ايش الفرق بين الكلية والجامعة.؟
السلام عليكم ورحمة الله وبركاته..
انا صاحبة اليوزر الرئيسيه هذي المره مو اختي..:cool:
عندي استسفار انا الحين بمرحلة اللغة وعندي قبول مشروط بجيمات..
والحين قاعدة ادور قبول ثاني عشان بدون جيمات عشان اذا سمح الله ماجبت الدرجة المطلوبة..
ولما بحثت بالنت..اغلب الكليات ماتطلب جيمات من تخصص البزنس..
سؤالي ايش الفرق بين الكلية والجماعة بامريكا..
اللي عنده معلومة وعن تجربة لايبخل علينا..
رد: ايش الفرق بين الكلية والجامعة.؟
السلام عليكم
أختي الكريمة
الكلية تكون جزء من الجامعة , والجامعة تشمل عدة كليات
سواء تكون داخل الحرم الجامعي او خارجه
والتقديم للحصول على قبول يكون بأسم الجامعة ولكن موجه لادارة الكلية التي ترغبين الدراسة بها
اتمنى ان تكون وضحت الصورة
بالتوفيق يارب
رد: ايش الفرق بين الكلية والجامعة.؟
يعطيك العافيه بس سوالي ايش افضل انو ادخلها كدراسه كليه او جامعه ؟
يعني اتخرج بشهاده كليه او جامعه هنا في امريكا ؟
رد: ايش الفرق بين الكلية والجامعة.؟
على حسب علمي الشهادة تطلع بأسم الجامعة
مافي شهادة تخرج تطلع بأسم كلية
رد: ايش الفرق بين الكلية والجامعة.؟
ياخوي منت فاهمني انت :confused:
انا ادري انو داخل الجامعة كليات مثلا كلية الاقتصاد والادارة ولا الاداب الــــخ
ولكن سؤالي هنا في امريكا في مسمى كلية غير عن مسمى الجامعة كل وحده مفصولة ع الثانيه..
زي بجدة مثلا جامعة الملك عبدالعزيز غير عن كلية التربية..اتمنى تكون وضحت الصورة *_*
رد: ايش الفرق بين الكلية والجامعة.؟
ندى اتوقع تسالين عن Community College......
نظامها في امريكا بشكل عام انها تاهل الطالب لدرجة اقل من البكالوريوس...بمعنى اخر دبلوم عالي.......قبول الطالب في الكوميونيتي كولج جدا اسهل من الجامعات ولا اعتقد فيه اي اشتراطات غير اللغه اللي بالغالب تكون في معاهدهم.....
بعد ماتخلصين من الكويونيتي كولج في مدة سنتين على الارجح (بدون حساب فترة اللغه) يقدر الطالب او الطالبه انه يقدم على الجامعات علشان يكمل درجة البكالوريوس.....
مجموعة كبيرة من الطلاب الامريكان يمشون في المسار هذا علي شان يتجنبون اختبارات ال SAT اللي مطلوب منهم في الجامعات....بعد مايخلصون من السنتين يطلبون الالتحاق باحد الجامعات وخاصه اللي تكون في نفس المدينة بعد مايحصلون مستويات مرتفعه،،،
تحياتي
ابراهيم
رد: ايش الفرق بين الكلية والجامعة.؟
الكلية هي عبارة عن دراسة لمدة سنتين ولما تتخرج يعطونك شهادة دبلوم فقط
وبامكانك لم تخلص الكلية تروح تكمل دراسة بالجامعه لمدة سنتين ثانيه وبعدها تحصل على شهادة بكالوريوس
يعني الفرق ان الكلية سنتين ويعطونك شهادة دبلوم ام الجامعه اربع سنوات ويعطونك شهادة بكالوريوس
وعلى فكرة بما انك ماجستير فما راح تقدرين تدرسين في الكلية لانه لايوجد فيها ماجستير ابدا فقط مخصص للطلاب
اللي حابين يكملون بكالوريس او فقط يبون شهادة دبلوم