مساعدة مساعدة بواشنطن دي سي

والله انا معاك نفس الحاله عندي رقم وحده اسمها رغده اتصلت عليها أليوم وقالت لو أبغى سكن ماراح يكون في واشنطن دي سي راح يكون في فرجينيا لو تبغى الرقم أعطيني خبر

السلام عليكم
انا زرت واشنطن ديسي و قعدت فيها و عندي معلومات و نصايح لك , اولاً وشنطن ديسي تقع بين ولايتين اللي هم من الشرق و الشمال ولاية ميرلاند, و من الغرب و الجنوب ولاية فرجينيا. و واشنطن كأنها لقمه في حلوقهم يعني اتوقع ان تصنيفها الاداري ولايه بلحالها تتكون من مدينه وحده اللي هي وشنطن. المهم : انا ما انصحك تسكن في وشنطن لاسباب كثير منها الغلا في اسعار السكن و الازعاج و كثرة الهوملس و كانك صامل ابعد عن منطقة الجنوب غرب وشنطن.

انصحك بفرجينيا و لكن بقول لك عن الولايتين المجاورات:

ميرلاند عحدود وشنطن بس ما انصحك فيها , عشان اغلبها من الطبقه الفقيره الكادحه الغير امريكيه. و مثل هالمجتمعات تكثر عندهم المشاكل او اقل شي الجو الغير مستقر والمريح. فابعد عنها. الا كانك صامل اقدر اقول لك عن احسن الشين هناك. لها ميزه وحده ان الغذاء هناك ما عليه ظرايب. بينما الظرايب العامه 6% من المشتريات. بس اذا اشتريتا فاكهه او اكل ما عليه ظرايبز

ولاية فرجينيا ممتازه و اهلها راقين عالاقل اسوأ منطقه عندهم احسن من احسن منطقه في ميرلاند. عندك اللي اسمها الكسندريا المنطقه هذي حلوه بس لا تبعد جنوب كثير عشان تلحق عالمنطقه اللي تخدمها المترو. و المترو عندك خطين يخدمون فرجينيا او ثلاث بس اللي اعرفهم زين الخط الازرق و الخط البرتقالي. الخط البرتقالي يوديك للملحقيه طبعا تاخذه شرق.

عن المواصلات ما انصحك تشتري سياره عشانها بتبهذلك, و المترو خدمته تمشي الحال مع كم باص كذا لين توصل. بعد فتره عاد لين تعرف البلد و تستقر تقدر تفكر في سياره. وانصحك تشتري سياره بعد ما تخلص امورك من وشنطن عشان السياره راح تاكل عليك رسوم مواقف ونتا ماشي.

و دامك رايح لكابلان تقدر تطلب منهم سكن مع عائله تقعد فيه شهر في خلاله ترتب امورك. اغلب الناس تدور في الكريج لست و تحصل روم ميتات يكون عاد انت تدور فيه و تزور البيوت و تشوف اللي يناسبك من حيث السعر و القرب من المترو و كذا . طبعا تدور في فرجينيا (مش وست فرجينيا)
و العرب عامةً يتواجدون في فرجينيا, رعاية الاطفال تقدر تسأل المعهد عنها يعلمونك او اذا وصلت تدور عالنت او من اي معارف.
و دامك في كابلان فانت الكسبان عشاني زرت صاحبي هناك و قابلت الموظفين و شفت المبنى و الصول الدراسيه و غير انهم يدرسون الاطباء هناك يعني راح تقابل ناس باذن الله يخدموك و يفيدوك يعني المعهد جيد احسن من اللي حوله اللي اسمه المعهد الدولي للغات , و لكن و الحق يقال معهد النوفا احسن منهم كلهم و ممكن يكون اقرب للي ساكن في فرجينيا عشانه يقع هناك.
هذي المعلومات اللي من عندي و من عند صاحبي يسلم عليك عالتلفون
و بالسلامه و التوفيق باذن الله