي اتكلم قلت اخذ رايكم

و ما ادري اطلع و لا لا !!!

المشكلة هي الوحيدة التي قبلت فيني لان ملفي ما شئ الله تراثي

و هل فيه مشكلة بسبب هذا اذا جيت انضم للبعثة
وهل ممكن تاثر على حياتي او المعيشة


بالله يا شباب نيورك لا تخلوني ماودي اطلع و اتورط و لا ودي اجلس هنا لان هذه آخر فرصة

و الان محدود عليها ما احد قبل فيني غيرها

رأيي الشخصي: ما اشوف فيه اي مانع

انا كنت ساكن في مانهاتن بحي كله يهود وطواقيهم الصغيره وجدايلهم اللي تدودل والوضع جدآ عادي

ومعي في الكلاس اسرائيليات . . صحيح تحس بـ مغصت بطن شوي اول الوقت بحكم انك ماتعودت بس يارجال والله ما دروا عنك ولا جابوا خبرك

واصلن راح تقابلهم كثير في الشوارع والصب وي


توكل على الله اذا الجامعة قوية ولايهمك احد

ويا جبل مايهزك ريح :)

هههههههه يارجال ولا احد دق خبرك هنا اهم شي تحترم ثقافتهم وديانتهم وتلقى كل الاحترام.
بالعكس احيان تلقى يهود اخلاقهم افضل من اصحاب مسلمين.
انا درسوني يهود وصار عندي زملاء يهود والحمد لله ناس اخلاق عالية جدا وماعندهم هذا مسلم يعاديني واعادية ومن هالقبيل اللي تشوفه بالاعلام وغيره.
خلك محترم دياناتهم وعاداتهم ويحطوك فوق الراس وهذا من اللي شفته مع ان منطقتنا مليانه من اليهود وين ماتمشي تلقى يهود.

ونصيحة حاول انك لما يسآلك شخص اجنبي عن فلسطين واسرائيل والاشياء ذي ماتنجرف وتقول هذول اعداء وهذول فيهم كذا وكذا لان واجهت سعوديين الله يهديهم يحشو في اليهود مع اجانب على انهم مسيح واخر شي ينحرجو لما يعرفو ان اللي تكلمو معهم يهود.

ومش كل اليهود يمثلو اسرائيل كحكومة لان غالبيتهم مجنسين امريكان او من دول امريكا الاتينية وكثير منهم مسالمين.

اتمنى اني افدتك بهذا الشيء، ولين تحس ان الجامعة حلوة وقوية توكل على الله وقدم ولين حصلت بديل وحبيت تنقل وقتها تقدر تقرر

لما تروح هناك علمني وش يصير عليك افكر ادرس عندهم

انا تعايشت مع بعضهم ناس كويسين واخلاقهم عاليه بس مدري حسيتهم مزاجيين بزيادة ! ، مع اني خربتها وجبت طاري الاديان وكذا بس بشكل عام هم اوادم مثلنا فيهم الخير وفيهم الشين ومافيه اي مانع انك تتعايش معاهم بس الزم حدودك وخلك راقي معاهم

بالعكس امنيتي اتعايش مع مجتمع يهودي بالكامل واعرفهم عن قرب يكفي انك بتتعرف على ثقافة جديدة اقراء عنهم اعرف ايش عاداتهم وكيف تتعامل معاهم الكتب نوعا ما تحس فيها تناقض بحكم توجه كل كاتب بس فيهم مجموعة كتب انصفتهم

حط في بالك الصهيونية (اسرائيل) مو معناها اليهودية

لا تتردد لاسباب سطحية

هذا الي عندي والله يوفقك