دراسة القانون في جامعة جورج تاون
مساء الخير أخواني وأخواتي ... منّ الله علي بقبول في جامعة جورج تاون لدراسة تخصص القانون في برنامج مدته سنتين
عندي سؤالين .... الأول بالنسبة للدراسة وكيف الجدول أول سمستر وكم أعلى حد مسموح إني أخذه
السؤال الثاني بخصوص السكن ... ايش هي أفضل منطقه للسكن بحيث تكون قريبه من الجامعه وأسعارها حلوه والمكان نظيف وآمن ...
شاكره ومقدره لكم مقدماً
رد: دراسة القانون في جامعة جورج تاون
شف العضو بندر vip
اسمه باللغة الانجليزية
هو راح يفيدك بكل شي تبيه
رد: دراسة القانون في جامعة جورج تاون
وين المشاركات و ألمساعده يا مبتعثين دي سي
رد: دراسة القانون في جامعة جورج تاون
مو معقوله ياجماعة !!! المنتدى مخصص للمبتعثين ولتبادل الآراء والاستفادة من الخبرات لكن اللي ألاحظه أن جزء كبير من المواضيع مهمشة !
حتى الرسائل الخاصه مقدر أشوفها !!!!
اتمنى إذا فيه أحد عنده خبره ويقدر يفيدني لا يبخل علي
أشكر القائمين على المنتدى وانصحهم انهم يشغلونه شوي
رد: دراسة القانون في جامعة جورج تاون
لله يا محسنين
مانقص مال من صدقة يامحسنين
رد: دراسة القانون في جامعة جورج تاون
الا كيف حصلتي على القبول
وكم استغرق من وقت --
لأني أبحث عن قبول قانون
رد: دراسة القانون في جامعة جورج تاون
نوره...
ابدا بالسؤال الاول....السكن بشكل عام راح يكون في شمال فرجينيا بشكل اكبر ...لانه انظف واامن و ارخص الى حد ما من دي سي...اسعار السكن تعتبر الاغلى على مستوى امريكا،،،،لذلك لا تنصدمين...وتتراوح من ١٢٠٠ تقريبا الى ٢٢٠٠ للغرفه الوحده...وهذا يعتمد على عاملين اساسيان...الاول قرب السكن من دي سي....ثانيا. قرب السكن من محطة المترو....فكل ماراحتي غرب دي سي السكن يرخص الى حد ما....وترتيب مناطق شمال فرجينيا من الاقرب للابعد بالنسبه للجامعه هم
Arlington
Fairfax & Alexandria
Vienna
فكم متوسط المبلغ اللي مستعده تدفعينه علشان اوجهك للمكان المناسب....
بعدين بشكل عام شمال فرجينيا جدا امن و نظيف فلا تشيلين هم...
سؤالك الثاني (ماهو في تخصصي) بشكل عام الماجستير اقل شي مسموح فيه هو ٩ ساعات و اكثر شي ١٢ ساعه......فهذولي هم الخيارين الوحيدين اللي عندك ...الا لو كان دراسة القانون مختلفه....كرآي شخصي لا تاخذين اكثر من ٩ ساعات في البدايه ولا تبدين في المواد الرآيسيه مع بعض لانهم بالغالب يكونون الاصعب.....ومعدلك العام يعتمد ٨٠٪ على اول ترم.....فلو جبتي في ول ترم ٣.٧ فالغالب ان راح تخلصين بمعدل بين ٣.٥ الى ٣.٩...
تحياتي
ابراهيم