أحد دفع أونلاين لمعهد و حصلت له هذي المشكلة ؟ ( المنسقة تقول لي عطني وصل !؟@#$!@؟ )

السلام عليكم

بنصيحة من مديرة القبول في معهد جورج تاون ، قدمنا على معهد جامعة فيرجينيا تك ، و كانت الإجراءات عندهم تختلف عن معهد جورج تاون حيث الإجراءات كلها أونلاين ، بعكس جورج تاون اللي التقديم ورقي و إرسال عن طريق البريد .
هذي الصفحة تعطي طريقة التقديم Language and Culture Institute | Virginia Tech
الخطوة الأولى تعبي الطلب ،،،، و عبيناه
الخطوة الثانية تسدد ، حيث لما تضغط على أيقونة Pay Fee تروح بك الأيقونة إلى صفحة نظام الدفع ،،،، و دفعنا عن طريق الفيزا ، و جتنا إفادة بالدفع على إيميلي
الخطوة الثالثة تقدم نسخة من الشهادة البنكية إلى إيميلهم
الخطوة الرابعة للي ناقلين من معهد إلى معهد transfer

و بحسب موقعهم ، لما تسوي هذي الخطوات ، فخلال ثلاثة أيام عمل تأتيك رسالة تأكيد ، و إذا انت مقبول فخلال اسبوعين ستأتيك كامل الأوراق على بريدك

لكن المشكلة إن منسقة البرنامج طلبت مني وصل الدفع ، و أنا أصلا استغربت من طلبها لأن المتوقع إن الأمور هذي تكون آلية ، يعني أنا دفعت عن طريق نظامكم المفروض مثل ما جتني إفادة على إيميلي تجيكم أنتم إفادة بالدفع
رحت حولت رسالة الإفادة بالدفع اللي جتني من نظامهم لها و شرحت لها ،
اليوم ترد علي تقول ، باختصار ، أنا أبي صورة من الوصل ما أبي كوبي بيست :mad: >>>> وش جاب كوبي بيست ذي ، مدري !

رحت رديت عليها تو إن اللي محوله عليك مش كوبي بيست بل هذي إفادة من نظامكم بالدفع ، و فيه Invoice number و فيه Reference Number لعملية الدفع هذي
و ننتظر ردها اللي ما ني مطمئن له

أحد مر بهذي المشكلة ؟
أحد عنده خلفية جيدة حول الأمور المصرفية ؟

القهر رسم التقديم حقهم 135 دولار أمريكي دولار ينطح دولار :mad: بينما جورج تاون 50 دولار ( الله يهديهم كان قبلوني و ريحوني لكن هذا المعدل اللي ناكب عفشي في أمور كثيرة من يوم تخرجت :frusty2: )

و شكرا

طيب الوصل خذه اون لاين من موقع البنك اطبعه وفيه مبلغ الدفع ويعوضونك