سؤال بخصوص DREXEL UNIVERSITY اتمنى المساعده

انت تبي تكاليف الدراسة الجامعية في الجامعة نفسها او تكاليف الدراسة في معهد اللغة الخاص بالحامعة ؟

Sent from my GT-I9100 using Tapatalk 2

اخوي وليد ابي تكاليف الجامعة من رسوم الدراسة وتكاليف السكن والطعام المتوقعة في سنة وابي رسوم المعهد مع تكاليف السكن والطعام
وعندي سوال اخوي وليد هل المعهد التابعه للجامعة موصى فيه او موقوف وشلون الدراسة فيه صعبه او لا ولغتي الانجليزي جيده لان خريج من كلية الجبيل الصناعية ويتم تدريس المواد فيه بالانجليزي
ياليت يااخوي وليد تفيدني لانك بنفس الجامعة ربي يجعلها بميزان حسنات ويوافقك ان شاء الله يوافقك جميع المسلمين ان شاء الله

وعليكم السلام ورحمة الله وبركاته

اخوي أبو خالد .. أنا صراحة ما أعرف سعر الدراسة في معهد جامعة دركسل لكن ممكن اوضح لك سعر الدراسة في معهد جامعة تمبل وماراح يفرق كثير بينهم .. مع التكلفة الاجمالية (( تقريبا ))

شهريا : 1000$ رسوم دراسة في الجامعة + 400-500$ لسكن العزاب أو 1000$ للمتزوجين + 150$ كهرباء ونت + 500$ أكل وشرب + 500$ أخرى = 3150 أو 2650$

هذي الصرفية الشهرية بشكل عام وممكن تكون أكثر أو أقل من كذا (على حسب صرفيتك) .. ولو انضميت للبعثة ان شا الله راح تكفيك المكافئة بحول الله .. وان شا الله اكون افدتك .. وأي استفسار حاضرين

السلام عليكم ورحمة الله وبركاته

اخوي انا بحط لك ثلاث يبينو تكاليف الجامعه والمعهد بس حط ببالك ان الجامعه تعتبر تكاليفها مرتفعة جدا مقارنه بجامعات اخرى.

الرابط الاول يبين لك تكاليف الجامعه لمرحلة البكالريوس
Cost Breakdown | Undergraduate Admissions | Drexel University
وهذا الثاني لتكاليف مرحلة الماجستير
Tuition and Fees | Graduate Admissions | Drexel University


والرابط الثالث لمرحلة اللغة ويبين التكاليف الدراسية والتكاليف التقريبية للسكن والاعاشة
Drexel ELC: Term Dates and Prices | English Language Center | Drexel University

يعطيكم العافيه يااخواني وربي يوافقكم ان شاء الله
بس سوالي انا دخلت تكاليف الجامعية لمرحلة البكالوريس بس مو واضح ومو عارف شنو يقصدون بالكلمات التالية :
1_ Three Co-op Option (5 Years).

2_One Co-op Option/
No Co-op Option (4 Years)

هل التكاليف الموجودة بموقع الجامعة تكااليف سنه او اكثر؟

الكو اب ميزه توفرها لك الجامعه
الكو اب هو برنامج منسق بين الجامعه وشركات بحيث ان الجامعه ترسل طلابها تطبق مع شركات لعدة اشهر او سنه وشوي حسب البرنامج اللي بتاخذهويحسب ضمن الدراسة
الكو اب مع خمس سنوات راح تدرس ثلاث سنوات ونصف وسنه ونصف تطبيق مع شركة -
الكو اب مع اربع سنوات راح تدرس ثلاث سنين ونص تقريبا وباقي الاشهر راح يكون تطبيق

هذا الرابط يوضح لك الكو اب متى يبدا ومتى ينتهي للاربع وخمس سنوات
Co-op Options | Undergraduate Admissions | Drexel University
طبعا لو اخذت خيار الخمس سنوات راح تبدا الكو اب من السنه الثانيه وتخلصه السنه الرابعه بمقدار ٦ اشهر كل سنه
ولو اخذت الاربع سنوات راح تبدا السنه الثالثه وتخلصه خلال ٦ اشهر في نفس السنه
وطبعا لما تاخذ اوبشن الكو اب ماراح تكون عندك اجازات ابدا، فقط راح تكون عندك اجازة وحده في السنه الاولى وبعدين كل شغل
ولو اخذت الدراسه العادية بدون كو اب راح تكون عندك اجازات مثل الكل

عموما الكوب اب اختياري وليس الزامي، ولو اخترت الكو اب ٥ سنوات راح تكون الدراسه ارخص لك من ٤ سنوات ولو اخذت الدراسه بدون كو اب راح تكون تكاليفها مثل تكاليف الدراسه تبع اربع سنوات وكو اب
طبعا لو راح تدرس وتكون مبتعث فالملحقية ماراح توافق لك على الكو اب خمس سنوات،
ولازم تحط ببالك ان الدراسه في دريكسل يبي لها شغل اكثر من باقي الجامعات لان نظامهم كل ٣ اشهر يعتبر سمستر مو مثل باقي الجامعات السمستر يكون كل ٦ اشهر فالدراسه تكون ضغط.

يعيطك العافية اخوي على الاجابة بس اخوي انا حاب اعرف تكاليف الدراسه لمدة سنه ماحصلته بموقع الجامعة مو نفس باقي الجامعات تكتب تكاليف سنة ياليت لو موجود تكاليف سنه بموقع الجامعة تقول لي
وعندي سؤال ثاني اخوي : هل توفر DREXEL UNIVERSITY قبول مشروط او لا ؟