عرض للطباعة
السلام عليكم ..
انا طالب خليجي ابي ادرس على حسابي ومخطط ادرس بفلوريدا2013 انا لغتي الانجليزيه جيده :D بس ابي معهد ما يشترط التوفل -ابغا اخذ التوفل او الايلتس بعد ما طور لغتي -وابغا اسئلكم المعاهد اللي مب تابعه للجامعات الطالب يقدر يقدم طلبه للالتحاق باي جامعه انا ناوي انشالله جامعة USF او UCF
وشنوا رايكم ادرس قبل في كليات المجتمع نظام السنتين وبعدها اكمل على جامعة ال4 سنوات حسب ما قريت وايد طلبه يدرسون عشان المصاريف اقل فيها وبعده يحولون
وتقبل الله طاعتكم انشالله
وعليكم السلام
اخي الحبيب ,,,
بما انك ناوي الدراسه ع حسابك الخاص طول المشوار , هنا اقول لك تقدر تنص القوانين اللي تحبها. بس الى حد معقول يعني. تستطيع الدراسه في معهد انقليزي لمدة شهرين وتاخذ اختبار توفل. ليش اقول لك كذا ؟ لأنه صحيح كلامك ان الكليّات بدايه افضل من الجامعه على طول و لكن في نفس الوقت الكليّه راح تطلب اثبات قدرة لغه او عالاقل اجادة التحدُّث عشان ما يبغون يبلشون فيك كيف يدرسونك ونتا ما تفهم عليهم ؟
طبعاً من كلامك ان لغتك كويسه فهذا شيء ممتاز هذا شيء بيساعدك تدخل كليّه على طول , في الكليّه تدرس لك سنتين تحظيري يسموها اعداد عام ( جينيرال اديوكيشن ) بس حاول تشوف لك كليّه قويّه عشان اذا حبيت تطلع من عندهم للجامعه يكون المواد اللي تدرسها الكليّه معترف فيها في اغلب الجامعات عشان ما تبتلش و تعيد ساعات وايد.
هو في الاخير انتا راح تطلع لك بماده ولا ثنتين ( واحياناً اكثر) ما راح يدخلون في الحسبه ولازم تعيدهم من جديد في الجامعه , بس الهدف هنا انك ما ظيّعت وقت كثير في انك تتعلّم لغه الا بالعكس انتا الان تعلمتها ونتا تدرس ... بس هاه ! دير بالك ان الدراسه راح تكون صعيبه شوي ( شوي انا اقول ) .. و برظو اتوقع انك اذا رحت تحوّل الجامعه ما راح يطلبون منك توفل ولاشي لأنك اساساً انهيت مواد بالانقليزي يعني اتذكر انهم ما راح يطلبون .. بس لو بيطلبون الله يعينك , لأن التوفل بحاله شغلته شغله ... ما اخوفك هني بس خلني الخص لك النقاط اللي تركّز عليها مع خطّه صغيرونه تمشي عليها :
تدخل معهد شهرين بعدين تختبر توفل
تقدم اوراقك ( و انتبه تكون شهادة الثانوي مالتك بالانقلش اذا ما عندك ترجمها و ختمها من وزارة الخارجيّه او التعليم )
تدرس لك سنتين في كليّه و هنا ركّز على ان المواد حقت الكليّه معترف بها و تقدر تسأل الكليّه نفسها لأنك اذا جيت هنا راح يسهل عليك انك تروح شخصيّاً و تسألهم و تتناقش معاهم و كذا , و انتا تحدد اي احسن معهد مقبوله مواده و تبدا معاه
تدوّر لك على جامعه و تسألهم عن كم عدد الساعات اللي يقبلوها من اللي تكون خلصته من الكليّه , و تختار الافضل
تكمل في الجامعه و تاخذ الشهاده :)
و بالتوفيق ,
زمبليطه كفا ووفا
طبعاً بحكم انك بتدرس على حسابك الخاص وماتبي معهد يدخلك لجامعه تبي تجيب الايلتس او التوفل
انت تقدر تختبر وتجيب الدرجه وتخليها معك لحد مايجي الوقت اللي يناسبك وتقدمها للجامعه واغلب الجامعات يطلبون منك تووفل او ايلتس مدته سنتين وبعض الجامعات يبغونك تجيب درجه مدتها سنه
يعني اذا اختبرت اليوم وجبت الدرجه اللي انت تبغاها لك سنه كامله او سنتين قدام ماتقدم الدرجه للجامعه تخلي النسخه اللي معك بشنطه ولا شي لحد ماتحس انه وقتك مناسب وتقدم على جامعه وتعطيهم النسخه حقت الدرجه
راسلت قبل امس معهد ELS وطرشولي ابليكيشن وبالنسبه لكليات المجتمع عندي معرفه فيهم حصلت كليه مثل santa fe community college بس في الويب سايت الرسمي اللي يدير هالكليات يعطيك نسبه القبول لكل جامعه. ومادري اذا في معاهد احسن . وبصراحه كون اني ابي ادرس على حسابي شي شاغلني لاني راح اقدم على استقالتي ومادري اذا 60.000 دولار تكون كافيه لاربع سنوات (الله يعين) في عندنا نظام البعثه الحكوميه بس هذا بعد سنه اولى جامعه لا وبعد تدخل منافسه بين الطلبه !!!!! -الشهادات كلها مترجمه وخالصين من اول ثانوي ل ثالث ثانوي -:v: ومشكور يا الغالي
والله يا اخوي أنا ارشح لك المعاهد اللي تتبع للجامعه
بس بما انه على حسابك الخاص ان شاء الله يفيدانك إخواني السعوديين في الموضوع
ممتاز ... انا ما عندي خلفيّه عن المعهد الحقيقه .. بس عشان نكون في الصوره من البدايه اللي هي المعهد .. خليني اصحصح لك بكرا و اجيب لك اسماء المعاهد اللي ينصحون فيها الشباب من موقع سعوديون في امريكا ...
بس من ناحية توقعات القبول مال الكليه اللي تقول , اتوقع انهم يعطون نسبات معينه لأنهم ما يدرون انتا وش بتدرس ... عشان فيه ناس بتدرس تعليم عام و ناس بتبدا تدرس تخصصات علميه بحته فتلاقيهم ياخذون كيميا و بيولوجيا و مدري شنو جيا :)
بس ما علينا ... بس ترى المبلغ اللي معاك يا دوب يكفيك سنه .. و يمكن سنه و نص ...
بس ما علينا , خلّي املك بالله كبير و همتك عاليه بس يا ليت تتكل بعد الله على احد اقربائك او شي عشان يسندك لين تجيك البعثه باذن الله..
تحياتي ,
بسم الله
ايوا اخي الحبيب , عندي بحث عن المعاهد الجيّده و معهدك من ظمنها , فتوكّل على الله ..
مشكور على كل شي .. وما قصرت وانا بعد راسلت الكليات والجامعات وارسلوا لي معلومات بعد .وانا ابحث بالمنتدى حصلت مقالات عن جامعات المانيه وتدرس بعد اللغه الانجليزيه!! معروف عن المانيا ان الدراسه فيها مجانيه غالبا وشفت كذا روابط حتى التخصص اللي ودي فيه يدرسونه باللغه الانجليزيه ,صحيح اروبا غاليه لكن بين الدراسه والمعيشه فامريكا شكله صعب اني اكمل وما دري شنو الظروف وحمدلله عندي وقت وايد اشوف وين افضل لي والله يقدم اللي فيه الخير انشالله.