عرض للطباعة
السلام عليكم .. كيفك يا حلوين :)
أخواني و أخواتي أنا إن شاء الله طالع على امريكا قريبا...
المهم : أنا في بالي كم سؤال وأتمنى تجاوبوني عليه :-
1- كم تكلفة دراسة الهندسة ( مدنية أو معمارية ) بكالويوس سنويا ..
وخاصه في ولاية فرجينيا
2- متى مواعيد التقديم في جامعات ولاية فرجينيا او امريكا عامة؟
3- كم التكلفة المعيشية المتوقعه من سكن وأكل وطلعات ويكند ( من دون تكلفة الجامعه ) ؟
وشكرا لكم جميعا ^_^
و عليكم السلام ...
هذا احد الاسئله الصعبه الحقيقه و لكن ما حبيت اطلع من موظوعك دون ان افيدك بالمعلومات اللي اعرف او ان ادلّك على ( كيفيّة الحصول على اجابات لسؤالك بنفسك )
اتوقّع انك طالع على حسابك , و لكن ولاية فرجينيا شوي غاليه ولكن الولايه عامّهً راقيه و المعيشه فيها مريحه و هذا سبب غلائها, لأن مؤسّسي الولايه من حكّام و ما شابه كان عندهم ( رؤيه ) بأن تكون الولايه تستقطب الناس ذوي الدخل العالي و بالتالي تكون منطقه ذات " طبقه راقيه " و من ذالكلام ... الزبده المنطقه شششوي غويليه ...
اما تكلفة الدراسه فتختلف من جامعه لجامعه بس انتا حاول تعرف ( بكم الساعه عندهم ) للماده و بكذا تقدر تحسب لنفسك 15 ساعه للبكلريوس للترم الواحد و تظرب عدد الساعات في قيمة الساعه و تطلع بالنتيجه ... هذي المعلومات تلاقيها في موقع الجامعه و راح تكون جداولهم شوي معقّده و لكن هدفك انك تستخلص وتستنتج ( بكم الساعه الواحده ) و بكذا تقدر تقيس ...
مواعيد التقديم للبكلريوس يعتمد على نظام الجامعه , فاذا كانت الجامعه نظامها نظام اترام فراح تلاقي موعدين للقبول بالنسبه للبكلريوس , واحد في الفصل الاول و الثاني للفصل الثاني .. و الصيفي ما اظن انك تقدر تقدّم عليه (كطالب مستجد ) ,,, بس فيه احتمال يعني للجامعات الكبيره و لكن الاحتمال قليل. و عموماً اغلب الجامعات تتّبع اوقات معيّنه متشابهه و الفرق بينها ما يتعدّى الاسبوع , بس برظو تقدر تلاقيه على الجدول الاكاديمي للجامعه اللي تبغى تقدّم عليها ...
تكلفة المعيشه هنا يختلف من شخص لشخص , بس اغلب الطلبه يبحثون عن من يأجّرهم غرفه او ( قبو ) او غرفه في القبو و اغلبنا بدأنا من موقع الكريج لست ... تكتب اسم المدينه و تبحث و تلاقي بأسعار تتراوح ما بين ال 650 الى 850 ( هذا ونتا ماخذ غرفه فقط ) طبعاً مع احقيّة استعمال المطبخ و يختلف حظّك و شطارتك في البحث عن مدى خصوصيّة المكان اللي راح تسكن فيه. بس لازم تهتم بالنظافه و الجديّه اذا كان معاك شخص آخر ساكن معاك لأن الخلافات في مثل هذي الاشياء وارده نظراً لاختلاف الثقافات و العادات ( حتى لو كان ابن بلدك ) فيكون تحطون انظمه تتبعونها و تمشون عليها مثل مثلاً ما نبغى زوّار او ما يقعدون الزوّار لساعه متأخّره و من ذالقبيل ...
و عن المعيشه العامّه فتختلف برظو اذا كانك تديرها في المطبخ ولا تعتمد على الوجبات السريعه ... و الوجبات السريعه عالعموم انصحك بالابتعاد عنها و تظبط اكلك بنفسك اذا كانك تهتم بصحتك. بس اذا تشتري من وولمارت فراح تكفيك المقاظي 50 دولار فالاسبوع و خصوصاً ان الظرايب عندكم شوي مرتفعه لأنك تدفع 7% لولاية فرجينيا و اتوقع 4% اخرى ظرايب مدينه , اغلب باقي الولايات تاخذ ظرايب وحده تتراوح بين ال 5 الى 7 % و بعض الولايات تاخذ مقاظي اخرى غير خاضعه للظرايب مثل الاطعمه في ميرلاند والملابس في بنسلفينيا.
الويكند انصحك تقظيه بالاحوال الاجتماعيّه من قضاء وقتك في اي مسجد عندكم حيث ان اغلب المسلمين يتجمعون في المساجد و يتحدّثون او يأكلون او او او ... و لكن السينما و ما شابه من مطاعم و طلعات في الويكند راح ترهق ميزانيتك الشيء المعتبر يعني ...
اخيراً اتمنى التوفيق من الله لي و لك و للجميع ,
اشكرك اخي على الرد الجميل وجزاك الله خيرا...
هل يوجد مساجد كثيره في ولاية فرجينيا؟ وهل يوجد عرب في هذه الولايه ام قليلون؟
اخي من خبرتك او من ماسمعت من اصحابك هل دراسة الطب (الطب العام او طب الاسنان) صعبه ؟ او معقده؟
وهل صعب احصل قبول للطب او للهندسه؟
وانا بالمناسبه سوف ادرس على حسابي الخاص وانا متخرج من الثانويه العامه ف راح ابدا من البدايه في امريكا... فماذا تنصحني ؟
وهل في كل تخصص يجب او اجباري ان يدرس الشخص اول سنه لغه؟
من ناحيه المساجد الحمدلله فيه مساجد بس مو كثير يعني بكل منطقه تحصل مركز اسلامي ..
اما من ناحيه قبولك فالدراسه في واشنطن تعبر صعبه لان فيها جامعات قويه مثل
جورج واشنطن
وجورج تاون
وجورج ميسون
ومن ناحيه قبولك فهذا يرجع لمعدلك بالثانويه ومعدل الايلتس او التوفل اللي بتجيبه باللغه
اتمنى اني اكون افتدك
تحياتي ..
اشكرك اخي على الرد الجميل ...
انا وجهتي الدراسيه الى ولاية فرجينيا وليس واشنطن
بس اخوي كم مطلوب بل Toefl-iBT في الجامعات عامة ؟
فرجينيا وواشنطن مابينهم اربع دقايق بالسيارة
او12 دقيقه على رجولك
التوفل يختلف على حسب الجامعه
انا مااقدر افيدك فيهم
لكن اذا راسلت الجامعات اتوقع يعطونك خبر