اللي جاي على Univ of central arkansas في كونوي وعنده اي استفسار يدخل
السلام عليكم
اللي جاي على جامعة UCA في كونوي وعنده اي استفسار عن المعهد او الجامعه او السكن او المدينه او اي استفسار ..
انا بالخدمه يكتب هنا
والله يحييكم ..
رد: اللي جاي على Univ of central arkansas في كونوي وعنده اي استفسار يدخل
ياهلا يافديتك ..هع
ابي اسئلك عن الجامعه
اقدر احصل قبول مشروط تخصص Radiography ...
يعني ادرس بالمعهد واخلص المستويات وادخل الجامعه
او لازم اختبار
اوضاع الجو ؟
اهلها؟ وش هم من لحيه خخخ اقصد اخلاقهم وتعاملهم
المعيشه؟
ومشكوووووووووور
- - - مشاركة محدثة - - -
نسيت شي اسم المعهد التابع لها وهل هو موقوف
رد: اللي جاي على Univ of central arkansas في كونوي وعنده اي استفسار يدخل
اخوي بالنسبه للقبول في كم جاك!؟
هل طول ولا لا
رد: اللي جاي على Univ of central arkansas في كونوي وعنده اي استفسار يدخل
اقتباس:
المشاركة الأصلية كتبت بواسطة shmale
ياهلا يافديتك ..هع
ابي اسئلك عن الجامعه
اقدر احصل قبول مشروط تخصص Radiography ...
يعني ادرس بالمعهد واخلص المستويات وادخل الجامعه
او لازم اختبار
اوضاع الجو ؟
اهلها؟ وش هم من لحيه خخخ اقصد اخلاقهم وتعاملهم
المعيشه؟
ومشكوووووووووور
- - - مشاركة محدثة - - -
نسيت شي اسم المعهد التابع لها وهل هو موقوف
مرحبا ..
Bachelor of Science in Radiography
المعهد بنفس للجامعه
Intensive English Program
خمس مستويات وكل مستوى شهرين .. والمعهد يعتمد على دراستك ,, يعني تكرف تمشي ما تستاهل النجاح انسى انك تنجح .. النجاح من 80% واعرف طلاب سعودين كثير ابتدوا بالمستوى الاول وتخرجوا ولا اعادوا ولا مستوى .. بعد ماتخلص المستوى الخامس تدخل الجامعه ..
المدينه صغيرهـ .. فيها 3 كليات وجامعه .. الجامعه حكوميه وترتيبها 44 على مستوى امريكا 2012.. اهلها طيبين ماشفت ولا مشكله منهم ..
اسعار الشقق غرفتين من 500 دولار الى 775
البيوت من 500 تبدا..
والروميتس من 300
ومافيها عوايل
الاسواق اللي فيها محدودهـ ..
فيها مطعم عربي وثلاث مقاهي شيشه .. وواحد منهم عربي ..
واحد من العيال يسميها بريدة امريكا ..
ممنوع يباع فيها الشراب ومافيها نايت كلبز وهذا اللي محببني فيها ..
آمنه جدا .. تتميز بالطبيعة .. وجوها حار رطب صيفا وبارد شتاء وجوها حلو نسبيا .. ادفى من الشمال وابرد من الجنوب ..
تبعد عن العاصمه 25 دقيقه بالسياره .. مافيها ميترو .. التاكس بالولايه 8% بس تعتبر من ارخص الولايات في امريكا ..
- - - مشاركة محدثة - - -
اقتباس:
المشاركة الأصلية كتبت بواسطة الله يعين بس
اخوي بالنسبه للقبول في كم جاك!؟
هل طول ولا لا
القبول يوصلك من 5 ايام الى اسبوعين .. وانا وصلني قبولي بيومين !
الانترناشنول اوفس محترم ..!!
اتمنى افدتك ..
رد: اللي جاي على Univ of central arkansas في كونوي وعنده اي استفسار يدخل
السلام عليكم ... أخوي
كل عام وأنت بخير ....
أنا إن شاء الله جاي بداية السنة الميلادية الجديدة للديرة ذي للدراسة بالجامعة والمعهد حقه
لكن اللي ودي أستفسر منه بالنسبة للسكن مع عائلة موجود هالشي مثل باقي الولايات وإلا ما فيه ؟
وكذلك بالنسبة للسكن يوجد مثل شققنا اللي متعارف عليها مجلس ومقلط وإلا الدعوى مفتوحة على بعضها ؟ ومؤثثة وإلا بلاط بس ؟ وهل الأثاث غالي إذا هي فاضية ؟ وبكم تتوقع يحصل الواحد سكن هادئ وقريب للجامعة (( ودي أقول قريب من مسجد لكن .....)) ويكون مناسب للعوائل السعودية ؟
وبالنسبة للتنقلات يحتاج سيارة خاصة وإلا مابحتاج وإذا يحتاج متوقع الأسعار يكون كم للسيارة النظيفة الزينة ؟
أدري إنك تقول وش البلشة اللي بلشنا فيه ؟ لكن عاد تحملنا وعساه يخدمك المال والبنون .....
وشكراً لك ....
رد: اللي جاي على Univ of central arkansas في كونوي وعنده اي استفسار يدخل
أخوي أنا قبلت في معهد اللغه في بلمنجتون
فهل هذه الجامعة تقبل معهد اخر غير معهدهاا
رد: اللي جاي على Univ of central arkansas في كونوي وعنده اي استفسار يدخل
معليش ماتعرف شي عن مدينة روزلفيل الليفيها جامعة اركانسس تِك ؟؟؟ لاني بحثت كثيييير في النت مالقيت عنها معلومات وبديت اقلق
ياليت تقدر تجيب لي معلومات عن السكن والجامعه والامان
شكراااا
رد: اللي جاي على Univ of central arkansas في كونوي وعنده اي استفسار يدخل
السلام عليكم
اخوي انا متفق ويا مكتب انه يسوي لي قبول في معهد وجامعة و حجز تاشيرة في نفس الولاية اركانساس مدينة كونوي و الجامعة نفس حقتك طبعا الكلام هذا من شهر 6 ميلادي 2012 والى تاريخ المشاركة هذي ماوصلني شي من المكتب طبعا دفعت له 2800 ريال ووالله انه غابني كل ماكلمته يقول ماوصل شي واخرتها امس 8 سبتمبر قالي انه يوم الجمعة الموافق 13 سبتمبر احتمال يوصل قبولك وبعدها راح يسوي لي حجز للفيزا وبعدها انشالله يقابلوني وانجح يارب واذا استلمت الفيزا بيكون موعد رحلتي في نهاية 2012 تقريبا في العشر الاواخر من ديسمبر 2012 بس للان مادري وش اخذ اي طيران ابي رخيص مايهمني الراحة ولا شي اهم شي تطير فيني الطياره وتوقع في المكان اللي بروح له والرخيص مهم بالنسبة لي - وش وضع الطيران هل لازم احجز من بدري ولا راح احصل الحجز زي سلام عليكم - هل تتوقع ان المكتب يكذب علي ويماطل فيني او انه عنده زحمه وانا ترتيبي بعيد عنهم ؟
والله شايل هم البعثة هذي - غير كذا نجي لموضوع الفلوس وهي اللي ذابحتني ومخليتني افكر 24 ساعة
انا معي مبلغ 50 الف ريال سعودي نقص منها 10 الاف للتذكرة ولاب توب وشنطة وملابس يبقى 40 الف هل تتوقع انها تمشيني لين يجيني الانضمام ولا ماراح تكفي؟
كم سعر المعهد لكل فصل؟
كم سعر السكن في المعهد؟
كم سعر السكن برا المعهد؟
هل المعهد يقدم مأكولات ولا انا اللي أأكل نفسي؟
كم اسعار المأكولات 3 وجبات في اليوم؟
وش غير الاكل يحتاج له صرف؟
كم اسعار الصيدليات هناك واقصد مثلا معجون الاسنان و شامبو الشعر للاستحمام والصابون ؟
كيف ملابسهم هناك لو بغيت اشتري هل جودتها عالية ورخيصة ام غالية؟
في حالة اني وصلت هناك كيف راح اقدم انضمام للبعثة هل لازم تروح لواشنطن للملحقية ولا عن طريق الانترنت راح تمشي اموري باذن الله ؟
هل انت الان تدفع من حسابك ولا ضموك الحكومة (انت سعودي؟) اذا نعم كم جلست وضموك وكم دفعت ؟
هذا اللي في راسي من اسئلة اذا عندك شي زيادة لاتبخل علي فيه انا في اشد الحاجة للمعلومات
بحثت في النت والمنتدى هنا ولا حصلت للجامعة هذي معلومات
رد: اللي جاي على Univ of central arkansas في كونوي وعنده اي استفسار يدخل
السلام عليكم
اخوي انا متفق ويا مكتب انه يسوي لي قبول في معهد وجامعة و حجز تاشيرة في نفس الولاية اركانساس مدينة كونوي و الجامعة نفس حقتك طبعا الكلام هذا من شهر 6 ميلادي 2012 والى تاريخ المشاركة هذي ماوصلني شي من المكتب طبعا دفعت له 2800 ريال ووالله انه غابني كل ماكلمته يقول ماوصل شي واخرتها امس 8 سبتمبر قالي انه يوم الجمعة الموافق 13 سبتمبر احتمال يوصل قبولك وبعدها راح يسوي لي حجز للفيزا وبعدها انشالله يقابلوني وانجح يارب واذا استلمت الفيزا بيكون موعد رحلتي في نهاية 2012 تقريبا في العشر الاواخر من ديسمبر 2012 بس للان مادري وش اخذ اي طيران ابي رخيص مايهمني الراحة ولا شي اهم شي تطير فيني الطياره وتوقع في المكان اللي بروح له والرخيص مهم بالنسبة لي - وش وضع الطيران هل لازم احجز من بدري ولا راح احصل الحجز زي سلام عليكم - هل تتوقع ان المكتب يكذب علي ويماطل فيني او انه عنده زحمه وانا ترتيبي بعيد عنهم ؟
والله شايل هم البعثة هذي - غير كذا نجي لموضوع الفلوس وهي اللي ذابحتني ومخليتني افكر 24 ساعة
انا معي مبلغ 50 الف ريال سعودي نقص منها 10 الاف للتذكرة ولاب توب وشنطة وملابس يبقى 40 الف هل تتوقع انها تمشيني لين يجيني الانضمام ولا ماراح تكفي؟
كم سعر المعهد لكل فصل؟
كم سعر السكن في المعهد؟
كم سعر السكن برا المعهد؟
هل المعهد يقدم مأكولات ولا انا اللي أأكل نفسي؟
كم اسعار المأكولات 3 وجبات في اليوم؟
وش غير الاكل يحتاج له صرف؟
كم اسعار الصيدليات هناك واقصد مثلا معجون الاسنان و شامبو الشعر للاستحمام والصابون ؟
كيف ملابسهم هناك لو بغيت اشتري هل جودتها عالية ورخيصة ام غالية؟
في حالة اني وصلت هناك كيف راح اقدم انضمام للبعثة هل لازم تروح لواشنطن للملحقية ولا عن طريق الانترنت راح تمشي اموري باذن الله ؟
هل انت الان تدفع من حسابك ولا ضموك الحكومة (انت سعودي؟) اذا نعم كم جلست وضموك وكم دفعت ؟
هذا اللي في راسي من اسئلة اذا عندك شي زيادة لاتبخل علي فيه انا في اشد الحاجة للمعلومات
بحثت في النت والمنتدى هنا ولا حصلت للجامعة هذي معلومات
رد: اللي جاي على Univ of central arkansas في كونوي وعنده اي استفسار يدخل
اقتباس:
المشاركة الأصلية كتبت بواسطة عبدالله الخليفة
السلام عليكم ... أخوي
كل عام وأنت بخير ....
أنا إن شاء الله جاي بداية السنة الميلادية الجديدة للديرة ذي للدراسة بالجامعة والمعهد حقه
لكن اللي ودي أستفسر منه بالنسبة للسكن مع عائلة موجود هالشي مثل باقي الولايات وإلا ما فيه ؟
وكذلك بالنسبة للسكن يوجد مثل شققنا اللي متعارف عليها مجلس ومقلط وإلا الدعوى مفتوحة على بعضها ؟ ومؤثثة وإلا بلاط بس ؟ وهل الأثاث غالي إذا هي فاضية ؟ وبكم تتوقع يحصل الواحد سكن هادئ وقريب للجامعة (( ودي أقول قريب من مسجد لكن .....)) ويكون مناسب للعوائل السعودية ؟
وبالنسبة للتنقلات يحتاج سيارة خاصة وإلا مابحتاج وإذا يحتاج متوقع الأسعار يكون كم للسيارة النظيفة الزينة ؟
أدري إنك تقول وش البلشة اللي بلشنا فيه ؟ لكن عاد تحملنا وعساه يخدمك المال والبنون .....
وشكراً لك ....
الله يحييك
فيه سكن مناسب للعوايل والمدينه امان .. لكن نظام شقق.. السعر ٧٧٠ دولار غرفتين وصاله ومطبخ ودورتين مياه وبلكونه..
السياره ضروريه للمتزوج..
- - - مشاركة محدثة - - -
اقتباس:
المشاركة الأصلية كتبت بواسطة بك أستجير
أخوي أنا قبلت في معهد اللغه في بلمنجتون
فهل هذه الجامعة تقبل معهد اخر غير معهدهاا
المعذره مااعرف هالجامعه